2 थिस्सलुनीकियों 1:5 - काँगड़ी

⁵ कने जिन्हां दुखां जो जेह्ड़े तुहां झेला दे हन, परमात्मा अपणा न्याय दस्सणे तांई इन्हां दा इस्तेमाल करगा, कने तुहां जो अपणे राज्जे च पुज्जणे जोग्गा बणांगा।

2 थिस्सलुनीकियों 1:5 Iomraidhean Croise

लूका 20:35

अपर जेह्ड़े लोक इस जोग्गे ठैहरगे कि इस जुगे जो कने मरेयां ते जिन्दे होणे जो हासल करन, सैह़ ना तां ब्याह करगे कने ना ई ब्याये च दित्ते जांगे।

लूका 21:36

इसतांई जागदे रेह्आ कने हर बग्त प्रार्थना करदे रेह्आ कि तुहां इन्हां सब ओणे आल़िआं मुसीबता ते बची करी रैह़न कने माणुये सामणै खड़ोणे जोग्गा तां बणा।”

प्रेरितां दे कम्म 13:46

ताह़लू पौलुस कने बरनबास निडर होई करी ग्लाणा लग्गे, “जरूरी था कि परमात्मे दा वचन पैहल्ले तुहां जो सणाया जांदा; अपर जाह़लू तुहां तिसियो नकारी दित्ता, कने अपणे जो सदा दी ज़िन्दगिया जोग्गा ठैहरांदे, तां दिक्खा, अहां होरनी जातिआं दे लोकां अल्ल जांदे हन।

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

रोमियो 2:5

अपर तू ढीठ मने दा ऐ कने अपणे मने जो पापां ते बदलणे तांई मना करदा ऐ। जधैड़ी परमात्मा अपणा गुस्सा दस्सगा जिस च परमात्मे दा सच्चा न्याय प्रगट हुंगा। तधैड़ी परमात्मा तिज्जो बड़ी सक्त सज़ा दिंगा।

रोमियो 8:17

कने जे अहां औलाद हन, तां वारस भी, अपर परमात्मे दे वारस कने मसीह दे संगी वारस हन, जाह़लू अहां तिस सौगी दुख झेलन तां तिस सौगी महिमा भी पान।

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

फिलिप्पियों 1:28

कने कुसी भी गल्ला च बरोधियां ते डरणे दी जरूरत नीं। तुहां दी हिम्मत तिन्हां तांई विनाशे दी साफ नसाणी ऐ, अपर तुहां तांई छुटकारे दा, कने एह़ परमात्मे दे पास्से ते ऐ।

कुलुस्सियों 1:12

तुहां लोक लगातार पिता परमात्मे दा धन्यावाद करदे रेह्आ, जिन्हीं अहां जो इस जोग्गा बणाया, कि जोत्ती दे राज्जे च परमात्मे लोकां सौगी विरासता च हिस्सेदार होन।

1 थिस्सलुनीकियों 2:14

इसतांई कि हे प्यारे साथी बसुआसियो, तुहां परमात्मे दी तिन्हां कलीसियां साइआं चाल चलणा लग्गे, जेह्ड़ियां यहूदिया प्रदेसे च यीशु मसीह च हन, क्जोकि तुहां भी अपणे लोकां ते तिंआं ई दुख झेलेया, जिंआं तिन्हां यहूदियां च झेलेया था,

2 थिस्सलुनीकियों 1:11

इसतांई अहां लगातार तुहां तांई प्रार्थना भी करदे हन, कि अहां दा परमात्मा तुहां जो इस जोग्गा बणा, जिसियो करणे तांई तिन्हीं तुहां जो सद्देया ऐ, कने भलाई दी हर इक्क इच्छा कने बसुआसे दे हर इक्की कम्मे जो सामर्थी सौगी पूरा करैं,

2 तीमुथियुस 2:12

जे अहां सबर रखी नैं तिस तांई दुख झेलदे रैह़न, तां तिस सौगी अहां राजेयां साइआं राज्ज भी करगे, जे अहां ग्लांदे हन कि अहां प्रभु जो नीं जाणदे, तां प्रभु भी ग्लांगा कि मैं तुहां जो नीं जाणदा,

प्रकाशितवाक्य 15:4

हे प्रभु, कुण तिज्जो ते नीं डरगा कने तेरे नांऐ दी महिमा नीं करगा, क्जोकि सिर्फ तू ई पवित्र ऐ। सारियां जातिआं दे लोक आई नैं तेरी अराधना करगे, क्जोकि तेरे न्याय दे कम्म प्रगट होई गै हन।”

प्रकाशितवाक्य 16:7

भिरी मैं वेदिया ते एह़ उआज़ सुणी, “हाँ, हे सर्वशक्तिमान प्रभु परमात्मा, तेरे फैसले ठीक कने सच्चे हन।”

प्रकाशितवाक्य 19:2

क्जोकि तिसदे फैसले सच्चे कने ठीक हन। इसतांई कि तिन्हीं तिसा बड्डिया वैश्या दा, जेह्ड़ी अपणे ब्यभिचारे नैं धरतिया जो बदनाम करदी थी, न्याय कित्ता कने तिसाते अपणे दासां दे खूने दा बदला लेआ ऐ।”

प्रकाशितवाक्य 3:4

अपर हाँ, सरदीस सैहरे च तेरे ऐत्थु कुच्छ लोक ऐदेय हन, जिन्हां पापां दे जरिये अपणी ज़िन्दगी भरष्ठ नीं कित्ती, सैह़ अपणिया पवित्र ज़िन्दगिया च मिन्जो सौगी रैंह्गे, क्जोकि सैह़ इस जोग्गे हन।