2 पतरस 2:9 - काँगड़ी

⁹ परमात्मे एह़ सारे कम्म कित्ते, जेह्ड़े एह़ दस्सदे हन कि सैह़ अपणे लोकां जो तिन्हां दियां मुसीबतां ते बचाणा जाणदा ऐ, कने बुरे लोकां जो न्याय दे दिने तिकर लगातार सज़ा दैणा भी जाणदा ऐ,

2 पतरस 2:9 Iomraidhean Croise

मत्ती 10:15

मैं तुहां नैं सच्च ग्लांदा ऐ, कि न्याय दे दिन तिस देसे दे लोकां दी हालत सदोम कने अमोरा देसां दे लोकां दी हालत जादा झेलणे जोग्गी होणी ऐ।

मत्ती 6:13

कने अहां जो परीक्षा च मत पा, अपर दुष्ट सैताने ते बचा। (क्जोकि राज्ज, शक्ति कने महिमा सदा तेरे ई हन।’ आमीन।)

रोमियो 2:5

अपर तू ढीठ मने दा ऐ कने अपणे मने जो पापां ते बदलणे तांई मना करदा ऐ। जधैड़ी परमात्मा अपणा गुस्सा दस्सगा जिस च परमात्मे दा सच्चा न्याय प्रगट हुंगा। तधैड़ी परमात्मा तिज्जो बड़ी सक्त सज़ा दिंगा।

1 कुरिन्थियों 10:13

तुहां कुसी ऐदई परीक्षा च नीं पै, जेह्ड़ी माणुये दे झेलणे ते बाहर ऐ। परमात्मा सच्चा ऐ कने सैह़ तुहां जो सामर्थ ते बाहर परीक्षा च नीं पोणा दिंगा, अपर परीक्षा ते बाहर निकल़णे दा रस्ता कड्डगा कि तुहां झेली सकन।

2 तीमुथियुस 3:12

एह़ गल्ल सच्च ऐ कि जेह्ड़े यीशु मसीह च सच्चाईया दी ज़िन्दगिया जीणे दा फैसला करदे हन, तिन्हां सारेयां पर जुल्म हुंगे;

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

2 पतरस 2:4

क्जोकि जाह़लू परमात्मैं तिन्हां सुअर्गदूतां जो भी माफ नीं कित्ता, जिन्हां पाप कित्या था, अपर तिन्हां जो न्याय दे दिने दा इन्तजार करणे कने सज़ा पाणे तांई नरके च घल्ली दित्ता।

2 पतरस 3:7

जिंआं परमात्मैं अपणे वचने दे जरिये धरती बणाई, तिंआं ई तिन्हीं इस बग्ते दे संसारे जो अग्गी च फकोणे ते पैहल्ले इआं ई चलणे दा हुक्म दित्या ऐ, कने सैह़ तिन्हां जो अह्ल्ली तिकर तां सम्भाल़ा दा ऐ, जेह्ड़े तिसदे हुक्मां दा पालण नीं करदे, तिन्हां जो तिस न्याय आल़े दिने नास करी दैं।

यहूदा 1:6

तुहां जो तिन्हां सुअर्गदूतां दे बारे च भी सोचणा चाइदा, जेह्ड़े अपणिया पदविया ते खुस नीं थे, जेह्ड़ी परमात्मे तिन्हां जो दित्तियो थी, अपर तिसदे बजाये तिन्हां अपणिया पदविया जो छड्डी दित्ता, परमात्मे तिन्हां सुअर्गदूतां जो न्याय दे ओणे आल़े दिने तिकर संगल़ां नैं बन्नी करी नेहरे च रखेया ऐ।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।