2 पतरस 3:3 - काँगड़ी

³ सबते जरूरी गल्ल, तुहां जो एह़ जाणना चाइदा कि यीशु मसीह दे बापस ओणे ते पैहल्ले दे दिनां च लोक तुहां दा मजाक डुआंगे, क्जोकि तुहां एह़ बसुआस करदे हन कि यीशु मसीह बापस ओंगा, सैह़ अपणिया आदता ते मजबूर होई नैं इन्हां बुरे कम्मां जो करगे जिन्हां ते तिन्हां जो खुसी मिलदी ऐ,

2 पतरस 3:3 Iomraidhean Croise

यूहन्ना 12:48

जेह्ड़ा मिन्जो तुच्छ जाणदा ऐ कने मेरियां वचनां जो नीं अपनांदा ऐ तिसियो अपराधी ठैहराणे आल़ा तां इक्को ई ऐ; मतलब जेह्ड़ा वचन मैं ग्लाया ऐ, सैई पिछले दिनां च तिसियो अपराधी ठैहरांगा।

2 कुरिन्थियों 4:2

अपर अहां सर्मा दे गुप्त कम्मां जो छड्डी दित्या ऐ, कने ना चलाकी करदे, कने ना परमात्मे दे वचने जो अपणे फायदे तांई सणांदे हन। अपर अहां परमात्मे सामणै सिर्फ सच्चाई दस्सदे हन, तांजे हर इक्क माणु एह़ गवाही दैं, कि अहां सच्च ग्लांदे हन।

2 तीमुथियुस 3:1

तीमुथियुस जेह्ड़ी गल्ल मैं हुण तिज्जो नैं ग्लांगा, तिसा जो ध्याने नैं सुण कि आखरी दिनां च अहां पर यीशु मसीह दे बापस ओणे ते पैहल्ले बड़ा बुरा बग्त ओंगा।

इब्रानियों 1:2

अपर इन्हां आखरी दिनां च अहां नैं पुत्तरे दे जरिये गल्लां कित्तियां। परमात्मे अपणे पुत्तरे दे जरिये सारी सृष्टि बणाई, कने तिसियो तिन्हीं सारियां चीज्जां दा हक्कदार बणाई दित्ता।

2 पतरस 1:20

अपर जरूरी ऐ कि तुहां एह़ जाणी लैन कि जेह्ड़े भविष्यवक्ता दे वचन पवित्रशास्त्रे च पढ़दे हन, सैह़ सिर्फ तिन्हां दे अपणे बचार नीं हन,

2 पतरस 2:10

खास करी नैं परमात्मा तिन्हां झूठे सिक्षकां जो जरूर सज़ा दिंगा, जेह्ड़े बुरिआं इच्छां दे पचांह़ सरीरे मताबक चलदे कने परमात्मे दे अधिकारां जो घटिया समझदे हन, सैह़ ढीठ, कने जिद्दी हन, कने ऐत्थु तिकर कि सुअर्गदूतां दी निंदा करदे हन।

1 यूहन्ना 2:18

हे बच्चो, एह़ आखरी बग्त ऐ; कने जिंआं तुहां सुणेया ऐ, कि मसीह दा बरोधी ओणे आल़ा ऐ, तिसदे मताबक हुण भी मते मसीह बरोधी उठी खड़ोत्यो हन; इसते अहां जाणदे हन, कि एह़ आखरी बग्त ऐ।

यहूदा 1:16

एह़ लोक हमेसा परमात्मे दे खलाफ ग्लांदे हन, कने दूयेयां लोकां च खोट कड्डदे हन, सैह़ हमेसा तिन्हां बुरे कम्मां जो करदे हन, जिन्हां जो सैह़ करणा चांह़दे हन। कने सैह़ अपणे फायदे तांई दूयेयां लोकां सौगी चापलूसियां दियां गल्लां करदे हन।

यहूदा 1:18

सैह़ तुहां नैं ग्लांदे थे, “अहां दे प्रभु यीशु मसीह दे बापस ओणे ते पैहल्ले, ऐदेय लोक हुंगे, प्रभु दा कने तिसदे लोकां दा मजाक डुआंगे। एह़ सैह़ लोक हन, जिन्हां दियां ज़िन्दगियां तिन्हां दियां अपणियां बुरिआं इच्छां दे बसे च हन।”