2 पतरस 3:12 - काँगड़ी

¹² जिंआं तुहां तिस दिने दा इन्तजार करदे हन, जाह़लू परमात्मा इस संसारे दा न्याय करणे तांई ओंगा, तां तिस दिने दे तौल़ी ओणे तांई कोसस करदे रेह्आ। तिस दिने अम्बर अग्गी नैं नास करी दित्ता जांगा, कने होर सारियां चीज्जां अग्गी दिया तेज गर्मिया नैं पिघली जांगियां।

2 पतरस 3:12 Iomraidhean Croise

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

मत्ती 16:28

मैं तुहां नैं सच्च ग्लांदा ऐ, कि जेह्ड़े ऐत्थु खड़ोत्यो हन, इन्हां च कुच्छ-कुच्छ ऐदेय हन, कि जाह़लू तिकर माणुये दे पुत्तरे जो परमात्मे दे राज्जे च ओंदे नीं दिक्खी लैंगे, ताह़लू तिकर मौत्त तिन्हां पर कदी नीं ओंगी।”

फिलिप्पियों 1:6

मिन्जो इसा गल्ला दा भरोसा ऐ कि परमात्मा जिन्हीं तुहां च खरा कम्म सुरू कित्ता ऐ, सैई तिस कम्मे जो जाह़लू यीशु मसीह भिरी बापस ओंगा, तिस दिने तिकर पूरा करगा।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

2 पतरस 3:10

अपर मसीह जरूर बापस ओंगा, कने तिसदा औणां चोरे साइआं हुंगा, तिस बग्त अम्बरे च जोरे दी गड़ाकेयां दी उआज़ हुंगी, कने अम्बर गायब होई जांगा। अम्बरे दियां सारियां चीज्जां नास होई जांगियां। तिस दिन परमात्मा न्याय करणे तांई तिन्हां सारे कम्मां जो प्रगट करगा, जेह्ड़े लोकां इसा धरतिया पर कित्यो हन।

2 पतरस 3:11

क्जोकि परमात्मा जरूर इन्हां सारियां चीज्जां जो नास करगा, ठीक तिंआं ई जिंआं मैं दस्सेया ऐ, तां तुहां जो अपणा चाल-चलण सैदेया रखणा चाइदा, जेह्ड़ा परमात्मे जो खुस करदा ऐ।

2 पतरस 3:4

कने ग्लांगे, “तिसदा बापस ओणे दा वादा सच्च नीं ऐ! तिन्हीं बिलकुल भी बापस नीं औणां ऐ। क्जोकि जाह़लू ते मसीह अगुऐ इस संसारे जो छड्डी करी चली गियो हन, ताह़लू ते कुच्छ नीं बदलेया, सब कुच्छ तिंआं ई चलेया जिंआं सृष्टिया दे सुरू ते चलेया ऐ।”

2 पतरस 3:7

जिंआं परमात्मैं अपणे वचने दे जरिये धरती बणाई, तिंआं ई तिन्हीं इस बग्ते दे संसारे जो अग्गी च फकोणे ते पैहल्ले इआं ई चलणे दा हुक्म दित्या ऐ, कने सैह़ तिन्हां जो अह्ल्ली तिकर तां सम्भाल़ा दा ऐ, जेह्ड़े तिसदे हुक्मां दा पालण नीं करदे, तिन्हां जो तिस न्याय आल़े दिने नास करी दैं।

यहूदा 1:21

कने अपणे आप्पे जो परमात्मे दे प्यारे च बणाई रखा; कने सदा दी ज़िन्दगिया तांई अहां दे प्रभु यीशु मसीह दी दया दी आसा करदे रेह्आ।