2 थिस्सलुनीकियों 1:6 - काँगड़ी

⁶ क्जोकि परमात्मा हमेसा ठीक न्याय करदा ऐ, कि जेह्ड़े तुहां जो दुख दिंदे हन, तिन्हां जो बदले च दुख दैं।

2 थिस्सलुनीकियों 1:6 Iomraidhean Croise

कुलुस्सियों 3:25

क्जोकि जेह्ड़ा बुरा करदा ऐ, परमात्मा तिन्हां जो सज़ा दिंगा, परमात्मा तित्थु कुसी नैं पक्षपात नीं करगा।

इब्रानियों 6:10

क्जोकि परमात्मा गलत फैसला नीं करदा ऐ, कि तुहां दे कम्मां कने तिस प्यारे जो भुल्ली जां, जेह्ड़ा तुहां तिसदे नांऐ तांई इस तरीके नैं दस्सेया, कि तिसदे लोकां दी सेवा कित्ती कने करा दे भी हन।

प्रकाशितवाक्य 11:18

जेह्ड़े लोक तिज्जो पर बसुआस नीं करदे तिन्हां बड़ा गुस्सा कित्ता, कने हुण तिन्हां पर गुस्सा करणे दा बग्त आई रेह्आ ऐ, कने सैह़ बग्त भी आई रेह्आ ऐ कि मरेयां दा न्याय कित्ता जां, हुण एह़ भी बग्त ऐ कि तेरे दास भविष्यवक्तां कने पवित्र लोकां जो कने तिन्हां छोटे-बड्डेयां जो जेह्ड़े तेरे नांऐ ते डरदे हन बदला दित्ता जां, कने धरतिया दे बिगाड़णे आल़े नास कित्ते जान।”

प्रकाशितवाक्य 15:4

हे प्रभु, कुण तिज्जो ते नीं डरगा कने तेरे नांऐ दी महिमा नीं करगा, क्जोकि सिर्फ तू ई पवित्र ऐ। सारियां जातिआं दे लोक आई नैं तेरी अराधना करगे, क्जोकि तेरे न्याय दे कम्म प्रगट होई गै हन।”

प्रकाशितवाक्य 18:20

तुहां जेह्ड़े सुअर्गे च रैंह्दे हन, कने हे परमात्मे दे लोको, प्रेरितो, भविष्यवाणी करणे आल़ेयो, तिस पर खुसी मनाआ, क्जोकि परमात्मैं न्याय करी नैं तिसते तुहां दा बदला लेई लेआ ऐ।”

प्रकाशितवाक्य 18:24

भविष्यवक्तां कने परमात्मे दे लोकां, कने धरतिया पर सारे खत्म कित्तेयां दा खून बेबीलोने च ई मिल्ला।”

प्रकाशितवाक्य 19:2

क्जोकि तिसदे फैसले सच्चे कने ठीक हन। इसतांई कि तिन्हीं तिसा बड्डिया वैश्या दा, जेह्ड़ी अपणे ब्यभिचारे नैं धरतिया जो बदनाम करदी थी, न्याय कित्ता कने तिसाते अपणे दासां दे खूने दा बदला लेआ ऐ।”

प्रकाशितवाक्य 6:10

तिन्हां जोरे-जोरे नैं ग्लाया, “हे पवित्र कने सच्चे प्रभु; तू धरतिया दे तिन्हां बुरे लोकां जो सज़ा दैणे तांई इतणी देर क्जो करा दा ऐ? अहां तिज्जो नैं विणती करदे हन, कि तू तिन्हां लोकां नैं अहां दा बदला लै जिन्हां अहां दा खून कित्या ऐ।”