2 तीमुथियुस 1:3 - काँगड़ी

³ मैं रात-दिन अपणिया प्रार्थना च तुहां जो याद करी नैं परमात्मे जो धन्यावाद दिंदा ऐ, जिसदी सेवा मैं साफ अन्तर आत्मा नैं तिंआं ई करदा ऐ, जिंआं मेरे पूर्वज करदे थे।

2 तीमुथियुस 1:3 Iomraidhean Croise

लूका 2:37

सैह़ चौरासी साल्लां ते बिधवा थी, कने सैह़ मंदरे जो नीं छड्डदी थी। अपर ब्रत कने प्रार्थना करी नैं रात -दिन अराधना करदी थी।

प्रेरितां दे कम्म 22:3

“मैं तां यहूदी माणु ऐ, मेरा जन्म किलिकिया प्रदेसे दे तरसुसे सैहरे च होएया; अपर इस सैहरे च गमलीएल देयां पैरां अल्ल बेई करी पढ़ाया ऐ, कने पूर्वजां दी व्यबस्था दी ठीक तरीके पर सखाया ऐ; कने परमात्मे तांई बड़ा खुस था, ठीक तिंआं ई जिंआं तुहां सब हन।

प्रेरितां दे कम्म 23:1

पौलुसैं महासभा दे पास्से टक लगाई करी दिख्या कने ग्लाया, “हे भाऊओ, मैं अज्जे तिकर परमात्मे दे तांई बिलकुल सच्चे मने सौगी ज़िन्दगी बिताई ऐ।”

प्रेरितां दे कम्म 24:14

अपर मैं तेरे सामणै एह़ मन्नी लैंदा ऐ कि जिसा धार्मिकता जो सैह़ झूठी धार्मिकता ग्लांदे हन, कि मैं अपणे पूर्वजां दे परमात्मे दी अराधना करदा ऐ, कने जेह्ड़ियां गल्लां मूसा दिया व्यबस्था कने भविष्यवक्ता दियां कताबा च लिखियां हन, तिन्हां सबना पर बसुआस करदा ऐ।

प्रेरितां दे कम्म 24:16

इसते मैं अप्पु भी कोसस करदा ऐ कि परमात्मे दे, कने माणुआं दे पास्से ते मेरा मन हमेसा बेकसूर रैंह्।

प्रेरितां दे कम्म 26:4

“मेरा चाल-चलण जुआनिया ते ई मेरे लोकां च कने यरूशलेम सैहरे च जदेया था, एह़ सारे यहूदी जाणदे हन।

प्रेरितां दे कम्म 27:23

क्जोकि परमात्मा जिसदा मैं ऐ, कने जिसदी अराधना करदा ऐ तिसदे सुअर्गदूतैं पीछली रात मिन्जो नैं आई करी ग्लाया,

रोमियो 9:1

मैं मसीह च सच्च ग्लांदा ऐ, झूठ नीं ग्लांदा कने मेरा जमीर भी पवित्र आत्मा च गवाही दिंदा ऐ।

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

गलातियों 1:14

कने अपणे मते सारे जाति भाऊआं ते जेह्ड़े मेरिया उम्रा दे थे, यहूदी व्यबस्था जो बड़ा मनदा था कने अपणे पूर्वजां दे रीति रिवाजां च बड़ा जोसीला था।

इफिसियों 1:16

मैं हमेसा तुहां तांई परमात्मे दा धन्यावाद कने अपणिया प्रार्थना च तुहां जो याद करदा ऐ।

1 थिस्सलुनीकियों 3:10

अहां रात दिन बड़ी प्रार्थना करदे रैंह्दे हन, कि तुहां जो दुवारी दिक्खन, कने तुहां दे बसुआसे च जेह्ड़ी कमी ऐ, तिसा जो पूरा करन।

1 तीमुथियुस 1:19

तुहां यीशु मसीह च अपणे बसुआसे जो बणाई कने अपणिया अन्तर आत्मा जो साफ रखा। कुच्छ लोकां तां अपणिया साफ अन्तर आत्मा जो छड्डी दित्या ऐ, जिसदिया बज़ाह ते यीशु मसीह च तिन्हां दा बसुआस मुक्की गेआ ऐ।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

1 तीमुथियुस 5:5

तिसा बिधवा दी जिसादी देखभाल करणे आल़ा कोई नीं ऐ, सैह़ परमात्मे पर आस रखदी ऐ, कने मदत तांई रात दिन परमात्मे नैं विणती कने प्रार्थना च लग्गी रैंह्दी ऐ।

2 तीमुथियुस 1:5

मैं तेरिया माँऊ यूनीके दे तिस सच्चे बसुआसे जो भी याद करदा ऐ। कने तेरिया नानिया लोईसा दा बसुआस भी सैदेया था, मैं इसा गल्ला च पक्का ऐ कि सैई बसुआस तिज्जो च भी ऐ।

2 तीमुथियुस 3:15

कने तू बचपणे ते ई पवित्रशास्त्रे जो जाणदा ऐ। कने एह़ तिज्जो तिस उद्धारे दा ज्ञान देई सकदा ऐ, जेह्ड़ा तिज्जो यीशु मसीह च बसुआस करणे दे जरिये मिलदा ऐ।

इब्रानियों 13:8

यीशु मसीह कल कने अज्ज कने जुगा-जुग कदी नीं बदलदा।