2 पतरस 3:11 - काँगड़ी

¹¹ क्जोकि परमात्मा जरूर इन्हां सारियां चीज्जां जो नास करगा, ठीक तिंआं ई जिंआं मैं दस्सेया ऐ, तां तुहां जो अपणा चाल-चलण सैदेया रखणा चाइदा, जेह्ड़ा परमात्मे जो खुस करदा ऐ।

2 पतरस 3:11 Iomraidhean Croise

मत्ती 8:27

कने सैह़ हरान होई नैं ग्लाणा लग्गे, “एह़ कदेया माणु ऐ कि तफान कने पांणिये दियां लैहरां कने दुष्टआत्मां भी इसदा हुक्म मनदियां हन।”

रोमियो 13:11

जरूरी ऐ कि तुहां बग्ते जो पणछैणी नैं ऐदेया ई करा, इसतांई कि हुण तुहां तांई निदरां ते जागणे दा बग्त आई रेह्आ ऐ। क्जोकि जिस बग्त अहां बसुआस कित्ता था, तिस बग्ते दे बचारां ते हुण अहां दा उद्धार नेड़े ऐ।

रोमियो 13:12

रात बड़ी होई गियो ऐ, कने दिन निकल़णे आल़ा ऐ, इसतांई अहां नेहरे दे कम्मां जो छड्डी नैं अहां जो तिन्हां हत्थयारां जो लैणां चाइदा, जिन्हां दा इस्तेमाल परगड़े च हुंदा ऐ।

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 3:20

अपर अहां दा अपणा देस सुअर्गे पर ऐ; कने अहां इक्क उद्धार करणे आल़ा प्रभु यीशु मसीह दा औत्थू ते ओणे दा इन्तजार करदे हन।

1 थिस्सलुनीकियों 1:5

क्जोकि अहां दे प्रभु यीशु मसीह दा सुसमाचार तुहां अल्ल ना सिर्फ ग्लाणे ते ई नीं, अपर पवित्र आत्मा दिया सामर्थी नैं, कने बड़े बसुआसे सौगी पुज्जया ऐ; जिंआं तुहां जाणदे हन, जाह़लू अहां तुहां सौगी थे, अहां तुहां दे भले दी खातर तुहां बिच्च कदेई ज़िन्दगी जीत्ती।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

1 तीमुथियुस 6:3

जे कोई झूठी सिक्षा दिंदा ऐ कने अहां दे प्रभु यीशु मसीह दे खरे संदेस, यानकि परमात्मे दी भक्ति दिया सिक्षा ते सेहमत नीं हुंदा,

1 तीमुथियुस 6:6

अपर ऐई सेवा अहां तांई खरी ऐ, कि अहां सैई करन, जेह्ड़ा परमात्मे जो खुस करदा ऐ कने परमात्मा अहां जो जेह्ड़ा कुच्छ दिंदा ऐ, तिस च अहां खुस रैह़न।

इब्रानियों 13:5

तुहां अपणिया ज़िन्दगिया जो धन-दौलता दे लालचे ते दूर रखा, कने जेह्ड़ा तुहां अल्ल ऐ, तिस च खुस रेह्आ। क्जोकि परमात्मे अप्पु ई ग्लाया ऐ, “मैं तिज्जो कदी नीं छड्डगा, कने कदी नीं भुलगा।”

याकूब 1:24

कि सैह़ अपणे आप्पे जो दिक्खी नैं चली जांदा कने बड़ी तौल़ी भुल्ली जांदा ऐ कि मैं कदेया था।

याकूब 3:13

तुहां च अक्लमंद कने समझदार कुण ऐ? जेह्ड़ा ऐदेया ऐ, सैह़ अपणे कम्मां कने खरे सभावे दे जरिये ज्ञान पैदा करणे आल़ी नम्रता दे जरिये इसा गल्ला दा सबूत दैं।

1 पतरस 1:15

अपर परमात्मा जिन्हीं तुहां जो सद्देया ऐ, सैह़ पवित्र ऐ, तिंआं ई तुहां भी तिन्हां सारियां गल्लां च जेह्ड़ियां तुहां करदे हन, पवित्र बणा।

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

2 पतरस 1:6

क्जोकि तुहां जो एह़ नीं पता होणा चाइदा कि दूयेयां नैं किंआं बर्ताब करणा ऐ, अपर तुहां जो अपणे आप्पे पर काबू भी करणा चाइदा, कने तुहां जो सिर्फ अपणे आप्पे पर काबू ई नीं करणा चाइदा, अपर दुखां च सबर भी रखणा चाइदा, कने तुहां जो सिर्फ सबर ई नीं रखणा चाइदा, अपर तुहां जो ऐदई ज़िन्दगी जीणा चाइदी, जेह्ड़ी परमात्मे जो खुस करदी ऐ,

2 पतरस 3:10

अपर मसीह जरूर बापस ओंगा, कने तिसदा औणां चोरे साइआं हुंगा, तिस बग्त अम्बरे च जोरे दी गड़ाकेयां दी उआज़ हुंगी, कने अम्बर गायब होई जांगा। अम्बरे दियां सारियां चीज्जां नास होई जांगियां। तिस दिन परमात्मा न्याय करणे तांई तिन्हां सारे कम्मां जो प्रगट करगा, जेह्ड़े लोकां इसा धरतिया पर कित्यो हन।

2 पतरस 3:12

जिंआं तुहां तिस दिने दा इन्तजार करदे हन, जाह़लू परमात्मा इस संसारे दा न्याय करणे तांई ओंगा, तां तिस दिने दे तौल़ी ओणे तांई कोसस करदे रेह्आ। तिस दिने अम्बर अग्गी नैं नास करी दित्ता जांगा, कने होर सारियां चीज्जां अग्गी दिया तेज गर्मिया नैं पिघली जांगियां।