2 थिस्सलुनीकियों 1:10 - काँगड़ी

¹⁰ एह़ तिस दिन हुंगा, जाह़लू यीशु मसीह अपणे लोकां च महिमा पाणे, कने सारे लोक जेह्ड़े तिस पर बसुआस करदे हन; तिन्हां ते आदर पाणे तांई ओंगा। तुहां भी तिन्हां च सामिल हुंगे, क्जोकि तुहां तिस सुसमाचारे पर बसुआस कित्ता, जेह्ड़ा अहां तुहां जो तिसदे बारे च दस्सेया था।

2 थिस्सलुनीकियों 1:10 Iomraidhean Croise

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

मत्ती 16:28

मैं तुहां नैं सच्च ग्लांदा ऐ, कि जेह्ड़े ऐत्थु खड़ोत्यो हन, इन्हां च कुच्छ-कुच्छ ऐदेय हन, कि जाह़लू तिकर माणुये दे पुत्तरे जो परमात्मे दे राज्जे च ओंदे नीं दिक्खी लैंगे, ताह़लू तिकर मौत्त तिन्हां पर कदी नीं ओंगी।”

मत्ती 24:36

“तिस दिन दे कने तिस बग्त दे बारे च कोई नीं जाणदा, ना सुअर्गे दे सुअर्गदूत कने ना पुत्तर, अपर सिर्फ पिता जाणदा ऐ।

मत्ती 25:31

“जाह़लू मैं माणु दा पुत्तर दुवारी अपणी महिमा च ओंगा कने सारे सुअर्गदूत मिन्जो सौगी ओंगे, तां मैं अपणी महिमा दे सिंहासणे पर विराजमान होणा।

मत्ती 7:22

कने मते लोक न्याय दे दिन मिन्जो नैं ग्लांगे, ‘हे प्रभु हे प्रभु, क्या अहां तेरे नांऐ ते भविष्यवाणी नीं कित्ती, कने तेरे नांऐ ते दुष्टआत्मां जो नीं कड्डेया, कने तेरे नांऐ ते मते चमत्कार नीं कित्ते?’

लूका 10:12

मैं तुहां नैं ग्लांदा ऐ, कि तिस दिन तिस देसे दे लोकां दी हालत कने सदोम देसे दे लोकां दिया हालता ते जादा खराब हुंगी।

यूहन्ना 11:4

एह़ सुणी नैं यीशु ग्लाणा लग्गा, “एह़ बमारी मौत्ती दी नीं; अपर परमात्मे दी महिमा तांई ऐ, कि तिसदिया बज़ाह ते परमात्मे दे पुत्तरे दी महिमा होयैं।”

यूहन्ना 17:10

कने जेह्ड़ा कुच्छ मेरा ऐ सैह़ सब तेरा ऐ, कने जेह्ड़ा तेरा ऐ सैह़ मेरा ऐ, कने इन्हां ते मेरी महिमा प्रगट होई ऐ।

1 कुरिन्थियों 1:6

इसी तरीके नैं परमात्मा तुहां च इसा गल्ला जो साबित करदा ऐ, कि मसीह दा सुसमाचार सच्च ऐ।

1 कुरिन्थियों 3:13

अहां जेह्ड़ा कुच्छ भी इसा नीआ पर बणांदे हन, तां सैह़ न्याय आल़े दिने अग्गी नैं परखेया जांगा; ताह़लू सारे एह़ दिक्खगे कि तिन्हां इसा बणाणे तांई सोन्ना, चाँदी, कीमती पत्थर, लकड़ी, घाह, भूये दा इस्तेमाल कित्या ऐ।

गलातियों 1:24

परमात्मैं जेह्ड़ा बदलाव मेरिया ज़िन्दगिया च कित्ता, तिसियो दिक्खी करी सैह़ परमात्मे दी महिमा करदे थे।

इफिसियों 1:12

अहां यहूदी लोकां जिन्हां सबते पैहल्लैं मसीह च आस रखी, कने चुणे गै, तांजे अहां परमात्मे दी महिमा तांई स्तुति दी बज़ाह होन।

इफिसियों 1:14

जेह्ड़ा इक्क बयाना ऐ, कने सैह़ जमानत दिंदा ऐ कि परमात्मा अहां जो सैह़ विरासत दिंगा, जिसा जो दैणे दा तिन्हीं अहां नैं वादा कित्या ऐ, कने तिन्हीं अहां जो अपणे लोक होणे तांई खरीदी लेआ, कि तिसदी महिमा तांई स्तुति दी बज़ाह होन।

इफिसियों 1:18

मैं प्रार्थना करदा ऐ, कि परमात्मा तुहां दे मनां जो खोलें, तांजे तुहां तिसदी सदणे दिया आसा जो समझी सकन। जिसते तुहां जाणगे, कि सैह़ आसीषां कितणियां म्हान कने महिमा आल़िआं हन, जिन्हां दा परमात्मे अपणे लोकां सौगी वादा कित्या ऐ,

इफिसियों 1:6

तांजे अहां तिसदे अनुग्रह तांई जेह्ड़ा तिन्हीं अहां जो मुफ्ते च देई दित्या ऐ, कने जेह्ड़ा बड़ा भरी ऐ कने तिसदी महिमा तांई स्तुति दी बज़ाह होन। क्जोकि अहां तिसदे पुत्तरे सौगी जिस नैं सैह़ प्यार करदा इक्क होई गियो हन।

इफिसियों 2:7

कि सैह़ अपणिया तिसा दया नैं जेह्ड़ी यीशु मसीह च अहां पर ऐ, ओणे आल़े बग्ते च इस संसारे दे लोकां जो दस्सी सकैं कि तिसदा अनुग्रह कितणा म्हान ऐ।

इफिसियों 3:10

तांजे हुण कलीसिया दे जरिये परमात्मे दा पूरा ज्ञान तिन्हां प्रधानां कने अधिकारियां पर जेह्ड़े आत्मिक जगांह च हन, तिन्हां पर प्रगट कित्ता जां।

इफिसियों 3:16

मैं प्रार्थना करदा ऐ, कि सैह़ अपणिया महिमा दे तिन्हां खजानेयां ते तुहां जो एह़ दान दैं जिसदी कोई सीमा नीं ऐ। तिसदी आत्मा तुहां जो सामर्थ दैं कने तुहां दा अंदरूनी माणु ताकतवर हुंदा जा।

1 थिस्सलुनीकियों 1:5

क्जोकि अहां दे प्रभु यीशु मसीह दा सुसमाचार तुहां अल्ल ना सिर्फ ग्लाणे ते ई नीं, अपर पवित्र आत्मा दिया सामर्थी नैं, कने बड़े बसुआसे सौगी पुज्जया ऐ; जिंआं तुहां जाणदे हन, जाह़लू अहां तुहां सौगी थे, अहां तुहां दे भले दी खातर तुहां बिच्च कदेई ज़िन्दगी जीत्ती।

1 थिस्सलुनीकियों 2:1

हे प्यारे साथी बसुआसियो, तुहां अप्पु ई जाणदे हन, कि अहां दा तुहां अल्ल औणां फायदेमंद होएया,

1 थिस्सलुनीकियों 2:12

कि तुहां दे चाल-चलण ते परमात्मे जो आदर मिल्लैं, जेह्ड़ा तुहां जो अपणे राज्जे च कने महिमा च सददा ऐ।

1 थिस्सलुनीकियों 2:13

इसतांई अहां भी परमात्मे दा धन्यावाद हमेसा करदे हन; कि जाह़लू अहां दे जरिये परमात्मे दे सुसमाचारे दा वचन तुहां सुणेया, तां तुहां तिसियो माणुआं दा नीं अपर परमात्मे दा वचन समझी नैं अपनाई लेआ, कने सच्च बिच्च एह़ सुसमाचारे दा वचन परमात्मे दे पास्से ते ऐ। कने सैह़ अपणे वचने दे जरिये तुहां दिया ज़िन्दगिया च जेह्ड़े मसीह पर बसुआस रखदे हन, कम्म करदा ऐ।

2 थिस्सलुनीकियों 1:12

इस तरीके नैं अहां दे प्रभु यीशु मसीह दा नां तुहां दे जरिये महिमा पां। कने तुहां तिसदे जरिये आदर पांगे। एह़ सब कुच्छ अहां दे परमात्मे कने यीशु मसीह दे अनुग्रह ते हुंगा।

2 थिस्सलुनीकियों 2:13

हे प्यारे साथी बसुआसियो, अहां जो हमेसा परमात्मे दा धन्यावाद करणा चाइदा, क्जोकि प्रभु तुहां नैं प्यार करदा ऐ। तुहां जो परमात्मैं सुरू ते ई चुणी लेआ कि आत्मा दे जरिये पवित्र बणी करी, कने सच्चाईया दा बसुआस करी नैं उद्धार पा।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

2 तीमुथियुस 1:12

इस सुसमाचारे दिया बज़ाह ते मैं ऐत्थु जेला च भी इन्हां दुखां जो झेला दा ऐ, अपर भिरी भी सर्मांदा नीं, क्जोकि मैं मसीह जो जाणदा ऐ; जिस पर मैं बसुआस कित्या ऐ, कने मिन्जो पक्का पता ऐ कि ताह़लू तिकर सैह़ मेरे इस सुसमाचारे दी रखवाल़ी करी सकदा ऐ, जाह़लू तिकर सैह़ बापस नीं ओंदा।

2 तीमुथियुस 1:18

मैं विणती करदा ऐ, कि जाह़लू प्रभु बापस ओंगा, तां प्रभु तिस पर दया करैं कने तू अप्पु ई खरे कित्ते जाणदा ऐ, कि जाह़लू मैं इफिसुस सैहरे च था। तां तिन्हीं मेरी कितणी मदत कित्ती।

2 तीमुथियुस 4:8

प्रभु मिन्जो इक्क मुकट दिंगा, जेह्ड़ा धार्मिकता दा मुकट ऐ। सैह़ सच्चा न्याय करणे आल़ा अपणे बापस ओणे आल़े दिन च मिन्जो तिस इनामे जो दिंगा। सैह़ मिन्जो नीं अपर तिन्हां सबना जो भी जेह्ड़े तिसदे बापस ओणे दे इन्तजारे च हन।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।