2 तीमुथियुस 1:1 - काँगड़ी

¹ मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ; कने तिसा सदा दी ज़िन्दगिया दे वादे मताबक जेह्ड़ी यीशु मसीह पर बसुआस करणे दे जरिये मिलदी ऐ।

2 तीमुथियुस 1:1 Iomraidhean Croise

यूहन्ना 10:28

कने मैं तिन्हां जो सदा दी ज़िन्दगी दिंदा ऐ। कने भेड्डां दा कदी नास नीं हुंगा, कने कोई तिन्हां जो मेरे हत्थे ते खोई नीं सकदा।

यूहन्ना 17:3

कने सदा दी ज़िन्दगी एह़ ऐ कि सैह़ तिज्जो इकमात्र सच्चे परमात्मे जो कने यीशु मसीह जो, जिसियो तैं घल्लेया ऐ, जाणन।

यूहन्ना 5:24

मैं तिज्जो नैं सच्च-सच्च ग्लांदा ऐ, जेह्ड़ा मेरा वचन सुणी नैं मेरे घल्लणे आल़े पर बसुआस करदा ऐ, सदा दी ज़िन्दगी तिसदी ऐ; कने तिस पर सज़ा दा हुक्म नीं हुंदा, अपर तिन्हीं मरने दे बाद भी सदा दी ज़िन्दगी पाई लियो ऐ।

यूहन्ना 6:40

क्जोकि मेरे पिता दी इच्छा एह़ ऐ, कि जेह्ड़ा कोई पुत्तरे जो दिक्खगा कने तिस पर बसुआस करगा, सैह़ सदा दी ज़िन्दगी पांगा; कने मैं तिसियो आखरी दिनैं भिरी जिन्दा करगा।”

यूहन्ना 6:54

जेह्ड़ा मेरा सरीर खांदा कने मेरा खून पींदा ऐ, सदा दी ज़िन्दगी तिसदी ऐ; कने मैं तिसियो आखरी दिने च भिरी जिन्दा करगा।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 5:21

कि जिंआं पापें मौत्ती जो फैलाई करी सारे लोकां पर राज्ज कित्ता, तिंआं ई अहां दे प्रभु यीशु मसीह दे जरिये परमात्मे दा अनुग्रह भी सदा दी ज़िन्दगिया तांई धर्मी बणाई करी राज्ज करदा ऐ।

रोमियो 6:23

क्जोकि पापे दी मजदूरी तां बस मौत्त ई ऐ, अपर परमात्मे दा वरदान अहां दे प्रभु यीशु मसीह च सदा दी ज़िन्दगी ऐ।

1 कुरिन्थियों 1:1

एह़ चिठ्ठी पौलुस कने अहां दे भाऊ सोस्थिनेसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित होणे तांई सद्देया ऐ।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

2 कुरिन्थियों 1:20

क्जोकि परमात्मे दे सारे वादे मसीह च “हाँ” सौगी हन। कने इसतांई अहां ग्लांदे हन, “आमीन” जिसते अहां दे जरिये परमात्मे दी महिमा होयैं।

गलातियों 3:26

क्जोकि तुहां सारे तिस बसुआसे दिया बज़ाह ते जेह्ड़ा यीशु मसीह पर ऐ, परमात्मे दी औलाद हन।

गलातियों 3:28

मसीह च हुण यहूदी कने यूनानी लोकां च कोई फर्क नीं; कने ना कोई दास च ना कोई अजाद च; ना कोई मर्दे च ना कोई जणासा च, क्जोकि तुहां सारे यीशु मसीह च इक्क हन।

इफिसियों 3:6

मतलब एह़ कि यीशु मसीह च सुसमाचारे दे जरिये होरनी जातिआं दे लोक सैई आसीषां हासल करदे हन, कने तिसी सरीरे दे हिस्से कने तिस वादे दे जेह्ड़ा परमात्मे यहूदी लोकां सौगी कित्या था साझी हन।

1 तीमुथियुस 6:19

इस तरीके नैं सैह़ अपणे खरे कम्मां जो अप्पु तांई धन-दौलता साइआं किठ्ठा करगे जेह्ड़ी सुअर्गे च तिन्हां दे भविष्य तांई इक्क मजबूत नीआं साइआं हुंगी, तांजे सैह़ सच्ची ज़िन्दगी पाई सकन।

2 तीमुथियुस 1:10

अपर हुण अहां दा उद्धारकर्ता यीशु मसीह आई रेह्आ ऐ, कने तिन्हीं अहां पर अपणा अनुग्रह कित्या ऐ, जिन्हीं इक्क तां मौत्ती दिया ताकता जो हराई दित्ता कने दूआ सुसमाचारे दे जरिये अहां जो सदा दी ज़िन्दगिया दा रस्ता दस्सेया ऐ।

2 तीमुथियुस 1:13

भरोसा रख कि जेह्ड़ी सच्ची सिक्षा तैं मिन्जो ते सुणी ऐ, सैह़ तिज्जो तांई उदारणे साइआं ऐ। तिसा जो बसुआसे कने प्यारे सौगी कर, क्जोकि जेह्ड़ा तू यीशु मसीह च इक्क ऐ।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

2 तीमुथियुस 2:1

इसतांई हे मेरे पुत्तर तीमुथियुस, तू तिस अनुग्रह च जेह्ड़ा यीशु मसीह दिंदा ऐ, मजबूत होई जा,

2 तीमुथियुस 2:10

ऐई बज़ाह ऐ, कि मैं तिन्हां लोकां दे फायदे तांई दुख झेला दा ऐ जिन्हां जो परमात्मे चुणेया ऐ, तांजे सैह़ भी प्रभु यीशु मसीह पर बसुआस करन, कने उद्धार कने तिसा महिमा जो हासल करन जेह्ड़ी सदा तांई ऐ।

2 तीमुथियुस 2:3

यीशु मसीह दे खरे सपाईये साइआं मिन्जो सौगी दुखां जो झेल।

2 तीमुथियुस 3:15

कने तू बचपणे ते ई पवित्रशास्त्रे जो जाणदा ऐ। कने एह़ तिज्जो तिस उद्धारे दा ज्ञान देई सकदा ऐ, जेह्ड़ा तिज्जो यीशु मसीह च बसुआस करणे दे जरिये मिलदा ऐ।

तीतुस 1:2

तिसा सदा दी ज़िन्दगिया दिया आसा पर जिसदा वादा परमात्मैं जेह्ड़ा झूठ नीं ग्लाई सकदा, बड़ी पैहल्ले ते कित्या ऐ।

तीतुस 1:4

तीतुसे दे नां जेह्ड़ा बसुआसे च मेरा सच्चा पुत्तर ऐ; मैं प्रार्थना करदा ऐ, कि पिता परमात्मे कने अहां दे उद्धार करणे आल़े यीशु मसीह दे पास्से ते तिज्जो अनुग्रह कने सांति मिलदी रैंह्।

इब्रानियों 9:15

कने इसा बज़ाह ते मसीह नौये वादे दा बचौला ऐ, तांजे जेह्ड़े लोक सद्देयो हन, सैह़ वादे दिया जायदाता दे हक्कदार बणी जान। हुण मसीह तिन्हां लोकां जो बचाणे तांई मरेया ऐ, जिन्हां पाप कित्या था, कने पराणे वादे जो तोड़ी दित्ता।

1 यूहन्ना 2:25

कने जिसदा परमात्मैं अहां नैं वादा कित्या सैई सदा दी ज़िन्दगी ऐ।