2 थिस्सलुनीकियों 3:4 - काँगड़ी

⁴ कने अहां जो प्रभु च तुहां पर भरोसा ऐ कि जेह्ड़े हुक्म अहां तुहां जो दिंदे हन, तिन्हां जो तुहां मनदे हन, कने मनदे भी रैंह्गे।

2 थिस्सलुनीकियों 3:4 Iomraidhean Croise

मत्ती 28:20

कने तिन्हां जो सारे हुक्म जेह्ड़े मैं तुहां जो दित्यो हन, तिन्हां जो मन्नणा सखा कने सुणा मैं संसारे दे अन्त तिकर सदा तुहां सौगी ऐ।”

रोमियो 15:14

हे प्यारे साथी बसुआसियो, मैं अप्पु तुहां दे बारे च पक्का जाणदा ऐ, कि तुहां भी अप्पु ई भलाईया नैं भरोई जा, कने तुहां पूरे तरीके नैं जाणा, कि तुहां जो क्या करणा ऐ? कने इक्की दूये जो सखांदे रेह्आ।

रोमियो 15:18

क्जोकि तिन्हां गल्लां जो छड्डी मिन्जो कुसी गल्ला दे बारे च ग्लाणे दी हिम्मत नीं हुंदी, जेह्ड़े यीशु मसीयैं होरनी जातिआं दे लोकां दी अधीनता तांई वचन, कने कम्म,

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

1 कुरिन्थियों 14:37

जे कोई माणु अपणे आप्पे जो भविष्यवक्ता या आत्मिक माणु समझदा ऐ, तां सैह़ एह़ जाणी लैं कि जेह्ड़ियां गल्लां तुहां जो मैं लिखा दा ऐ, सैह़ प्रभु दे हुक्म हन।

1 कुरिन्थियों 7:19

चाहे माणुये दा खतणा होएया ऐ या नीं होएया ऐ, इसते कोई फर्क नीं पोंदा, अपर परमात्मे दे हुक्मां जो मन्नणा बड़ा जरूरी ऐ।

2 कुरिन्थियों 2:3

मैं तुहां जो इसी मकसद नैं चिठ्ठी लिखा दा था कि जाह़लू मैं तित्थु औयें तां सैई लोक मेरे दुखे दी बज़ाह ना होई जान। जिन्हां ते मिन्जो खुसी मिलदी ऐ, कने मिन्जो भरोसा ऐ कि मेरी खुसी तुहां सबना दी खुसी ऐ।

2 कुरिन्थियों 2:9

क्जोकि मैं सैह़ चिठ्ठी इसतांई लिखियो थी, कि तुहां जो परखी लैं कि तुहां मेरियां सारियां गल्लां मन्नणे तांई त्यार हन कि नीं।

2 कुरिन्थियों 8:22

अहां इन्हां सौगी इक्क होर बसुआसी भाऊये जो घल्ला दे हन। जिसियो अहां बार-बार परखणे दियां मतिआं गल्लां च तिसदा जोश दिख्या ऐ। अपर हुण तुहां पर तिसियो बड़ा भरोसा ऐ, इसा बज़ाह ते सैह़ होर भी जादा जोसीला ऐ।

गलातियों 5:10

मैं प्रभु पर तुहां दे बारे च भरोसा रखदा ऐ, कि तुहां दूये लोकां दियां सिक्षां पर नीं चलगे, अपर मेरियां सिक्षां पर चलगे। क्जोकि जेह्ड़ा तुहां जो परेसान करदा ऐ, सैह़ कोई भी क्जो नीं होयैं, परमात्मे ते सज़ा पांगा।

फिलिप्पियों 1:6

मिन्जो इसा गल्ला दा भरोसा ऐ कि परमात्मा जिन्हीं तुहां च खरा कम्म सुरू कित्ता ऐ, सैई तिस कम्मे जो जाह़लू यीशु मसीह भिरी बापस ओंगा, तिस दिने तिकर पूरा करगा।

फिलिप्पियों 2:12

इसतांई हे प्यारे साथी बसुआसियो, जिस तरीके नैं तुहां सदा ते हुक्म मनदे आएयो हन, तिंआं ई हुण भी ना सिर्फ मिन्जो सौगी रैंह्दे होये अपर खास करी नैं हुण मेरे दूर रैहणे पर भी डरदे कने कम्मदे होये, लगातार खरे कम्म करदे रेह्आ, जेह्ड़े तुहां दे उद्धारे ते ओंदे हन।

1 थिस्सलुनीकियों 4:10

कने सारे मकिदुनिया प्रदेसे दे बसुआसी भाऊआं सौगी ऐदेया ई प्यार होणा चाइदा। अपर हे प्यारे साथी बसुआसियो, अहां तुहां जो समझांदे हन, कि तुहां मसीह दे प्यारे च होर भी बधदे जा।

2 थिस्सलुनीकियों 3:12

ऐदेयां जो अहां प्रभु यीशु मसीह दे नांऐ ते हुक्म दिंदे कने समझांदे हन कि सांतिया नैं अपणिया मेहनता दी रोटी खा करन।

2 थिस्सलुनीकियों 3:6

हे मेरे प्यारे साथी बसुआसियो, अहां तुहां जो अपणे प्रभु यीशु मसीह दे नांऐ ते हुक्म दिंदे हन कि तुहां हर इक्क ऐदेय बसुआसी भाऊये ते लग्ग रेह्आ, जेह्ड़ा अपणे आप्पे जो आलसी बणांदा ऐ कने जेह्ड़ी सिक्षा तिन्हीं अहां ते पाई तिसा मताबक नीं करदा ऐ।

फिलेमोन 1:21

मैं तेरे आज्ञाकारी होणे दा भरोसा रखी नैं तिज्जो लिखदा ऐ, कने एह़ जाणदा ऐ कि जेह्ड़ा कुच्छ भी मैं ग्लांदा ऐ, तू तिसते भी जादा बधी नैं करगा।