2 थिस्सलुनीकियों 1:8 - काँगड़ी

⁸ कने जेह्ड़े परमात्मे जो नीं पणछैणदे, कने अहां दे प्रभु यीशुये दे सुसमाचारे जो नीं मनदे, तिन्हां जो सज़ा दिंगा।

2 थिस्सलुनीकियों 1:8 Iomraidhean Croise

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

मत्ती 25:46

सैह़ जेह्ड़े खब्बे पास्से हन, सदा दी सज़ा झेलगे, अपर धर्मी लोक सदा दी ज़िन्दगिया च प्रवेश करगे।”

यूहन्ना 3:19

कने सज़ा दे हुक्मे दी बज़ाह एह़ ऐ, कि जोत्ती संसारे च आई, कने माणुआं जो नेहरा जोतिया ते जादा प्यारा लग्गा क्जोकि तिन्हां दे कम्म बुरे थे।

यूहन्ना 8:19

तिन्हां तिस नैं ग्लाया, “तेरा पिता कुत्थू ऐ?” यीशुयैं जवाब दित्ता, “ना तुहां मिन्जो जाणदे हन, ना मेरे पिता जो, जे मिन्जो जाणदे, तां मेरे पिता जो भी जाणदे। ”

प्रेरितां दे कम्म 6:7

कने परमात्मे दा वचन फैलदा गेआ कने यरूशलेम सैहरे च चेलेयां दी गिणती बड़ी बधदी गेई; कने यहूदी याजकां दा इक्क बड़ा बड्डा समाज यीशु मसीह दियां इन्हां सिक्षां जो अपनाणा लग्गा।

रोमियो 1:28

जाह़लू तिन्हां परमात्मे दा सच्चा ज्ञान पाणा ठीक नीं समझेया, इसतांई परमात्मैं तिन्हां जो तिन्हां दी भरष्ठ अक्ला पर छड्डी दित्ता कि जिसते सैह़ बेकार दियां गल्लां सोचणा लग्गे।

रोमियो 1:5

मसीह दे जरिये मिन्जो अनुग्रह कने प्रेरित दी सेवकाई मिल्ली कि तिसदे नांऐ दिया बज़ाह ते सारी जातिआं दे लोक मसीह पर बसुआस करी नैं तिसदी मनन,

रोमियो 10:16

अपर सबना तिस सुसमाचारे पर बसुआस नीं कित्ता। यशायाह भविष्यवक्ता ग्लांदा ऐ, “हे प्रभु, अहां दे सुसमाचारे पर कुणी बसुआस कित्ता ऐ?”

रोमियो 15:18

क्जोकि तिन्हां गल्लां जो छड्डी मिन्जो कुसी गल्ला दे बारे च ग्लाणे दी हिम्मत नीं हुंदी, जेह्ड़े यीशु मसीयैं होरनी जातिआं दे लोकां दी अधीनता तांई वचन, कने कम्म,

रोमियो 16:26

अपर हुण परमात्मे दे हुक्मे दे मताबक भविष्यवक्तां दियां कताबां दे जरिये सारी जातिआं दे लोकां जो दस्सेया ऐ, कि बसुआसे नैं हुक्म मन्नणे आल़े होई जान।

रोमियो 6:16

क्या तुहां नीं जाणदे हन कि जाह़लू कुसी दा हुक्म मन्नणे तांई तुहां अप्पु जो दासां साइआं सौंपी दिंदे हन। दास चाहे पापे दे होन, जिसदा नतीजा मौत्त ऐ, चाहे परमात्मे दे होन, जिसदा हुक्म मन्नणे दा नतीजा धार्मिकता ऐ?

1 कुरिन्थियों 15:34

सतर्क होई जा, कने पाप करणा छड्डी देआ। क्जोकि तुहां च कुच्छ लोक ऐदेय हन जेह्ड़े परमात्मे जो नीं जाणदे, मैं तुहां जो सर्मिंदा करणे तांई एह़ ग्लादा ऐ।

2 कुरिन्थियों 10:5

इसदे जरिये अहां तिस हर इक्क बरोधे जो कने तिस हर इक्क घमंड करणे आल़े जो, जेह्ड़ा परमात्मे दे ज्ञाने दे खलाफ सिरे चुकदा ऐ, निठ्ठा करी दिंदे हन, कने हर इक्क इच्छा जो काबू करी नैं मसीह दा आज्ञाकारी बणाई दिंदे हन,

गलातियों 3:1

हे नासमझ गलातिया दे बसुआसियो कुणी तुहां दियां अखीं पर पड़दा पाई दित्या ऐ? अहां तां तुहां जो खरे कित्ते समझाया कि क्जो यीशु मसीह सूल़िया पर मरेया।

गलातियों 4:8

जाह़लू तुहां परमात्मे जो नीं जाणदे थे तिस बग्त तुहां तिन्हां दे गुलाम थे, जेह्ड़े सच्ची च परमात्मा नीं हन।

1 थिस्सलुनीकियों 4:5

तुहां जो होरनी जातिआं दे लोकां साइआं गंदे कम्म करणे दी इच्छा नीं करणी चाइदी, जेह्ड़े परमात्मे जो नीं जाणदे हन।

इब्रानियों 10:27

हाँ, सज़ा दा इक्क डरौणा दिन कने अग्गी दी लपट अह्ल्ली बाक्कि ऐ, जेह्ड़ी परमात्मे दे बरोधियां जो नास करी दिंगी।

इब्रानियों 10:30

क्जोकि अहां तिसियो जाणदे हन, जिन्हीं ग्लाया ऐ, “बदला लैणां मेरा कम्म ऐ, मैंई बदला दिंगा।” कने भिरी एह़ भी ग्लाया, कि “प्रभु अपणे लोकां दा न्याय करगा।”

इब्रानियों 11:8

बसुआसे ते ई अब्राहमे जो जाह़लू परमात्मे इक्क जगाह च जाणे तांई सद्देया, तां सैह़ हुक्म मन्नी करी तिसा जगाह जो चली गेआ, जित्थु परमात्मा तिसियो तिसदे हिस्से दी जमीन दैणे आल़ा था। कने सैह़ एह़ नीं जाणदा था, कि मैं कुत्थू चलेया ऐ भिरी भी सैह़ चली गेआ।

इब्रानियों 12:29

क्जोकि अहां दा परमात्मा भस्म करणे आल़ी अग्ग ऐ।

इब्रानियों 2:3

तां अहां लोक किंआं बची सकगे, जे अहां इस म्हान उद्धारे दी निंदा करगे? इस म्हान उद्धारे दे बारे च अहां प्रभु यीशु मसीह दे जरिये जाणी सके। कने चेले जिन्हां सबते पैहल्ले इसदे बारे च सुणेया, कने तिन्हां अहां पर प्रगट कित्ता कि एह़ सच्च ऐ।

इब्रानियों 5:9

कने सिद्ध बणी करी, अपणे सारे हुक्म मन्नणे आल़ेआं तांई सदा काल दे उद्धारे दी बज़ाह होई गेआ,

1 पतरस 1:2

पिता परमात्मे बड़ी पैहल्ले ते तुहां जो अपणे लोक होणे तांई कने पवित्र आत्मा दे जरिये पवित्र करणे तांई फैसला लेई लेआ था, तिन्हीं एह़ तां कित्ता कि तुहां यीशु मसीह जो मनन कने तिसदे खूने दे जरिये सुद्ध होन। मैं प्रार्थना करदा ऐ, कि परमात्मा तुहां जो बड़ा जादा अनुग्रह कने सांति दिंदा रैंह्।

1 पतरस 3:6

जिंआं सारा अब्राहमे दे अधीन रैंह्दी थी, कने तिसियो स्वामी ग्लांदी थी। तां तुहां भी जे दूये लोकां तांई बिना डरे ते खरा करदे हन, तां तुहां भी सारा दियां कुड़ियां साइआं हुंगियां।

1 पतरस 4:17

क्जोकि सैह़ बग्त आई रेह्आ ऐ कि परमात्मा पैहल्ले अपणे लोकां दा न्याय करैं, इसतांई कि जाह़लू सैह़ अहां बसुआसियां दा सबते पैहल्ले न्याय करगा तां तिन्हां खतरनाक गल्लां दे बारे च सोचा जेह्ड़ियां तिन्हां सौगी हुंगिया, जेह्ड़े परमात्मे दे सुसमाचारे जो नीं मनदे?

2 पतरस 3:7

जिंआं परमात्मैं अपणे वचने दे जरिये धरती बणाई, तिंआं ई तिन्हीं इस बग्ते दे संसारे जो अग्गी च फकोणे ते पैहल्ले इआं ई चलणे दा हुक्म दित्या ऐ, कने सैह़ तिन्हां जो अह्ल्ली तिकर तां सम्भाल़ा दा ऐ, जेह्ड़े तिसदे हुक्मां दा पालण नीं करदे, तिन्हां जो तिस न्याय आल़े दिने नास करी दैं।

यहूदा 1:7

तिंआं ई सदोम कने अमोरा कने तिन्हां दे अक्खे-बक्खे दे सैहरां जो याद करा, जित्थु दे लोक पापी कने ब्यभिचारी बणी गियो थे, सैह़ अपणियां लाड़ियां जो छड्डी करी दूईआं जणासां पचांह़ चली पैयो थे, इसतांई परमात्मैं तिन्हां जो अग्गी नैं नास करी दित्ता। एह़ जेह्ड़ा तिन्हां सौगी होएया सैह़ तिन्हां झूठे सिक्षकां तांई चतौणी बणी गेई, कि सैह़ भी सदा दी अग्गी दे जरिये नास कित्ते जांगे।

प्रकाशितवाक्य 20:10

तिन्हां दा भटकाणे आल़ा सैतान अग्ग कने गंधका दिया तिसा झीला च, जिसा च सैह़ जंगली जानवर कने झूठा भविष्यवक्ता भी पाई दित्ता जांगा; कने सैह़ रात दिन जुगा-जुग पीड़ा च तड़फदे रैंह्गे।

प्रकाशितवाक्य 21:8

अपर डरफोकां, बेबसुआसियां, कने घिनौनेयां, हत्यारेयां, ब्यभिचारियां, जादू-टूणा करणे आल़ेआं, मूर्तिपूजकां, कने सारे झूठेयां दा हिस्सा तिसा झीला च मिलगा, जेह्ड़ा अग्गी कने गंधका नैं जल़दी रैंह्दी ऐ; सैह़ दूई मौत्त ऐ।”

प्रकाशितवाक्य 6:10

तिन्हां जोरे-जोरे नैं ग्लाया, “हे पवित्र कने सच्चे प्रभु; तू धरतिया दे तिन्हां बुरे लोकां जो सज़ा दैणे तांई इतणी देर क्जो करा दा ऐ? अहां तिज्जो नैं विणती करदे हन, कि तू तिन्हां लोकां नैं अहां दा बदला लै जिन्हां अहां दा खून कित्या ऐ।”