2 थिस्सलुनीकियों 1:3 - काँगड़ी

³ हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

2 थिस्सलुनीकियों 1:3 Iomraidhean Croise

लूका 15:32

अपर अहां जो हुण खुसी मनाणा कने खुस होणा चाइदा क्जोकि मैं एह़ सोचेया था कि मेरा जागत मरी गेआ; मरेया नीं अपर गुआची गेआ था, जेह्ड़ा हुण मिल्ली गेआ ऐ।’ ”

लूका 17:5

ताह़लू खास बारांह चेलेयां प्रभुये नैं ग्लाया, “अहां दे बसुआसे जो बधा।”

यूहन्ना 15:2

जेह्ड़ी डाल़ी मिन्जो नैं जुड़ियो ऐ कने फल़दी नीं ऐ, तिसा जो सैह़ बड्डी दिंदा ऐ, कने जेह्ड़ी फल़दी ऐ तिसा जो छांगदा ऐ तांजे होर जादा फल़ें।

रोमियो 1:8

पैहल्ले मैं तुहां सारेयां तांई यीशु मसीह दे जरिये अपणे परमात्मे दा धन्यावाद करदा ऐ, क्जोकि तुहां दे बसुआसे दी चर्चा सारे संसारे दे लोकां च होआ दी ऐ।

1 कुरिन्थियों 1:4

मैं तुहां दे बारे च अपणे परमात्मे दा धन्यावाद सदा करदा ऐ, क्जोकि यीशु मसीह दे जरिये परमात्मे दा एह़ अनुग्रह तुहां पर होएया ऐ।

2 कुरिन्थियों 10:15

कने अहां अपणिया हदी ते बाहर दूयेयां दी मेहनता पर घमंड नीं करदे; अपर अहां जो उम्मीद ऐ, कि जिंआं-जिंआं तुहां दा बसुआस बधदा जांगा, तिंआं-तिंआं अहां अपणिया हदा मताबक तुहां दिया बज़ाह ते होर भी बधदे जांगे,

इफिसियों 5:20

कने सदा सारियां गल्लां तांई अहां दे प्रभु यीशु मसीह दे नांऐ ते परमात्मे पिता दा धन्यावाद करदे रेह्आ।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 1:9

मैं एह़ प्रार्थना करदा ऐ, कि तुहां दा इक्की दूये नैं प्यार, ज्ञान कने पूरिया समझा नैं होर भी बधदा जां,

1 थिस्सलुनीकियों 3:12

कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

1 थिस्सलुनीकियों 3:6

अपर हुण तीमुथियुसें, जेह्ड़ा तुहां अल्ले ते अहां दे ऐत्थु आई करी, तुहां दा बसुआस कने प्यारे दा सुसमाचार सणाया। कने इसा गल्ला जो भी सणाया, कि तुहां सदा प्यारे नैं अहां जो याद करदे हन, कने अहां दे दिक्खणे दी इच्छा रखदे हन, जिंआं अहां भी तुहां जो दिक्खणे दी इच्छा रखदे हन।

1 थिस्सलुनीकियों 3:9

कने जितणी खुसी अहां जो तुहां दिया बज़ाह ते अपणे परमात्मे सामणै ऐ, तिसदे बदले तुहां दे बारे च अहां कुस तरीके नैं परमात्मे दा धन्यावाद करन?

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

2 थिस्सलुनीकियों 2:1

हे प्यारे साथी बसुआसियो, अहां प्रभु यीशु मसीह दे बापस ओणे, कने तिस बग्ते दे बारे च जाह़लू अहां तिस सौगी किठ्ठे मिलगे, तुहां नैं ग्लांदे हन।

2 थिस्सलुनीकियों 2:13

हे प्यारे साथी बसुआसियो, अहां जो हमेसा परमात्मे दा धन्यावाद करणा चाइदा, क्जोकि प्रभु तुहां नैं प्यार करदा ऐ। तुहां जो परमात्मैं सुरू ते ई चुणी लेआ कि आत्मा दे जरिये पवित्र बणी करी, कने सच्चाईया दा बसुआस करी नैं उद्धार पा।

1 पतरस 1:22

क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

2 पतरस 1:13

कने मैं अप्पु तांई एह़ ठीक समझदा ऐ, कि जाह़लू तिकर मैं इस संसारे च ऐ, ताह़लू तिकर तुहां जो इन्हां गल्लां दी याद करांदा रैंह्।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।