2 थिस्सलुनीकियों 1:9 - काँगड़ी

⁹ प्रभु तिन्हां जो अप्पु ते दूर करगा, कने तिन्हां जो अपणिया महिमा च सामर्थी जो मसूस करणे दी इजाजत नीं दिंगा, कने सैह़ तिन्हां जो सदा दी सज़ा दिंगा

2 थिस्सलुनीकियों 1:9 Iomraidhean Croise

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

मत्ती 22:13

ताह़लू राजैं दासां नैं ग्लाया, ‘इसदे हत्थां पैरां बन्नी नैं तिसियो बाहर नेहरे च पाई देआ, तित्थु रोणा कने दंद पिणा हुंगा।’

मत्ती 24:30

ताह़लू माणु दे पुत्तरे दा नसाण अम्बरे च दुस्सगा, कने ताह़लू धरती दे सारे कुल़ां दे माणु छाती पीटगे; कने माणु दे पुत्तर जो बड्डी सामर्था कने महिमा सौगी अम्बरे बिच्च बदल़ां पर ओंदे दिक्खगे।

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

मत्ती 25:46

सैह़ जेह्ड़े खब्बे पास्से हन, सदा दी सज़ा झेलगे, अपर धर्मी लोक सदा दी ज़िन्दगिया च प्रवेश करगे।”

मत्ती 26:24

मैं माणु दा पुत्तर तां जिंआं तिसदे बारे च पवित्रशास्त्रे च लिख्या ऐ, तिंआं ई इस संसारे ते जांगा; अपर तिस माणु तांई अफसोस ऐ जिसदिया बज़ाह ते माणु दा पुत्तर पकड़ुआया जांदा ऐ, तां तिस माणुये तांई खरा हुंदा कि सैह़ इस संसारे च पैदा ई नीं हुंदा।”

मत्ती 7:23

ताह़लू मैं तिन्हां नैं खुली नैं ग्लाई दिंगा, ‘मैं तुहां जो कदी नीं जाणेया। हे बुरे कम्मां करणे आल़ेयो, मेरे बक्खे ते चली जा।’

लूका 13:27

अपर सैह़ ग्लांगा, मैं तुहां नैं ग्लांदा ऐ, ‘मैं नीं जाणदा तुहां कुत्थू ते हन। हे बुरे कम्मां करणे आल़ेयो, तुहां सारे मिन्जो ते दूर हन।’

यूहन्ना 5:14

इन्हां गल्लां होणे दे बाद सैह़ बमार माणु यीशुये जो मंदरे दे अँगणे च मिल्ला। यीशुयैं तिस नैं ग्लाया, “दिक्ख तू खरा होई गेआ ऐ; हुण भिरी ते पाप मत करदा, नीं तां बड़े दुख तिज्जो पर आई सकदे हन।”

फिलिप्पियों 3:19

तिन्हां दा अन्त विनाश ऐ, तिन्हां दा ईश्वर तिन्हां दे सरीरे दी इच्छा ऐ, अपणियां सर्मां दियां गल्लां पर घमंड करदे हन, कने संसारे दियां चीज्जां पर मन लगाई रखदे हन।

1 थिस्सलुनीकियों 5:3

जाह़लू लोक ग्लांगे, “कि सब कुच्छ ठीक ठाक ऐ, कने कुच्छ डर नीं,” तां तिन्हां पर चाणचक बड़ी मुसीबत आई पोंगी, जिंआं इक्क लैरथिया जणासा जो इक्क बच्चे जम्मणे दी पीड़ हुंदी; तिंआं ई सैह़ तिसा बड़िया मुसीबता ते कुसी भी तरीके नैं नीं बचगे।

2 थिस्सलुनीकियों 2:8

ताह़लू सैह़ दुष्ट माणुये सामणै ओंगा, जिसियो प्रभु यीशु अपणे इक्की हुक्मे नैं मारी दिंगा, कने अपणे ओणे दे तेजे नैं भस्म करगा।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

इब्रानियों 10:29

तां सोची लेआ कि सैह़ कितणी होर भी मती सज़ा जोग्गा हुंगा, जिन्हीं परमात्मे दे पुत्तरे जो पैरां नैं रौल़ेया कने वादे दे खूने जो जिसदे जरिये सैह़ पवित्र बणेया था, अपवित्र जाणेया ऐ, कने अनुग्रह दी आत्मा दा अपमान कित्ता।

2 पतरस 2:17

एह़ झूठे सिक्षक सुक्के खुऐ साइआं कुसी कम्मे दे नीं हन, कने तिन्हां बदल़ां साइआं फायदेमंद नीं हन, जिन्हां जो बरने ते पैहल्ले हौआ डुआई नैं लेई जांदी ऐ, परमात्मे तिन्हां तांई इक्क ऐदई जगाह त्यार कित्तियो ऐ, जित्थु पूरा ई नेहरा ऐ।

2 पतरस 3:7

जिंआं परमात्मैं अपणे वचने दे जरिये धरती बणाई, तिंआं ई तिन्हीं इस बग्ते दे संसारे जो अग्गी च फकोणे ते पैहल्ले इआं ई चलणे दा हुक्म दित्या ऐ, कने सैह़ तिन्हां जो अह्ल्ली तिकर तां सम्भाल़ा दा ऐ, जेह्ड़े तिसदे हुक्मां दा पालण नीं करदे, तिन्हां जो तिस न्याय आल़े दिने नास करी दैं।

यहूदा 1:13

तिन्हां दे सर्मनाक कम्म समुंदरी लैहरां दे गंदे झाग्गे साइआं हन। सैह़ भटकणे आल़े तारेयां साइआं हन, जिन्हां जो तिन्हां देयां पापां तांई हमेसा तिकर नरके दे नेहरे रखेया ऐ।

प्रकाशितवाक्य 20:11

भिरी मैं इक्क बड्डे चिट्टे सिंहासणे कने तिसियो जेह्ड़ा तिस पर बैठेया ऐ, दिख्या, जिसदे सामणै ते धरती कने अम्बर नठ्ठी गै, कने तिन्हां तांई जगाह नीं मिल्ली।

प्रकाशितवाक्य 20:14

मौत्त कने अधोलोक भी अग्गी दिया झीला च पाई दित्ते गै। एह़ अग्गी दी झील तां दूई मौत्त ऐ;

प्रकाशितवाक्य 21:8

अपर डरफोकां, बेबसुआसियां, कने घिनौनेयां, हत्यारेयां, ब्यभिचारियां, जादू-टूणा करणे आल़ेआं, मूर्तिपूजकां, कने सारे झूठेयां दा हिस्सा तिसा झीला च मिलगा, जेह्ड़ा अग्गी कने गंधका नैं जल़दी रैंह्दी ऐ; सैह़ दूई मौत्त ऐ।”

प्रकाशितवाक्य 22:15

अपर कुत्ते, जादू-टूणा करणे आल़े, ब्यभिचारी, हत्यारे, मूर्ति दी पूजा करणे आल़े, हर इक्क झूठ दा साथ दैणे आल़े, झूठ ग्लाणे आल़े बाहर रैंह्गे।