2 थिस्सलुनीकियों 3:2 - काँगड़ी

² कने एह़ भी प्रार्थना करा, कि परमात्मा अहां जो टेढे कने बुरे लोकां ते बचाई करी रखैं। क्जोकि मते लोक यीशु मसीह दे सुसमाचारे पर बसुआस नीं करदे।

2 थिस्सलुनीकियों 3:2 Iomraidhean Croise

मत्ती 17:17

यीशुयैं जवाब दित्ता, “हे बेबसुआसियो कने बेइमान लोको, मैं काह़लू तिकर तुहां सौगी रैंह्गा? काह़लू तिकर तुहां दी झेलगा? इसियो ऐत्थियो मिन्जो अल्ल लेयोआ।”

मत्ती 23:23

“हे पाखंडी सास्त्री कने फरीसी माणुओ, तुहां पर हाय, तुहां पुदीने, कने सौंफ, कने जीरे दा दसमा हिस्सा दिंदे हन, अपर तुहां व्यबस्था दियां गम्भीर गल्लां जो मतलब न्याय, दया कने बसुआसे जो छड्डी दित्ता ऐ; अपर खरा हुंदा कि इन्हां जो भी करदे रैंह्दे, कने तिन्हां जो भी नीं छड्डदे।

लूका 18:8

अपर मैं तुहां नैं सच्च ग्लांदा ऐ, सैह़ तौल़ी तिसदा न्याय चुकांगा। तमी मैं माणु दा पुत्तर जाह़लू बापस ओंगा, तां क्या धरतिया पर इक्क भी माणु मिलगा जेह्ड़ा मिन्जो बसुआस करगा?”

प्रेरितां दे कम्म 13:45

अपर यहूदी अगुऐ अपणे यहूदी लोकां दियां भीड़ा जो दिक्खी करी गुस्से नैं भरोई गै, कने निंदा करदे-करदे पौलुसे दियां गल्लां दा बरोध च ग्लाणा लग्गे।

प्रेरितां दे कम्म 13:50

अपर यहूदी अगुआं ऊचे कुल दियां भक्त जणासां जो कने सैहरे दे खास लोकां जो भड़काया, कने पौलुस कने बरनबास दे खलाफ जुल्म करवाई करी तिन्हां जो अपणे लाक्के ते कड्डी दित्ता।

प्रेरितां दे कम्म 14:2

अपर बसुआस नीं करणे आल़े यहूदियां होरनी जातिआं दे मन बसुआसी भाऊआं दे खलाफ भड़काये, कने नफरत पैदा करी दित्ती।

प्रेरितां दे कम्म 17:5

अपर यहूदियां गुस्से नैं भरोई करी कुच्छ बाजारू माणुआं जो कने कुच्छ बुरे माणुआं जो अपणे सौगी लेआ, कने भीड़ कठ्ठेरी करी सैहरे च दंगा करणा लग्गे, कने यासोने दे घरैं हमला करी नैं पौलुस कने सीलासे जो लोकां सामणैं अणने दी कोसस कित्ती।

प्रेरितां दे कम्म 25:27

क्जोकि कैदिये जो घल्लणा कने जेह्ड़े दोस तिस पर लगायो हन, तिन्हां जो नीं दस्सणा, मिन्जो ठीक नीं लग्गा दा ऐ।”

प्रेरितां दे कम्म 28:24

ताह़लू कुच्छ लोकां तिसदिया गल्लां पर बसुआस करी लेआ, कने कुच्छ लोकां बसुआस नीं कित्ता।

रोमियो 10:16

अपर सबना तिस सुसमाचारे पर बसुआस नीं कित्ता। यशायाह भविष्यवक्ता ग्लांदा ऐ, “हे प्रभु, अहां दे सुसमाचारे पर कुणी बसुआस कित्ता ऐ?”

रोमियो 15:31

कि मैं यहूदिया प्रदेसे दे बेबसुआसियां ते बची रैंह्, कने मेरी सैह़ सेवा जेह्ड़ी यरूशलेम सैहरे दे लोकां तांई ऐ, बसुआसी लोकां जो खरी लग्गैं;

1 कुरिन्थियों 15:32

ऐत्थु इफिसुस सैहरे च मेरे बैरी खतरनाक जानवरां साइआं हन, जेह्ड़े मिन्जो नकसान पजाणा चांह़दे हन। जे मेरा इनाम सिर्फ इस संसारे च ई ऐ, तां मिन्जो एह़ सब कुच्छ झेलणे दी क्या जरूरत ऐ। जे एह़ सच्च हुंदा कि आखरी दिनां च मैं दुवारी जिन्दा नीं कित्ता जांगा तां एह़ खरा ऐ कि मैं खुसी मन्ना, जिंआं एह़ इक्क काहवत भी ऐ। “तां ओआ, अहां खान पींन, क्जोकि सायद कल तां अहां जो मरना ई ऐ।”

1 थिस्सलुनीकियों 2:18

इसतांई अहां, खास करी मैं पौलुसैं इक्क बरी नीं अपर कई बरी तुहां अल्ल औणां चाया, अपर सैताने अहां जो तुहां अल्ल दुवारी नीं औणां दित्ता।

2 तीमुथियुस 4:17

अपर प्रभु मिन्जो सौगी रेह्आ, कने मिन्जो सामर्थ दित्ती, तांजे मेरे जरिये पूरा-पूरा प्रचार होयैं, कने सारे होरनी जातिआं दे लोक भी सुणी लैंन, क्जोकि तिन्हीं मिन्जो मौत्ती दे मुँऐ ते बचाया ऐ।