2 पतरस 2:10 - काँगड़ी

¹⁰ खास करी नैं परमात्मा तिन्हां झूठे सिक्षकां जो जरूर सज़ा दिंगा, जेह्ड़े बुरिआं इच्छां दे पचांह़ सरीरे मताबक चलदे कने परमात्मे दे अधिकारां जो घटिया समझदे हन, सैह़ ढीठ, कने जिद्दी हन, कने ऐत्थु तिकर कि सुअर्गदूतां दी निंदा करदे हन।

2 पतरस 2:10 Iomraidhean Croise

लूका 11:25

कने बापस आई नैं तिस माणुये दिया ज़िन्दगिया जो इक्क साफ सुथरा कने सजे-सजायो घरे साइआं पांदी ऐ।

लूका 19:14

अपर तिसदे सैहरे दे अक्खे-बक्खे रैहणे आल़े लोक तिस नैं बैर रखदे थे, कने तिसदे पचांह़ संदेसा दैणे आल़े दुवारी एह़ ग्लाई करी घल्लेया, अहां नीं चांह़दे कि एह़ अहां पर राज करैं।

प्रेरितां दे कम्म 23:5

पौलुसैं ग्लाया, “हे भाऊओ, मैं नीं जाणदा था कि एह़ महायाजक ऐ; क्जोकि पवित्रशास्त्रे च लिख्या ऐ, ‘अपणेयां लोकां दे प्रधाने जो बुरा मत ग्ला।’ ”

रोमियो 8:1

इसतांई हुण जेह्ड़ा यीशु मसीह च ऐ, तिन्हां पर सज़ा दा हुक्म नीं। क्जोकि सैह़ सरीरे मताबक नीं अपर पवित्र आत्मा मताबक चलदे हन।

1 कुरिन्थियों 6:9

क्या तुहां नीं जाणदे कि अन्यायी लोक परमात्मे दे राज्जे दे वारस नीं हुंगे, धोखा मत खा; ना वैश्यगामी, ना मूर्तिपूजक, ना दूईआं जणासां सौगी नाजायज रिस्ते, ना लुच्चे, ना मर्दे दे मर्दां सौगी नाजायज रिस्ते,

2 कुरिन्थियों 10:3

हलांकि अहां संसारे च रैंह्दे हन, अपर अहां अपणे दुश्मणा सौगी नीं लड़दे, जिंआं इस संसारे दे लोक लड़दे हन।

इफिसियों 4:19

कने तिन्हां जो कोई सर्म नीं ऐ। क्जोकि सैह़ सरीरे दियां इच्छां च जीआ दे हन, कने हर किस्मा दे गंदे कम्मां करणे जो बड़े उतावल़े हन।

इफिसियों 5:5

क्जोकि तुहां एह़ खरे कित्ते जाणदे हन कि कोई भी ब्यभिचारी, या गंदे कम्म करणे आल़ा, या लालची माणु, जेह्ड़ा मूर्तिपूजा दे बराबर ऐ, मसीह कने परमात्मे दे राज्जे च कदी भी हिस्सेदार नीं हुंगा।

कुलुस्सियों 3:5

इसतांई बुरे कम्मां करणा छड्डी देआ, जेह्ड़े तुहां दे पापी सभावे सौगी जुड़ेयो हन, जेह्ड़े धरतिया पर हन, मतलब ब्यभिचार, मने च गंदगी, वासना, बुरी सोच। कने लालची मत बणा जेह्ड़ा मूर्तिपूजा दे साइआं ऐ।

1 थिस्सलुनीकियों 4:7

क्जोकि परमात्मैं अहां जो असुद्ध ज़िन्दगी जीणे तांई नीं, अपर पवित्र ज़िन्दगी जीणे तांई सद्देया ऐ।

2 तीमुथियुस 3:2

क्जोकि माणु मतलबी, धन-दौलता दा लालची, डींगमार, घमंडी, निंदा करणे आल़ा, माँऊ-बुढ़े दा हुक्म नीं मन्नणे आल़ा, एहसान फरामोस, अपवित्र,

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

इब्रानियों 13:4

ब्याह सबना लोकां च इज्जता दी गल्ल समझी जां, कने इस रिस्ते च दोयो अप्पु च बफादार रैह़न, क्जोकि परमात्मा ब्यभिचारियां, कने गंदे कम्म करणे आल़ेआं दा न्याय करगा।

2 पतरस 3:3

सबते जरूरी गल्ल, तुहां जो एह़ जाणना चाइदा कि यीशु मसीह दे बापस ओणे ते पैहल्ले दे दिनां च लोक तुहां दा मजाक डुआंगे, क्जोकि तुहां एह़ बसुआस करदे हन कि यीशु मसीह बापस ओंगा, सैह़ अपणिया आदता ते मजबूर होई नैं इन्हां बुरे कम्मां जो करगे जिन्हां ते तिन्हां जो खुसी मिलदी ऐ,

यहूदा 1:10

अपर एह़ लोक जिन्हां गल्लां जो नीं समझदे, तिन्हां दे खलाफ बुरा भला ग्लांदे हन, कने जिन्हां गल्लां जो सैह़ समझदे हन, तिन्हां जो बगैर सोचे समझे जंगली जानवरां साइआं करदे हन, परमात्मा तिन्हां जो सज़ा दिंगा।

यहूदा 1:16

एह़ लोक हमेसा परमात्मे दे खलाफ ग्लांदे हन, कने दूयेयां लोकां च खोट कड्डदे हन, सैह़ हमेसा तिन्हां बुरे कम्मां जो करदे हन, जिन्हां जो सैह़ करणा चांह़दे हन। कने सैह़ अपणे फायदे तांई दूयेयां लोकां सौगी चापलूसियां दियां गल्लां करदे हन।

यहूदा 1:18

सैह़ तुहां नैं ग्लांदे थे, “अहां दे प्रभु यीशु मसीह दे बापस ओणे ते पैहल्ले, ऐदेय लोक हुंगे, प्रभु दा कने तिसदे लोकां दा मजाक डुआंगे। एह़ सैह़ लोक हन, जिन्हां दियां ज़िन्दगियां तिन्हां दियां अपणियां बुरिआं इच्छां दे बसे च हन।”

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।