2 पतरस 3:9 - काँगड़ी

⁹ कुच्छ लोक समझदे हन कि प्रभु अपणे बापस ओणे दे वादे च देर करा दा ऐ! नीं अपर सैह़ तुहां तांई सबर रखा दा ऐ, क्जोकि सैह़ नीं चांह़दा कि कोई भी नास होयैं, अपर सैह़ चांह़दा कि सारेयां जो मन बदलणे दा मौका मिल्लैं।

2 पतरस 3:9 Iomraidhean Croise

रोमियो 13:11

जरूरी ऐ कि तुहां बग्ते जो पणछैणी नैं ऐदेया ई करा, इसतांई कि हुण तुहां तांई निदरां ते जागणे दा बग्त आई रेह्आ ऐ। क्जोकि जिस बग्त अहां बसुआस कित्ता था, तिस बग्ते दे बचारां ते हुण अहां दा उद्धार नेड़े ऐ।

रोमियो 13:12

रात बड़ी होई गियो ऐ, कने दिन निकल़णे आल़ा ऐ, इसतांई अहां नेहरे दे कम्मां जो छड्डी नैं अहां जो तिन्हां हत्थयारां जो लैणां चाइदा, जिन्हां दा इस्तेमाल परगड़े च हुंदा ऐ।

रोमियो 2:4

क्या तू परमात्मे दी भलाई, कने सबर, कने दया जो तुच्छ जाणदा ऐ? क्या एह़ नीं समझदा कि परमात्मे दी भलाई तिज्जो पापां ते मन बदलणे दे बारे च सखांदी ऐ?

रोमियो 9:22

जे परमात्मैं अपणा कोप दस्सणे तांई कने अपणी सामर्थ प्रगट करणे दे मकसदे ते बड़ा सबर रखी नैं गुस्से दे तिन्हां भाडेयां जो झेलेया, जेह्ड़े विनाशे तांई त्यार थे, तां कुण बाधा बणी सकदा ऐ?

1 तीमुथियुस 1:16

अपर मिन्जो पर इसतांई दया होई, कि मिन्जो च जेह्ड़ा सबते बड्डा पापी ऐ, यीशु मसीह उदारणे साइआं अपणिया पूरिया सेहन सक्तिया दा सबूत दस्सें। जेह्ड़े लोक तिस पर सदा दी ज़िन्दगिया तांई बसुआस करगे।

1 तीमुथियुस 2:4

कने परमात्मा चांह़दा ऐ कि सारे लोक उद्धार पान, कने सच्चाईया जो जाणन,

इब्रानियों 10:37

क्जोकि जिंआं पवित्रशास्त्रे च लिख्या ऐ, “हुण बड़ा ई थोड़ा बग्त रेई गेआ ऐ, जाह़लू कि ओणे आल़ा ओंगा, कने देर नीं करगा।

1 पतरस 3:20

एह़ तिन्हां दियां आत्मां हन जिन्हां बड़ी पैहल्ले परमात्मे दे हुक्मे जो नीं मन्नेया, जाह़लू नूह जाह्जे बणा दा था, तां परमात्मे बड़ा सबर रखी नैं इन्तजार कित्ता, कि एह़ लोक बची जान, अपर सिर्फ अठ माणु ई तिसा खतरनाक जल प्रलयै ते बची सके।

2 पतरस 1:4

क्जोकि तिसदिया महिमा कने भलाईया दे जरिये तिन्हीं अहां जो बड़े म्हान कने कीमती वादे दित्यो हन, तांजे जेह्ड़ा भ्रष्टाचार इस संसारे च बुरिआं इच्छां दिया बज़ाह ते हुंदा ऐ, तिसते छुटी करी परमात्मे दे सभावे च साझीदार होई जान।

2 पतरस 3:15

कने अहां दे प्रभु दे सबरे जो इक्क मौका समझा, जेह्ड़ा सैह़ अहां जो न्याय आल़े दिने ते बचणे तांई देआ दा ऐ, अहां दे प्यारे बसुआसी भाऊ पौलुसैं भी तिस ज्ञाने दे जरिये जेह्ड़ा परमात्मैं तिसियो दित्या ऐ, इन्हां गल्लां जो अपणिया चिठ्ठिया च तुहां तांई लिख्या ऐ।

प्रकाशितवाक्य 2:21

मैं तिसा जो मने बदलणे दा मौका दित्ता, अपर सैह़ अपणे ब्यभिचारे ते अपणे मने नीं बदलणा चांह़दी।