2 तीमुथियुस 1:2 - काँगड़ी

² मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। मैं प्रार्थना करदा ऐ, कि अहां दे पिता परमात्मे कने प्रभु यीशु मसीह दे पास्से ते तिज्जो अनुग्रह कने दया कने सांति मिलदी रैंह्।

2 तीमुथियुस 1:2 Iomraidhean Croise

प्रेरितां दे कम्म 16:1

भिरी सैह़ दिरबे कने लुस्त्रा सैहरे च भी गेआ। तित्थु तीमुथियुस नांऐ दा इक्क चेला था, जेह्ड़ा बसुआसी यहूदनी जणासा दा जागत था, अपर तिसदा बुढ़ा यूनानी था।

रोमियो 1:7

एह़ चिठ्ठी रोम सैहरे दे तिन्हां सारेयां दे नां पर ऐ, जेह्ड़े परमात्मे दे प्यारे हन, कने पवित्र लोक होणे तांई सद्देयो हन, मैं प्रार्थना करदा ऐ, कि अहां दे पिता परमात्मा कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्।

रोमियो 12:19

हे प्यारे साथी बसुआसियो, बदला मत लेआ, अपर परमात्मे जो तुहां तांई बदला लैणां देआ, क्जोकि पवित्रशास्त्रे च प्रभु ग्लांदा ऐ, “बदला लैणां मेरा कम्म ऐ, कने मैंई बदला लैंगा।”

1 कुरिन्थियों 4:17

इसतांई मैं तीमुथियुसे जो जेह्ड़ा प्रभु च प्यारा कने बसुआसे च मेरे जागते साइआं ऐ, तुहां अल्ल घल्लेया ऐ। सैह़ तुहां जो याद करांगा, कि किंआं मैं यीशु मसीह पचांह़ चलदा ऐ, ठीक तिंआं ई जिंआं मैं हर इक्की कलीसिया च जाई नैं सिक्षा दिंदा ऐ।

फिलिप्पियों 4:1

हे प्यारे साथी बसुआसियो, मैं तुहां नैं बड़ा प्यार करदा ऐ, कने तुहां नैं मिलणा चांह़दा ऐ, जेह्ड़े मेरी खुसी कने इनाम हन। इसतांई हे प्यारे साथी बसुआसियो, प्रभु दे बसुआसे च मजबूत बणी रेह्आ।

1 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। क्जोकि तिन्हीं भी मिन्जो साइआं यीशु मसीह पर बसुआस कित्ता, मैं प्रार्थना करदा ऐ, कि पिता परमात्मे कने अहां दे प्रभु यीशु मसीह ते तिज्जो अनुग्रह, दया कने सांति मिलदी रैंह्।

2 तीमुथियुस 2:1

इसतांई हे मेरे पुत्तर तीमुथियुस, तू तिस अनुग्रह च जेह्ड़ा यीशु मसीह दिंदा ऐ, मजबूत होई जा,

तीतुस 1:4

तीतुसे दे नां जेह्ड़ा बसुआसे च मेरा सच्चा पुत्तर ऐ; मैं प्रार्थना करदा ऐ, कि पिता परमात्मे कने अहां दे उद्धार करणे आल़े यीशु मसीह दे पास्से ते तिज्जो अनुग्रह कने सांति मिलदी रैंह्।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

3 यूहन्ना 1:4

मिन्जो इसते बधी नैं होर कोई खुसी नीं, कि जिसियो मैं सुणैं, कि सैह़ सारे जेह्ड़े मेरे बाल-बच्चेयां साइआं हन सच्चाई पर चलदे हन।