2 पतरस 2:12 - काँगड़ी

¹² अपर एह़ झूठे सिक्षक जंगली जानवरां साइआं हन, जेह्ड़े पकड़णे तांई कने नास होणे तांई पैदा होएयो हन। जिन्हां गल्लां जो जाणदे ई नीं हन, तिन्हां दे बारे च दूयेयां जो बुरा भला ग्लांदे हन, सैह़ जरूर इन्हां जंगली जानवरां साइआं नास कित्ते जांगे।

2 पतरस 2:12 Iomraidhean Croise

मरकुस 7:22

लालच, बुराई, छल, लुचपण, बुरी नजर, निंदा, घमंड, कने मूर्खता निकल़दी ऐ।

यूहन्ना 8:21

यीशुयैं भिरी तिन्हां नैं ग्लाया, “मैं चली पेआ, कने तुहां मिन्जो तोपगे कने अपणे पापे च मरगे; जित्थु मैं चलेया तित्थु तुहां नीं आई सकदे।”

गलातियों 6:8

क्जोकि जेह्ड़ा माणु अपणे पापी सभावे जो खुस करणे तांई बांदा ऐ, तिस सभावे दे जरिये सैह़ बरबादी दी फसल बड्डगा; कने जेह्ड़ा परमात्मे दिया आत्मा जो खुस करणे तांई बांदा ऐ, तां तिसा आत्मा दे जरिये सैह़ सदा दी ज़िन्दगिया दी फसल बड्डगा।

कुलुस्सियों 2:22

क्जोकि एह़ सारे कायदे कानून बेकार कने कुसी कम्मे दी नीं, क्जोकि एह़ माणुआं दे हुक्मां कने सिक्षां दे मताबक हन।

2 पतरस 1:4

क्जोकि तिसदिया महिमा कने भलाईया दे जरिये तिन्हीं अहां जो बड़े म्हान कने कीमती वादे दित्यो हन, तांजे जेह्ड़ा भ्रष्टाचार इस संसारे च बुरिआं इच्छां दिया बज़ाह ते हुंदा ऐ, तिसते छुटी करी परमात्मे दे सभावे च साझीदार होई जान।

2 पतरस 2:19

एह़ तिन्हां नैं अजादी दैणे दा वादा तां करदे हन, अपर सैह़ अप्पु ई पापी सभावे दे गुलाम हन। माणु तिसदा ई दास बणदा ऐ, जेह्ड़ा तिसियो अपणे बसे च रखदा ऐ।

यहूदा 1:10

अपर एह़ लोक जिन्हां गल्लां जो नीं समझदे, तिन्हां दे खलाफ बुरा भला ग्लांदे हन, कने जिन्हां गल्लां जो सैह़ समझदे हन, तिन्हां जो बगैर सोचे समझे जंगली जानवरां साइआं करदे हन, परमात्मा तिन्हां जो सज़ा दिंगा।