2 थिस्सलुनीकियों 1:4 - काँगड़ी

⁴ इसतांई अहां परमात्मे दी कलीसिया दे बसुआसी तुहां दे बारे च घमंड करदे हन, बेसक तुहां दुखां कने मुसीबतां च होई नैं जा दे हन, भिरी भी तुहां इन्हां जो बड़े सबरे नैं लगातार झेलदे हन, कने मसीह पर बसुआस करदे हन।

2 थिस्सलुनीकियों 1:4 Iomraidhean Croise

रोमियो 12:12

जेह्ड़ी आसा अहां अल्ल ऐ तिसा आसा दिया बज़ाह ते खुस रेह्आ; मुसीबता च सबर रखा; कने हर बग्त प्रार्थना करदे रेह्आ।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

रोमियो 8:25

अपर जिसा चीज्जा जो अहां नीं दिक्खदे, जे तिसा दी उम्मीद रखदे हन, तां सबर करी नैं तिसादा इन्तजार भी करदे हन।

1 कुरिन्थियों 7:17

हर इक्क कलीसिया दे लोकां जो मैं एह़ ग्लांदा ऐ, जिंआं जिसा हालता च परमात्मैं तुहां जो चुणेया कने तुहां जो अपणे लोक होणे तांई सद्देया ऐ, तिंआं ई कलीसिया च बणी रेह्आ। सारियां कलीसियां तांई मेरा ऐई संदेस ऐ।

2 कुरिन्थियों 12:10

इसा बज़ाह ते मैं मसीह तांई कमजोरियां च, कने निंदा च, कने दीनता च, कने सतांवा च, कने मुसीबतां च खुस ऐ। क्जोकि जाह़लू मैं कमजोर हुंदा ऐ, तां मैं मसीह दी सामर्थी नैं मजबूत हुंदा ऐ।

2 कुरिन्थियों 7:14

क्जोकि जे मैं तिसदे सामणै तुहां दे बारे च कुच्छ घमंड दस्सेया, तां सर्मिंदा नीं होएया, अपर जिंआं अहां तुहां नैं सारियां गल्लां सच्च-सच्च ग्लाई दित्तियां थियां, तिंआं ई अहां दा घमंड दस्सणा तीतुसे सामणै भी सच्च निकल़ेया।

2 कुरिन्थियों 7:4

मैं तुहां नैं पूरे भरोसे नैं ग्लांदा ऐ, मिन्जो तुहां पर बड़ा घमंड ऐ; कने मिन्जो हौंसला मिलदा ऐ। जिसते कि मैं अपणिया सारी मुसीबता च भी खुसिया नैं भरोई रैंह्दा ऐ।

2 कुरिन्थियों 9:2

क्जोकि मैं तुहां दे मने दी त्यारियां जो जाणदा ऐ, जिसदिया बज़ाह ते मैं तुहां दे बारे च मकिदुनिया प्रदेसे दे बसुआसियां दे सामणै घमंड दस्सदा ऐ, कि तुहां कुरिन्थी लोक अखाया प्रदेसे च इक्की साल्ले ते त्यार होएयो हन, कने तुहां दे हौंसले होर भी मतेआं जो उकसाया ऐ।

2 कुरिन्थियों 9:4

इआं नीं होणा चाइदा कि जे कोई मिन्जो सौगी मकिदुनिया प्रदेसे ते कुच्छ बसुआसी आये, कने तुहां जो दाने सौगी त्यार नीं दिक्खन, तां होई सकदा ऐ, कि इस भरोसे दिया बज़ाह ते अहां दी बेइज्जती होयैं, अपर तुहां दी इसते भी जादा बेइज्जती हुंगी।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

1 थिस्सलुनीकियों 2:14

इसतांई कि हे प्यारे साथी बसुआसियो, तुहां परमात्मे दी तिन्हां कलीसियां साइआं चाल चलणा लग्गे, जेह्ड़ियां यहूदिया प्रदेसे च यीशु मसीह च हन, क्जोकि तुहां भी अपणे लोकां ते तिंआं ई दुख झेलेया, जिंआं तिन्हां यहूदियां च झेलेया था,

1 थिस्सलुनीकियों 2:19

अहां दिया आसा, खुसिया कने बड़ेयाई दा मुकट कुण ऐ? क्या अहां दे प्रभु यीशुये दे सामणै तिसदे ओणे दे बग्त तुहां नीं हुंगे?

2 थिस्सलुनीकियों 3:5

अहां प्रार्थना करदे हन, कि प्रभु यीशु मसीह तुहां जो एह़ दस्सें, कि परमात्मा तुहां नैं कितणा प्यार करदा ऐ, कने मुसीबतां च किंआं मजबूत रैहणा ऐ, जिंआं यीशु मसीह था।

इब्रानियों 10:36

ऐदेय बग्ते च तुहां जो सबर रखणा जरूरी ऐ, तांजे परमात्मे दी इच्छा जो पूरी करी नैं जेह्ड़ा तुहां तांई वादा कित्या ऐ, सैह़ मिल्लैं।

इब्रानियों 6:15

कने अब्राहमे मते साल्लां तिकर सबर रखी करी परमात्मे दे वादे दिया आसीषां जो पाया।

याकूब 5:11

दिक्खा, अहां सबर रखणे आल़ेआं जो धन ग्लांदे हन। तुहां अय्यूब दे सबर दे बारे च तां सुणेया ई ऐ, कने प्रभु दे पास्से ते जेह्ड़ा तिसदा प्रतिफल़ होएया तिसियो भी जाणी लेआ ऐ, जिसते प्रभु दी बड़ी जादा करूणा कने दया प्रगट हुंदी ऐ।

2 पतरस 1:6

क्जोकि तुहां जो एह़ नीं पता होणा चाइदा कि दूयेयां नैं किंआं बर्ताब करणा ऐ, अपर तुहां जो अपणे आप्पे पर काबू भी करणा चाइदा, कने तुहां जो सिर्फ अपणे आप्पे पर काबू ई नीं करणा चाइदा, अपर दुखां च सबर भी रखणा चाइदा, कने तुहां जो सिर्फ सबर ई नीं रखणा चाइदा, अपर तुहां जो ऐदई ज़िन्दगी जीणा चाइदी, जेह्ड़ी परमात्मे जो खुस करदी ऐ,

प्रकाशितवाक्य 14:12

परमात्मे दे लोकां दा सबर इसी च ऐ, जेह्ड़े परमात्मे दे हुक्मां जो मनदे कने यीशु पर बसुआस रखदे हन।