2 पतरस 2:4 - काँगड़ी

⁴ क्जोकि जाह़लू परमात्मैं तिन्हां सुअर्गदूतां जो भी माफ नीं कित्ता, जिन्हां पाप कित्या था, अपर तिन्हां जो न्याय दे दिने दा इन्तजार करणे कने सज़ा पाणे तांई नरके च घल्ली दित्ता।

2 पतरस 2:4 Iomraidhean Croise

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

मत्ती 8:29

तिन्हां जोरे नैं डड्डी करी ग्लाया, “हे परमात्मे दे पुत्तर, अहां दा तिज्जो नैं क्या कम्म? क्या तू बग्ते ते पैहल्ले अहां जो दुख दैणे तांई ऐत्थु आईआ ऐ?”

मरकुस 5:7

कने जोरे नैं डड्डी करी ग्लाणा लग्गा, “हे यीशु परम प्रधान परमात्मे दे पुत्तर, मिन्जो तिज्जो नैं क्या कम्म? मैं तिज्जो परमात्मे दे नांऐ दी कसम दिंदा कि मिन्जो दुखी मत कर।”

लूका 10:18

यीशुयैं तिन्हां नैं ग्लाया, जाह़लू दुष्टआत्मां तुहां दे बसे च होईयां, “तां मैं सैताने जो बिजल़ी साइआं सुअर्गे ते पोंदा दिक्खा दा था।

लूका 8:31

तिन्हां दुष्टआत्मां तिस नैं विणती कित्ती कि अहां जो अथाह कुंडे च जाणा मत देआ।

यूहन्ना 8:44

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।

रोमियो 11:21

क्जोकि जाह़लू परमात्मैं रूखे दियां सभाविक डाल़िआं पर दया नीं कित्ती, तां सैह़ तुहां पर भी दया नीं करगा।

रोमियो 8:32

जिन्हीं अपणे इकलौते पुत्तरे जो भी नीं रखी छड्डेया, अपर अहां पर दया करी नैं तिसियो भी अहां सबना तांई देई दित्ता। तां इतणा कुच्छ दैणे ते बाद भी सैह़ अहां जो अपणे पुत्तरे सौगी सब कुच्छ क्जो नीं दिंगा?

2 पतरस 2:11

भिरी भी सुअर्गदूत जेह्ड़े ताकता कने सामर्थी च झूठे सिक्षकां ते बड्डे हन, अपर सैह़ प्रभुये सामणै तिन्हां जो बुरा भला ग्लाई नैं दोस नीं लगांदे।

2 पतरस 2:5

कने तुहां एह़ भी जाणदे हन, कि जाह़लू पराणे जमाने दे लोकां परमात्मे दा डर नीं मन्नेया, तां परमात्मे तिन्हां लोकां दे बुरे कम्मां जो नजर अंदाज नीं कित्ता, कने पूरे संसारे पर जल प्रलयै घल्ली नैं तिन्हां दा नास कित्ता, अपर तिन्हीं नूहे समेत अठां माणुआं जो बचाई लेआ, जेह्ड़े तिसदिया नजरा च धर्मी थे।

2 पतरस 2:9

परमात्मे एह़ सारे कम्म कित्ते, जेह्ड़े एह़ दस्सदे हन कि सैह़ अपणे लोकां जो तिन्हां दियां मुसीबतां ते बचाणा जाणदा ऐ, कने बुरे लोकां जो न्याय दे दिने तिकर लगातार सज़ा दैणा भी जाणदा ऐ,

1 यूहन्ना 3:8

जेह्ड़ा कोई लगातार पाप करदा ऐ, सैह़ सैताने दे पास्से ते ऐ, क्जोकि सैतान सुरू ते ई लगातार पाप करदा आया ऐ। परमात्मे दा पुत्तर इसतांई आया ऐ, कि सैताने दे कम्मां दा नास करैं।

यहूदा 1:13

तिन्हां दे सर्मनाक कम्म समुंदरी लैहरां दे गंदे झाग्गे साइआं हन। सैह़ भटकणे आल़े तारेयां साइआं हन, जिन्हां जो तिन्हां देयां पापां तांई हमेसा तिकर नरके दे नेहरे रखेया ऐ।

यहूदा 1:6

तुहां जो तिन्हां सुअर्गदूतां दे बारे च भी सोचणा चाइदा, जेह्ड़े अपणिया पदविया ते खुस नीं थे, जेह्ड़ी परमात्मे तिन्हां जो दित्तियो थी, अपर तिसदे बजाये तिन्हां अपणिया पदविया जो छड्डी दित्ता, परमात्मे तिन्हां सुअर्गदूतां जो न्याय दे ओणे आल़े दिने तिकर संगल़ां नैं बन्नी करी नेहरे च रखेया ऐ।

प्रकाशितवाक्य 20:10

तिन्हां दा भटकाणे आल़ा सैतान अग्ग कने गंधका दिया तिसा झीला च, जिसा च सैह़ जंगली जानवर कने झूठा भविष्यवक्ता भी पाई दित्ता जांगा; कने सैह़ रात दिन जुगा-जुग पीड़ा च तड़फदे रैंह्गे।