2 तीमुथियुस 1:16 - काँगड़ी

¹⁶ उनेसिफुरूसे दे परवारे पर प्रभु दया करैं, क्जोकि तिन्हीं मिन्जो अल्ल आई नैं मती बरी मेरी मदत कित्ती, कने सैह़ ऐत्थु जेला च मिन्जो नैं मिल्ली करी सर्मिंदा नीं होएया।

2 तीमुथियुस 1:16 Iomraidhean Croise

मत्ती 25:17

इस तरीके नैं जिसियो दो मिल्लेयो थे, तिन्हीं भी दो होर तोड़े कमाये।

मत्ती 5:7

धन हन सैह़, जेह्ड़े दया करणे आल़े हन, क्जोकि परमात्मा तिन्हां पर दया करगा।

प्रेरितां दे कम्म 21:33

ताह़लू सपाईयां दे सरदारे पौलुसे अल्ल आई करी तिसियो पकड़ी लेआ; कने दूँ सगल़ां नैं बन्नणे दी सलाह देई करी पुछणा लग्गा, “एह़ कुण ऐ कने इन्हीं क्या कित्या ऐ।”

प्रेरितां दे कम्म 28:20

ऐई बज़ाह ऐ जिसाते मैं तुहां नैं मिलणा कने गल्लबात करणा चांह़दा था, क्जोकि मसीह इस्राएल दे लोकां दा सैह़ बसुआस ऐ, जिसदिया बज़ाह ते मैं संगल़ां नैं जकड़ेया ऐ।”

1 कुरिन्थियों 16:18

तिन्हां मेरे कने तुहां दे मनां जो बड़ा हौंसला दित्ता ऐ, इसतांई तुहां जो ऐदेयां लोकां दी इज्जत करणी चाइदी।

इफिसियों 6:20

मैं सोचदा ऐ, कि सिर्फ इसतांई मैं संगल़ां च जकड़ौई नैं राजदूते साइआं सेवा करा दा ऐ; प्रार्थना करा कि, जिस तरीके नैं मिन्जो ग्लाणा चाइदा ऐ, तिंआं ई मैं हिम्मता नैं सुसमाचारे दा प्रचार करी सकैं।

2 तीमुथियुस 1:12

इस सुसमाचारे दिया बज़ाह ते मैं ऐत्थु जेला च भी इन्हां दुखां जो झेला दा ऐ, अपर भिरी भी सर्मांदा नीं, क्जोकि मैं मसीह जो जाणदा ऐ; जिस पर मैं बसुआस कित्या ऐ, कने मिन्जो पक्का पता ऐ कि ताह़लू तिकर सैह़ मेरे इस सुसमाचारे दी रखवाल़ी करी सकदा ऐ, जाह़लू तिकर सैह़ बापस नीं ओंदा।

2 तीमुथियुस 1:17

अपर जाह़लू सैह़ रोम सैहरे च आया, तां तिन्हीं बड़ी कोसस करी नैं मिन्जो तोपेया, कने मिन्जो नैं मिल्लेया।

2 तीमुथियुस 1:18

मैं विणती करदा ऐ, कि जाह़लू प्रभु बापस ओंगा, तां प्रभु तिस पर दया करैं कने तू अप्पु ई खरे कित्ते जाणदा ऐ, कि जाह़लू मैं इफिसुस सैहरे च था। तां तिन्हीं मेरी कितणी मदत कित्ती।

2 तीमुथियुस 1:8

इसा बज़ाह ते तू दूये लोकां जो अहां दे प्रभु यीशु मसीह दे बारे च दस्सणे ते मत सर्मा, कने ना ई मेरिया बज़ाह ते जेह्ड़ा तिस सुसमाचारे दिया सेवा तांई जेला च ऐ। अपर तुहां जो परमात्मे दिया तिसा सामर्थी दा इस्तेमाल करणा चाइदा ऐ, जेह्ड़ी सैह़ तुहां जो दिंदा ऐ कने तुहां जो मिन्जो सौगी तिन्हां दुखां च सामिल होई जाणा चाइदा, जेह्ड़े मैं सुसमाचारे दिया बज़ाह ते झेला दा ऐ।

2 तीमुथियुस 4:19

प्रिसका कने तिसादे लाड़े अक्विला जो कने उनेसिफुरूस दे परवारे जो मेरे पास्से ते नमस्कार।

फिलेमोन 1:20

हे मेरे बसुआसी भाऊ, एह़ खुसी मिन्जो प्रभु च तेरे पास्से ते मिल्लैं। मसीह च मेरे दिले जो हरा भरा करी दे।

फिलेमोन 1:7

क्जोकि हे मेरे प्यारे बसुआसी भाऊ, मिन्जो तेरे प्यारे ते मती सारी खुसी कने सांति मिलियो ऐ, इसतांई कि तेरे जरिये परमात्मैं दे लोकां दे मन हरे भरे होई गियो हन।

इब्रानियों 10:34

क्जोकि तुहां कैदियां दे दुखे च भी दुखी होये, कने अपणी धन दौलत भी खुसिया नैं लुटणा दित्ती। एह़ जाणी करी कि तुहां अल्ल सुअर्गे च इक्क होर भी खास कने सदा काल तिकर रैहणे आल़ी धन दौलत ऐ।

इब्रानियों 6:10

क्जोकि परमात्मा गलत फैसला नीं करदा ऐ, कि तुहां दे कम्मां कने तिस प्यारे जो भुल्ली जां, जेह्ड़ा तुहां तिसदे नांऐ तांई इस तरीके नैं दस्सेया, कि तिसदे लोकां दी सेवा कित्ती कने करा दे भी हन।