2 पतरस 2:6 - काँगड़ी

⁶ कने तुहां एह़ भी जाणदे हन, कि बड़ी पैहल्ले परमात्मे सदोम कने अमोरा दे लोकां दी भी तिन्हां दे बुरे कम्मां दिया बज़ाह ते निंदा कित्ती, इसतांई तिन्हीं तिन्हां जो फुकी करी नास करी दित्ता, इआं करी नैं तिन्हीं एह़ दस्सेया कि जेह्ड़े लोक तिसदा डर नीं मनदे, तिन्हां नैं इआं ई हुंगा,

2 पतरस 2:6 Iomraidhean Croise

मत्ती 10:15

मैं तुहां नैं सच्च ग्लांदा ऐ, कि न्याय दे दिन तिस देसे दे लोकां दी हालत सदोम कने अमोरा देसां दे लोकां दी हालत जादा झेलणे जोग्गी होणी ऐ।

मत्ती 11:23

कने हे कफरनहूम सैहर दे लोको, क्या तुहां सुअर्गे तिकर ऊचे कित्ते जांगे? तुहां तां अधोलोक तिकर थल्लैं जांगे। जाह़लू सामर्थी दे कम्म तुहां च कित्ते गै, जे सदोम सैहरे दे लोकां च कित्ते जांदे, तां सैह़ अज्जे तिकर बणेयो रैंह्दे।

रोमियो 9:29

जिंआं यशायाह भविष्यवक्तैं पैहल्ले भी ग्लाया था: “जे सर्वशक्तिमान प्रभुयैं अहां तांई कुसी भी वंश नीं छड्डदा, तां अहां सदोम कने अमोरा साइआं नास होई जांदे।”

1 कुरिन्थियों 10:11

अपर एह़ सारियां गल्लां, जेह्ड़ियां तिन्हां पर होईयां, इक्क चतौणियां साइआं थियां; कने सैह़ अहां जो चतौणी दैणे तांई लिखियां हन, जेह्ड़े इस संसारे दे आखरी बग्ते च रैंह्दे हन।

इब्रानियों 4:11

अहां भी तिस अरामे दिया जगाह च दाखल होणे दी कोसस करन, इआं ना होयैं कि कोई माणु तिन्हां साइआं हुक्म नीं मन्नी करी दाखल नीं होई पां।

यहूदा 1:15

कि सारे लोकां दा न्याय करैं, कने झूठे सिक्षकां दे सारे बुरे कम्मां तांई जेह्ड़े तिन्हां बुरे बणी नैं कित्यो हन, कने तिन्हां पापी लोकां जो जिन्हां परमात्मे दे खलाफ बुरिआं गल्लां ग्लाईयां, परमात्मा तिन्हां सारेयां जो दोसी ठैहरां।”

यहूदा 1:7

तिंआं ई सदोम कने अमोरा कने तिन्हां दे अक्खे-बक्खे दे सैहरां जो याद करा, जित्थु दे लोक पापी कने ब्यभिचारी बणी गियो थे, सैह़ अपणियां लाड़ियां जो छड्डी करी दूईआं जणासां पचांह़ चली पैयो थे, इसतांई परमात्मैं तिन्हां जो अग्गी नैं नास करी दित्ता। एह़ जेह्ड़ा तिन्हां सौगी होएया सैह़ तिन्हां झूठे सिक्षकां तांई चतौणी बणी गेई, कि सैह़ भी सदा दी अग्गी दे जरिये नास कित्ते जांगे।