2 पतरस 3:10 - काँगड़ी

¹⁰ अपर मसीह जरूर बापस ओंगा, कने तिसदा औणां चोरे साइआं हुंगा, तिस बग्त अम्बरे च जोरे दी गड़ाकेयां दी उआज़ हुंगी, कने अम्बर गायब होई जांगा। अम्बरे दियां सारियां चीज्जां नास होई जांगियां। तिस दिन परमात्मा न्याय करणे तांई तिन्हां सारे कम्मां जो प्रगट करगा, जेह्ड़े लोकां इसा धरतिया पर कित्यो हन।

2 पतरस 3:10 Iomraidhean Croise

मत्ती 24:35

अम्बर कने धरती टल़ी सकदे हन, अपर मेरियां गल्लां कदी नीं टली सकदियां।

मरकुस 13:31

अम्बर कने धरती टल़ी सकदे हन, अपर मेरियां गल्लां कदी टल़ी नीं सकदियां।

लूका 12:39

अपर तुहां एह़ जाणी लेआ कि जे घरे दे मालके जो एह़ पता होयैं कि चोर कुस बग्त ओंगा, तां जागदा रैंह्दा, कने अपणे घरे च सेंध नीं लगणा दिंदा ऐ।

रोमियो 8:20

क्जोकि परमात्मे दे जरिये बणाईयो हर चीज्जा अपणिया कीमता जो खोई दित्ता, एह़ ऐदेया नीं कि सैह़ अपणे आप्पे ते चांह़दियां थियां, अपर परमात्मे ऐदेया होणे तांई कित्ता ऐ, भिरी भी इक्क आसा ऐ

1 कुरिन्थियों 1:8

परमात्मा तुहां जो आखरी तिकर बसुआसे च मजबूत भी करगा कि जाह़लू अहां दा प्रभु यीशु मसीह इस संसारे दुवारी बापस औयें तां तुहां बेकसूर पाये जान।

1 कुरिन्थियों 5:5

ताह़लू तिस बुरा करणे आल़े जो सैताने दे हुआलैं करी दित्ता जां, कि तिसदा सरीर तां नास होई जांगा, अपर प्रभु दे बापस ओणे दे दिने तिसदी आत्मा उद्धार पांगी।

2 कुरिन्थियों 1:14

जिंआं तुहां च कितणेयां मन्नी लेआ कि अहां तुहां दे घमंडे दी बज़ाह हन। तिंआं ई तुहां भी प्रभु यीशुये दे बापस ओणे दे दिन अहां तांई घमंड करणे दी बज़ाह बणगे।

1 थिस्सलुनीकियों 5:2

क्जोकि तुहां अप्पु च ठीक जाणदे हन कि जिंआं राती चोर ओंदा ऐ, तिंआं ई प्रभु यीशुये दा औणां भी हुंगा।

1 थिस्सलुनीकियों 5:4

अपर हे प्यारे साथी बसुआसियो, तुहां तां नेहरे च नीं हन, कि एह़ प्रभु दे दिन तुहां पर चोरे साइआं आई पोन।

2 पतरस 3:11

क्जोकि परमात्मा जरूर इन्हां सारियां चीज्जां जो नास करगा, ठीक तिंआं ई जिंआं मैं दस्सेया ऐ, तां तुहां जो अपणा चाल-चलण सैदेया रखणा चाइदा, जेह्ड़ा परमात्मे जो खुस करदा ऐ।

2 पतरस 3:12

जिंआं तुहां तिस दिने दा इन्तजार करदे हन, जाह़लू परमात्मा इस संसारे दा न्याय करणे तांई ओंगा, तां तिस दिने दे तौल़ी ओणे तांई कोसस करदे रेह्आ। तिस दिने अम्बर अग्गी नैं नास करी दित्ता जांगा, कने होर सारियां चीज्जां अग्गी दिया तेज गर्मिया नैं पिघली जांगियां।

2 पतरस 3:7

जिंआं परमात्मैं अपणे वचने दे जरिये धरती बणाई, तिंआं ई तिन्हीं इस बग्ते दे संसारे जो अग्गी च फकोणे ते पैहल्ले इआं ई चलणे दा हुक्म दित्या ऐ, कने सैह़ तिन्हां जो अह्ल्ली तिकर तां सम्भाल़ा दा ऐ, जेह्ड़े तिसदे हुक्मां दा पालण नीं करदे, तिन्हां जो तिस न्याय आल़े दिने नास करी दैं।

यहूदा 1:6

तुहां जो तिन्हां सुअर्गदूतां दे बारे च भी सोचणा चाइदा, जेह्ड़े अपणिया पदविया ते खुस नीं थे, जेह्ड़ी परमात्मे तिन्हां जो दित्तियो थी, अपर तिसदे बजाये तिन्हां अपणिया पदविया जो छड्डी दित्ता, परमात्मे तिन्हां सुअर्गदूतां जो न्याय दे ओणे आल़े दिने तिकर संगल़ां नैं बन्नी करी नेहरे च रखेया ऐ।

प्रकाशितवाक्य 16:15

तां प्रभु यीशुयैं ग्लाया, “दिक्ख, मैं चोरे साइआं ओंदा ऐ; धन सैह़ ऐ जेह्ड़ा जागदा रैंह्दा ऐ, कने अपणे कपड़ेयां दी रखवाल़ी करदा ऐ कि नंगा नीं घूमे, कने लोक तिसदा नंगापन नीं दिक्खन।”

प्रकाशितवाक्य 20:11

भिरी मैं इक्क बड्डे चिट्टे सिंहासणे कने तिसियो जेह्ड़ा तिस पर बैठेया ऐ, दिख्या, जिसदे सामणै ते धरती कने अम्बर नठ्ठी गै, कने तिन्हां तांई जगाह नीं मिल्ली।

प्रकाशितवाक्य 21:1

भिरी मैं नौये सुअर्गे जो कने नौईआ धरतिया जो दिख्या, क्जोकि पैहल्ला अम्बर, पैहल्ली धरती कने समुंदर भी गायब होई गियो थे।

प्रकाशितवाक्य 3:3

इसतांई याद कर कि तैं कुस तरीके नैं सिक्षा हासल कित्ती कने सुणी, कने तिस च बणी रैंह् कने अपणे मने बदल। जे तू चौकन्ना नीं हुंगा तां मैं चोरे साइआं आई जांगा कने तू तिस बग्ते जो कदी नीं जाणी सकगा, जाह़लू मैं तिज्जो सज़ा दैणे तांई ओंगा।

प्रकाशितवाक्य 6:14

अम्बर इआं गायब होई गेआ जिंआं इक्क कागज लपेटया जांदा ऐ। कने हर इक्क प्हाड़ कने टापू अपणी-अपणी जगाह ते खिसकी गेआ।