2 तीमुथियुस 1:13 - काँगड़ी

¹³ भरोसा रख कि जेह्ड़ी सच्ची सिक्षा तैं मिन्जो ते सुणी ऐ, सैह़ तिज्जो तांई उदारणे साइआं ऐ। तिसा जो बसुआसे कने प्यारे सौगी कर, क्जोकि जेह्ड़ा तू यीशु मसीह च इक्क ऐ।

2 तीमुथियुस 1:13 Iomraidhean Croise

रोमियो 2:20

कने वेअक्लेयां जो सखाणे आल़ा, कने तिन्हां लोकां दा जेह्ड़े परमात्मे च अह्ल्ली तिकर बच्चे हन गुरू ऐ।” तैं मूसा दिया व्यबस्था च तिस ज्ञाने कने सच्चाईया जो जाणी लेआ ऐ।

रोमियो 6:17

अपर परमात्मे दा धन्यावाद होयैं, कि तुहां जेह्ड़ा पापे दे दास थे हुण मने ते तिसा सिक्षा जो मन्नणे आल़े होई गै, जिसदे सांचे च ढालेयो थे,

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 4:9

जेह्ड़ियां गल्लां तुहां मिन्जो ते सिखियां, कने अपनाईयां, कने सुणियां कने मिन्जो च दिक्खियां, तिन्हां ई दा पालण करदे रेह्आ। ताह़लू सांति दा परमात्मा तुहां लोकां सौगी रैंह्गा।

कुलुस्सियों 1:4

क्जोकि अहां सुणेया ऐ, कि यीशु मसीह पर तुहां दा बसुआस ऐ, कने सारे परमात्मे दे लोकां नैं तुहां प्यार रखदे हन।

1 थिस्सलुनीकियों 5:21

सारियां गल्लां जो परखा; जेह्ड़ियां खरिया हन, तिन्हां गल्लां जो ग्रहण करा।

1 तीमुथियुस 1:10

ब्यभिचारियां, दूये मर्दां सौगी गलत कम्म करणे आल़े तांई, गुलामी तांई माणुआं जो बेचणे आल़े लोकां तांई, झूठ ग्लाणे आल़े कने झूठी कसम खाणे आल़े लोकां तांई, कने खरिया सिक्षा दे खलाफ कुसी भी तरीके दा कम्म करणे आल़े तांई ऐ।

1 तीमुथियुस 1:14

यीशु मसीह च अहां दे प्रभु दा मता सारा अनुग्रह बसुआसे कने प्यारे नैं मिन्जो पर होएया।

1 तीमुथियुस 6:3

जे कोई झूठी सिक्षा दिंदा ऐ कने अहां दे प्रभु यीशु मसीह दे खरे संदेस, यानकि परमात्मे दी भक्ति दिया सिक्षा ते सेहमत नीं हुंदा,

2 तीमुथियुस 1:1

मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ; कने तिसा सदा दी ज़िन्दगिया दे वादे मताबक जेह्ड़ी यीशु मसीह पर बसुआस करणे दे जरिये मिलदी ऐ।

2 तीमुथियुस 1:14

कने पवित्र आत्मा दे जरिये जेह्ड़ा अहां च बसदा ऐ, इस सुसमाचारे दी रखवाल़ी कर।

2 तीमुथियुस 2:2

कने तैं यीशु मसीह दे बारे च जेह्ड़ियां सिक्षां मतेआं लोकां सामणै मिन्जो ते सुणियां हन। तां हुण मैं एह़ चांह़दा ऐ, कि सैई सिक्षां तिन्हां बसुआसी लोकां जो भी सखा, जिन्हां पर तू भरोसा रखदा ऐ; तांजे सैह़ बसुआसी भी तिन्हां सिक्षां जो दूयेयां लोकां जो सखाणे जोग्गे बणी जान।

2 तीमुथियुस 3:14

अपर तीमुथियुस इन्हां गल्लां पर जेह्ड़ियां तैं सिखियां हन, कने जिन्हां पर बसुआस कित्या ऐ, तू लगातार इन्हां गल्लां पर बसुआसे नैं अमल करदा रैह्; क्जोकि तू जाणदा ऐ, कि एह़ सच्चाई तिज्जो कुणी दस्सियो ऐ,

2 तीमुथियुस 4:3

क्जोकि ऐदेया बग्त भी औणां, कि जाह़लू लोक खरी सिक्षा जो झेली नीं सकगे, अपर जेह्ड़ा तिन्हां जो सुणना खरा लगगा, तिसदे मताबक सैह़ अपणे तांई मते सारे गुरू कठ्ठेरी लैंगे।

तीतुस 1:9

तिसियो यीशु मसीह दे बसुआसे आल़े वचनां पर मजबूतिया सौगी भरोसा करणा चाइदा, जेह्ड़ा अहां सखाया था। तांजे सैह़ दूयेयां जो ठीक सिक्षा मन्नणे तांई हिम्मत देई सकैं, कने दूयेयां दिया गलतिया जो ठीक करी सकैं।

तीतुस 2:1

अपर तीतुस तिज्जो तांई एह़ जरूरी ऐ कि तू बसुआसियां जो यीशु मसीह दे बारे च सिर्फ सैई सिक्षां दे, जेह्ड़ियां सच्चियां हन।

तीतुस 2:8

कने तुहां जो सैह़ सखाणा चाइदा, जेह्ड़ा सच्च ऐ तांजे कोई भी तुहां पर दोस नीं लगाई सकैं, जिसते तुहां दे दुश्मणा दी बेइज्जती होयैं। क्जोकि तिसा सिक्षा च कोई बुरी गल्ल नीं, जिसते कि सैह़ तुहां दे खलाफ कुच्छ ग्लाई सकन।

इब्रानियों 10:23

हुण अहां बगैर शक कित्ते अपणी तिसा आसा च सिद्ध रैह़न, जिसा जो अहां अपनाया ऐ, क्जोकि जिन्हीं वादा कित्या ऐ, सैह़ बसुआसे जोग्गा ऐ।

इब्रानियों 3:6

अपर मसीह इक्क पुत्तरे साइआं परमात्मे दे घरे दा हक्कदार ऐ; कने तिसदा घर अहां हन। जे अहां अपणे मजबूत बसुआसे कने आसा जो आखरी तिकर हिम्मता नैं थमी रखदे हन।

इब्रानियों 4:14

यीशु जेह्ड़ा सुअर्गे च गेआ ऐ, सैह़ परमात्मे दा पुत्तर ऐ, कने अहां सबना दा महायाजक ऐ। तां ओआ, अहां अपणे बसुआसे जो जिसियो अहां मनदे हन, मजबूत बणी रैह़न।

यहूदा 1:3

हे मेरे प्यारे साथी बसुआसियो, हलांकि मैं परमात्मे दे उद्धारे दे बारे च बड़ी मेहनत करी नैं तुहां जो लिखा दा था, जिस च अहां सारे साझी हन, मैं तुहां जो एह़ लिखणे तांई मजबूर होएया, कि तुहां जो सच्चाईया दी लड़ाई लड़णे तांई हौंसला देई सकैं। परमात्मैं अपणे लोकां जो एह़ सच्चाई इक्क ई बरी देई दित्तियो, जेह्ड़ी कदी नीं बदलदी।

प्रकाशितवाक्य 2:25

अपर हाँ, जेह्ड़ियां सिक्षां तुहां अल्ल हन तिन्हां जो मेरे ओणे तिकर सम्भाल़ी रखा।

प्रकाशितवाक्य 3:11

मैं बड़ी तौल़ी ओणे आल़ा ऐ; इसतांई जेह्ड़ा बसुआस तेरा मिन्जो पर ऐ तिसियो सम्भाल़ी करी रख, तांजे कोई भी तेरे इनामे जो खोई नीं लैं।

प्रकाशितवाक्य 3:3

इसतांई याद कर कि तैं कुस तरीके नैं सिक्षा हासल कित्ती कने सुणी, कने तिस च बणी रैंह् कने अपणे मने बदल। जे तू चौकन्ना नीं हुंगा तां मैं चोरे साइआं आई जांगा कने तू तिस बग्ते जो कदी नीं जाणी सकगा, जाह़लू मैं तिज्जो सज़ा दैणे तांई ओंगा।