2 पतरस 2:7 - काँगड़ी

⁷ अपर सदोमे जो नास करणे ते पैहल्लैं परमात्मे लूते जो जेह्ड़ा इक्क धर्मी माणु था, तिसियो तिस सैहरे जो छड्डणे दा मौका दित्ता, तांजे तिसियो बचाई लैं, कने लूत सदोम सैहरे दे लोकां ते बड़ा भरी दुखी था। क्जोकि तिन्हां कुसी भी व्यबस्था जो नीं मन्नेया, अपर सिर्फ बुरे कम्म ई कित्ते।

2 पतरस 2:7 Iomraidhean Croise

1 कुरिन्थियों 10:13

तुहां कुसी ऐदई परीक्षा च नीं पै, जेह्ड़ी माणुये दे झेलणे ते बाहर ऐ। परमात्मा सच्चा ऐ कने सैह़ तुहां जो सामर्थ ते बाहर परीक्षा च नीं पोणा दिंगा, अपर परीक्षा ते बाहर निकल़णे दा रस्ता कड्डगा कि तुहां झेली सकन।

2 पतरस 2:18

एह़ घमंडे नैं भरोईयां बेकार दियां गल्लां नैं तिन्हां लोकां जो लुचपण दे कम्मां दे जरिये सरीरे दियां इच्छां च फंसाई लैंदे हन, जेह्ड़े रस्ते ते भटकेयां लोकां ते बाल-बाल बची करी निकल़ी आएयो हन।

2 पतरस 2:2

मते लोक तिन्हां झूठे सिक्षकां साइआं रिस करगे, जिन्हां दिया बज़ाह ते सच्चाईया दे रस्ते दी निंदा कित्ती जांगी।

2 पतरस 3:17

इसतांई हे मेरे प्यारे साथी बसुआसियो, तुहां लोक पैहल्ले ते ई जाणदे हन कि एह़ सारियां गल्लां हुंगियां, इसतांई चौकन्ने रेह्आ, तांजे सैह़ लोक जेह्ड़े व्यबस्था जो नीं मनदे झूठ ग्लाई नैं तुहां जो रस्ते ते नीं भटकाई दैंन, कुत्थी इआं ना होयैं कि तुहां तिन्हां पचांह़ चलदे-चलदे तिसा सच्चाईया पर बसुआस करणा छड्डी दैंन।

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।