2 थिस्सलुनीकियों 3:1 - काँगड़ी

¹ आखर च हे मेरे प्यारे साथी बसुआसियो, अहां तांई प्रार्थना करदे रेह्आ, कि अहां प्रभु यीशु मसीह दा सुसमाचार हर जगाह तौल़ी-तौल़ी फैलाई सकन, कने सारे लोक तिस सुसमाचारे पर बसुआस करन, जिंआं तुहां कित्ता,

2 थिस्सलुनीकियों 3:1 Iomraidhean Croise

मत्ती 9:38

इसतांई खेते दे मालके नैं विणती करा कि सैह़ अपणे खेतां च कम्म करणे तांई होर मजदूर घल्ली दैं।”

लूका 10:2

यीशु तिन्हां नैं ग्लाणा लग्गा, “मते खेत पकी गियो हन, अपर मजदूर घट हन; इसतांई खेत दे मालके नैं विणती करा कि सैह़ अपणे खेतां दिया फसला जो बड्डणे तांई होर मजदूर घल्ली दैं।

प्रेरितां दे कम्म 12:24

अपर परमात्मे दा वचन बधदा कने फैलदा गेआ।

प्रेरितां दे कम्म 19:20

इस तरीके नैं प्रभु दा वचन मजबूतिया नैं फैलदा कने हावी हुंदा गेआ।

प्रेरितां दे कम्म 6:7

कने परमात्मे दा वचन फैलदा गेआ कने यरूशलेम सैहरे च चेलेयां दी गिणती बड़ी बधदी गेई; कने यहूदी याजकां दा इक्क बड़ा बड्डा समाज यीशु मसीह दियां इन्हां सिक्षां जो अपनाणा लग्गा।

रोमियो 15:30

हे प्यारे साथी बसुआसियो, मैं अहां दे प्रभु यीशु मसीह कने पवित्र आत्मा दे प्यार दी याद दिलाई नैं, तुहां नैं विणती करदा ऐ, कि मेरे तांई परमात्मे नैं प्रार्थना करणे च मिन्जो सौगी मिल्ली नैं लगातार बणी रेह्आ,

1 कुरिन्थियों 16:9

क्जोकि मिन्जो तांई ऐत्थु बड़े असरदार कम्म करणे तांई इक्क बड़ा बधिया मौका मिल्लेया ऐ, हलांकि ऐत्थु बड़े लोक मेरे बरोधी हन।

2 कुरिन्थियों 1:11

कने तुहां भी मिल्ली नैं प्रार्थना दे जरिये अहां दी मदत करदे हन, कि जेह्ड़ा वरदान मतेआं दे जरिये अहां जो मिल्लेया, तिसदिया बज़ाह ते मते लोक अहां दिया तरफा ते धन्यावाद करन।

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

कुलुस्सियों 4:3

कने इसदे सौगी-सौगी अहां तांई भी प्रार्थना करदे रेह्आ कि परमात्मे अहां तांई वचन सणाणे दा देहया मौका दैं, तांजे अहां मसीह दे तिस भेते जो समझाई सकन, जिसदिया बज़ाह ते मैं जेला च ऐ,

1 थिस्सलुनीकियों 1:5

क्जोकि अहां दे प्रभु यीशु मसीह दा सुसमाचार तुहां अल्ल ना सिर्फ ग्लाणे ते ई नीं, अपर पवित्र आत्मा दिया सामर्थी नैं, कने बड़े बसुआसे सौगी पुज्जया ऐ; जिंआं तुहां जाणदे हन, जाह़लू अहां तुहां सौगी थे, अहां तुहां दे भले दी खातर तुहां बिच्च कदेई ज़िन्दगी जीत्ती।

1 थिस्सलुनीकियों 1:8

तुहां दे जरिये घल्लेया गेआ परमात्मे दा वचन ना सिर्फ मकिदुनिया प्रदेस कने अखाया प्रदेसे च सणाया गेआ, कने बधदा गेआ, अपर तुहां दा बसुआस जेह्ड़ा परमात्मे पर ऐ, तिसदी एह़ चर्चा हर जगाह च फैली गेई, कि इसदे बारे च अहां जो ग्लाणे दी जरूरत ई नीं पेई।

1 थिस्सलुनीकियों 2:1

हे प्यारे साथी बसुआसियो, तुहां अप्पु ई जाणदे हन, कि अहां दा तुहां अल्ल औणां फायदेमंद होएया,

1 थिस्सलुनीकियों 2:13

इसतांई अहां भी परमात्मे दा धन्यावाद हमेसा करदे हन; कि जाह़लू अहां दे जरिये परमात्मे दे सुसमाचारे दा वचन तुहां सुणेया, तां तुहां तिसियो माणुआं दा नीं अपर परमात्मे दा वचन समझी नैं अपनाई लेआ, कने सच्च बिच्च एह़ सुसमाचारे दा वचन परमात्मे दे पास्से ते ऐ। कने सैह़ अपणे वचने दे जरिये तुहां दिया ज़िन्दगिया च जेह्ड़े मसीह पर बसुआस रखदे हन, कम्म करदा ऐ।

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

1 थिस्सलुनीकियों 5:17

लगातार प्रार्थना करदे रेह्आ।

1 थिस्सलुनीकियों 5:25

हे प्यारे साथी बसुआसियो, अहां तांई प्रार्थना करा।

2 तीमुथियुस 2:9

क्जोकि इस सुसमाचारे जो सणाणे दिया बज़ाह मैं इक्क अपराधियै साइआं दुख झेलदा ऐ, ऐत्थु तिकर कि जेला च बंद भी ऐ, फिरी भी परमात्मे दे वचने जो फैलणे ते कोई नीं रोकी सकदा ऐ।