2 तीमुथियुस 2:13 - काँगड़ी

¹³ ऐत्थु तिकर कि जे अहां मसीह तांई बसुआसे जोग्गे नीं भी होन, तमी सैह़ अहां तांई बसुआसे जोग्गा बणी रैंह्दा ऐ, क्जोकि सैह़ हमेसा अपणे सभावे मताबक ई कम्म करदा ऐ।

2 तीमुथियुस 2:13 Iomraidhean Croise

मत्ती 24:35

अम्बर कने धरती टल़ी सकदे हन, अपर मेरियां गल्लां कदी नीं टली सकदियां।

रोमियो 3:3

जे कुच्छ यहूदी लोकां परमात्मे पर बसुआस नीं कित्ता तां क्या होएया? क्या तिन्हां दा बसुआसघात परमात्मे दी सच्चाईया जो नास करी दिंदा ऐ?

रोमियो 9:6

अपर एह़ नीं कि परमात्मा अपणे वादे पूरे करणे च नाकामयाब होई गेआ ऐ, इसतांई कि इस्राएले दे सारे वंश परमात्मे दे सच्चे लोक नीं हन;

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

1 थिस्सलुनीकियों 5:24

जिन्हीं तुहां जो सद्देया ऐ, सैह़ इसियो पूरा भी करगा, क्जोकि सैह़ बसुआसे जोग्गा ऐ

2 थिस्सलुनीकियों 3:3

अपर तुहां प्रभु पर पूरा बसुआस करी सकदे हन; सैह़ तुहां जो आत्मिक रीतिया नैं मजबूत करगा कने तिस सैताने ते बचाई नैं रखगा।

तीतुस 1:2

तिसा सदा दी ज़िन्दगिया दिया आसा पर जिसदा वादा परमात्मैं जेह्ड़ा झूठ नीं ग्लाई सकदा, बड़ी पैहल्ले ते कित्या ऐ।

इब्रानियों 6:18

तां भिरी ऐत्थु दूँ गल्लां दा जिकर ऐ, इक्क तिसदा वादा कने दूई तिसदी कसम जेह्ड़े कदी नीं बदली सकदे कने जिन्हां दे बारे च परमात्मा कदी झूठ नीं ग्लाई सकदा। इसतांई अहां जेह्ड़े परमात्मे दे नेड़े पनाह लैणे जो आएयो हन कने जेह्ड़ी आसा तिन्हीं अहां जो दित्तियो ऐ, तिसा जो पकड़ी करी रखेया ऐ, कने अहां बड़े खुस हन।