2 पतरस 2:2 - काँगड़ी2 मते लोक तिन्हां झूठे सिक्षकां साइआं रिस करगे, जिन्हां दिया बज़ाह ते सच्चाईया दे रस्ते दी निंदा कित्ती जांगी। Faic an caibideil |
2 पतरस 2:2
36 Iomraidhean Croise
मेरे ग्लाणे दा मतलब एह़ ऐ कि परमात्मा तिन्हां लोकां जो जिन्हां यीशु मसीह जो कदी अपनाया नीं, तिन्हां जो तां सज़ा दिंगा ई अपर तिन्हां जो तां होर भी कड़ी सज़ा दिंगा जिन्हां यीशु मसीह जो अपनाई करी छड्डी दित्या ऐ। एह़ खरा हुंदा कि तिन्हां धार्मिकता दी ज़िन्दगिया दे बारे च नीं जाणेया हुंदा। हुण सैह़ जाणदे हन कि खरा क्या ऐ, अपर हुण तिन्हां परमात्मे दे हुक्मां जो मन्नणा छड्डी दित्या ऐ, जेह्ड़े अहां तिन्हां जो दित्यो थे।
मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।
तिंआं ई सदोम कने अमोरा कने तिन्हां दे अक्खे-बक्खे दे सैहरां जो याद करा, जित्थु दे लोक पापी कने ब्यभिचारी बणी गियो थे, सैह़ अपणियां लाड़ियां जो छड्डी करी दूईआं जणासां पचांह़ चली पैयो थे, इसतांई परमात्मैं तिन्हां जो अग्गी नैं नास करी दित्ता। एह़ जेह्ड़ा तिन्हां सौगी होएया सैह़ तिन्हां झूठे सिक्षकां तांई चतौणी बणी गेई, कि सैह़ भी सदा दी अग्गी दे जरिये नास कित्ते जांगे।
Sanasan