2 पतरस 3:7 - काँगड़ी

⁷ जिंआं परमात्मैं अपणे वचने दे जरिये धरती बणाई, तिंआं ई तिन्हीं इस बग्ते दे संसारे जो अग्गी च फकोणे ते पैहल्ले इआं ई चलणे दा हुक्म दित्या ऐ, कने सैह़ तिन्हां जो अह्ल्ली तिकर तां सम्भाल़ा दा ऐ, जेह्ड़े तिसदे हुक्मां दा पालण नीं करदे, तिन्हां जो तिस न्याय आल़े दिने नास करी दैं।

2 पतरस 3:7 Iomraidhean Croise

मत्ती 10:15

मैं तुहां नैं सच्च ग्लांदा ऐ, कि न्याय दे दिन तिस देसे दे लोकां दी हालत सदोम कने अमोरा देसां दे लोकां दी हालत जादा झेलणे जोग्गी होणी ऐ।

मत्ती 11:22

अपर मैं तुहां नैं सच्च ग्लांदा ऐ, कि न्याय दे दिन परमात्मैं जेह्ड़ी सज़ा सूर कने सैदा सैहरां दे लोकां जो दैणी ऐ, तुहां दी सज़ा तिसते भी बधी करी होणी ऐ।

मत्ती 11:24

अपर मैं तुहां नैं सच्च ग्लांदा ऐ, कि न्याय दे दिन परमात्मैं जेह्ड़ी सज़ा सदोम सैहरे दे लोकां जो दैणी ऐ, तुहां दी सज़ा तिसते भी बधी करी होणी ऐ।”

मत्ती 12:36

कने मैं तुहां नैं सच्च ग्लांदा ऐ, कि जेह्ड़ियां-जेह्ड़ियां बुरिआं गल्लां माणु ग्लांगे, न्याय दे दिन हर इक्की गल्ला दा लेखा दिंगे।

मत्ती 24:35

अम्बर कने धरती टल़ी सकदे हन, अपर मेरियां गल्लां कदी नीं टली सकदियां।

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

मरकुस 6:11

जे तिसा जगाह दे लोक तुहां दा आदर ना करन, कने तुहां दी नीं सुणन, औत्थू ते निकल़दे ई अपणे पैरां दिया धूड़ी झाड़ी देआ, तांजे एह़ तिस सैहरे दे लोकां जो दस्सगा कि परमात्मा तिन्हां दा न्याय करगा।”

यूहन्ना 12:48

जेह्ड़ा मिन्जो तुच्छ जाणदा ऐ कने मेरियां वचनां जो नीं अपनांदा ऐ तिसियो अपराधी ठैहराणे आल़ा तां इक्को ई ऐ; मतलब जेह्ड़ा वचन मैं ग्लाया ऐ, सैई पिछले दिनां च तिसियो अपराधी ठैहरांगा।

रोमियो 2:5

अपर तू ढीठ मने दा ऐ कने अपणे मने जो पापां ते बदलणे तांई मना करदा ऐ। जधैड़ी परमात्मा अपणा गुस्सा दस्सगा जिस च परमात्मे दा सच्चा न्याय प्रगट हुंगा। तधैड़ी परमात्मा तिज्जो बड़ी सक्त सज़ा दिंगा।

1 कुरिन्थियों 3:13

अहां जेह्ड़ा कुच्छ भी इसा नीआ पर बणांदे हन, तां सैह़ न्याय आल़े दिने अग्गी नैं परखेया जांगा; ताह़लू सारे एह़ दिक्खगे कि तिन्हां इसा बणाणे तांई सोन्ना, चाँदी, कीमती पत्थर, लकड़ी, घाह, भूये दा इस्तेमाल कित्या ऐ।

फिलिप्पियों 1:28

कने कुसी भी गल्ला च बरोधियां ते डरणे दी जरूरत नीं। तुहां दी हिम्मत तिन्हां तांई विनाशे दी साफ नसाणी ऐ, अपर तुहां तांई छुटकारे दा, कने एह़ परमात्मे दे पास्से ते ऐ।

2 थिस्सलुनीकियों 2:3

कुसी भी तरीके नैं कुसी दे धोखे च नीं औणां, क्जोकि सैह़ दिन ताह़लू तिकर नीं ओंगा, जाह़लू तिकर लोक परमात्मे दे खलाफ बगाबत नीं करगे, कने ताह़लू दुष्ट माणु सामणै ओंगा, कने परमात्मा जरूर तिसियो नरके दिया अग्गी च नास करगा।

1 तीमुथियुस 6:9

अपर जेह्ड़े लोक अमीर होणा चांह़दे हन, सैह़ ऐदई परीक्षा कने फंदे कने बड़ियां नकसान करणे आल़िआं इच्छां च जानवरां साइआं फंसदे हन, जेह्ड़ियां माणुआं जो बिगाड़ी कने पूरे तरीके नैं नास करी दिंदियां हन।

इब्रानियों 12:29

क्जोकि अहां दा परमात्मा भस्म करणे आल़ी अग्ग ऐ।

2 पतरस 2:9

परमात्मे एह़ सारे कम्म कित्ते, जेह्ड़े एह़ दस्सदे हन कि सैह़ अपणे लोकां जो तिन्हां दियां मुसीबतां ते बचाणा जाणदा ऐ, कने बुरे लोकां जो न्याय दे दिने तिकर लगातार सज़ा दैणा भी जाणदा ऐ,

2 पतरस 3:10

अपर मसीह जरूर बापस ओंगा, कने तिसदा औणां चोरे साइआं हुंगा, तिस बग्त अम्बरे च जोरे दी गड़ाकेयां दी उआज़ हुंगी, कने अम्बर गायब होई जांगा। अम्बरे दियां सारियां चीज्जां नास होई जांगियां। तिस दिन परमात्मा न्याय करणे तांई तिन्हां सारे कम्मां जो प्रगट करगा, जेह्ड़े लोकां इसा धरतिया पर कित्यो हन।

2 पतरस 3:12

जिंआं तुहां तिस दिने दा इन्तजार करदे हन, जाह़लू परमात्मा इस संसारे दा न्याय करणे तांई ओंगा, तां तिस दिने दे तौल़ी ओणे तांई कोसस करदे रेह्आ। तिस दिने अम्बर अग्गी नैं नास करी दित्ता जांगा, कने होर सारियां चीज्जां अग्गी दिया तेज गर्मिया नैं पिघली जांगियां।

1 यूहन्ना 4:17

इसी ते प्यार अहां च सिद्ध होएया, कि अहां जो न्याय दे दिन हिम्मत होयैं। जिंआं यीशु मसीह परमात्मे सौगी इक्क होई करी रेह्आ, तिंआं ई अहां जो भी इस संसारे च परमात्मे सौगी इक्क होई करी रैह़न।

यहूदा 1:7

तिंआं ई सदोम कने अमोरा कने तिन्हां दे अक्खे-बक्खे दे सैहरां जो याद करा, जित्थु दे लोक पापी कने ब्यभिचारी बणी गियो थे, सैह़ अपणियां लाड़ियां जो छड्डी करी दूईआं जणासां पचांह़ चली पैयो थे, इसतांई परमात्मैं तिन्हां जो अग्गी नैं नास करी दित्ता। एह़ जेह्ड़ा तिन्हां सौगी होएया सैह़ तिन्हां झूठे सिक्षकां तांई चतौणी बणी गेई, कि सैह़ भी सदा दी अग्गी दे जरिये नास कित्ते जांगे।

प्रकाशितवाक्य 17:11

जेह्ड़ा जंगली जानवर पैहल्ले था, कने हुण नीं ऐ, सैह़ अप्पु अठमा ऐ कने तिन्हां सत्तां च पैदा होएया, कने विनाशे च पोंगा।

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 20:11

भिरी मैं इक्क बड्डे चिट्टे सिंहासणे कने तिसियो जेह्ड़ा तिस पर बैठेया ऐ, दिख्या, जिसदे सामणै ते धरती कने अम्बर नठ्ठी गै, कने तिन्हां तांई जगाह नीं मिल्ली।

प्रकाशितवाक्य 21:1

भिरी मैं नौये सुअर्गे जो कने नौईआ धरतिया जो दिख्या, क्जोकि पैहल्ला अम्बर, पैहल्ली धरती कने समुंदर भी गायब होई गियो थे।