2 थिस्सलुनीकियों 3:3 - काँगड़ी

³ अपर तुहां प्रभु पर पूरा बसुआस करी सकदे हन; सैह़ तुहां जो आत्मिक रीतिया नैं मजबूत करगा कने तिस सैताने ते बचाई नैं रखगा।

2 थिस्सलुनीकियों 3:3 Iomraidhean Croise

मत्ती 5:37

अपर तुहां दी गल्ल ‘हाँ दी हाँ’ या ‘ना दी ना होयैं,’ क्जोकि जेह्ड़ा कुच्छ इसते जादा हुंदा ऐ सैह़ सैताने ते हुंदा ऐ।

मत्ती 6:13

कने अहां जो परीक्षा च मत पा, अपर दुष्ट सैताने ते बचा। (क्जोकि राज्ज, शक्ति कने महिमा सदा तेरे ई हन।’ आमीन।)

लूका 11:4

कने अहां दे पापां जो माफ कर, क्जोकि अहां भी अपणे हर इक्की अपराधियै जो माफ करदे हन, कने अहां जो परीक्षा च मत पा’।”

यूहन्ना 17:15

मैं एह़ विणती नीं करदा ऐ, कि तू तिन्हां जो संसारे ते चुक्की लेआ, अपर एह़ कि तिन्हां जो तिस सैताने ते बचाई रख।

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

1 कुरिन्थियों 10:13

तुहां कुसी ऐदई परीक्षा च नीं पै, जेह्ड़ी माणुये दे झेलणे ते बाहर ऐ। परमात्मा सच्चा ऐ कने सैह़ तुहां जो सामर्थ ते बाहर परीक्षा च नीं पोणा दिंगा, अपर परीक्षा ते बाहर निकल़णे दा रस्ता कड्डगा कि तुहां झेली सकन।

1 थिस्सलुनीकियों 5:24

जिन्हीं तुहां जो सद्देया ऐ, सैह़ इसियो पूरा भी करगा, क्जोकि सैह़ बसुआसे जोग्गा ऐ

2 थिस्सलुनीकियों 2:17

मैं प्रार्थना करदा ऐ, कि परमात्मा तुहां दे मनां जो हौंसले नैं भरैं, कने हमेसा तुहां जो खरा ग्लाणे च कने खरे कम्मां च मजबूत करैं।

2 तीमुथियुस 4:18

कने प्रभु मिन्जो हर इक्क बुरे कम्मां ते छड्डांदा ऐ, कने अपणे सुअर्गीय राज्जे च मिन्जो सम्भाल़ी नैं पज्जांगा। तिसदी महिमा जुगा-जुग हुंदी रैंह्। आमीन।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

2 पतरस 2:9

परमात्मे एह़ सारे कम्म कित्ते, जेह्ड़े एह़ दस्सदे हन कि सैह़ अपणे लोकां जो तिन्हां दियां मुसीबतां ते बचाणा जाणदा ऐ, कने बुरे लोकां जो न्याय दे दिने तिकर लगातार सज़ा दैणा भी जाणदा ऐ,

यहूदा 1:24

कने हुण परमात्मा तिस धोखे ते बचाई सकदा ऐ, जेह्ड़ा तुहां जो पापी ज़िन्दगिया ते मिलदा ऐ। सैह़ तुहां जो जेह्ड़ा महिमा नैं भरोया ऐ खुसिया नैं कने बेकसूर करी नैं अप्पु सामणै खरेड़ी सकदा ऐ,