2 पतरस 2:1 - काँगड़ी

¹ जिंआं बड़ी पैहल्ले इस्राएली लोकां च झूठे भविष्यवक्ता थे, तिंआं ई तुहां च भी झूठी सिक्षा दैणे आल़े हुंगे, सैह़ ऐदिआं झूठियां सिक्षां च फंसी जांगे, जिसदिया बज़ाह ते सैह़ यीशु मसीह पर बसुआस करणा छड्डी दिंगे। ऐत्थु तिकर कि एह़ झूठे सिक्षक यीशु मसीह जो अपणा मालक मन्नणे ते इन्कार करगे, जिन्हीं तिन्हां जो अपनाया कने पापे दिया ताकता दे अजाद कित्ता, इस तरीके नैं सैह़ तिन्हां जो चाणचक नास करी दिंगे।

2 पतरस 2:1 Iomraidhean Croise

मत्ती 10:33

अपर जेह्ड़ा कोई माणुआं दे सामणै मिन्जो नकारी दिंगा, तिसियो मैं भी अपणे सुअर्गीय पिता दे सामणै नकारी दिंगा।

मत्ती 24:11

तिस बग्त मते झूठे भविष्यवक्ता आई जांगे, कने मतेआं लोकां जो भकांगे।

मत्ती 24:24

“क्जोकि झूठे मसीह कने झूठे भविष्यवक्ता उठी खड़ोणा, कने बड्डे चमत्कार, कने अनोखे कम्म दस्सगे, कि जे होई सकैं परमात्मे दे चुणेयां लोकां जो भी भटकाई दैन।

मत्ती 24:5

क्जोकि मत्ते ऐदेय हुंगे जेह्ड़े मेरे नांऐ ते आई करी ग्लांगे, ‘मैं मसीह ऐ,’ कने मतेआं जो भकांगे।

मत्ती 7:15

“झूठे भविष्यवक्ता ते चौकन्ने रेह्आ, जेह्ड़े भेड्डां दे भेसे च ओंदे हन, अपर असल च सैह़ चीरणे आल़े भेड़िये हन।

मरकुस 13:22

क्जोकि झूठे मसीह कने झूठे भविष्यवक्ता उठी खड़ोंगे, कने चमत्कार, कने अनोखे कम्म दस्सगे, जे होई सकैं परमात्मे दे चुणेयां लोकां जो भी भटकाई दैन।

लूका 12:9

अपर जेह्ड़ा कोई माणुआं दे सामणै मिन्जो नकारी दिंगा, तिसियो मैं परमात्मे दे सुअर्गदूतां सामणै भी नकारी दिंगा।

लूका 21:8

तिन्हीं ग्लाया, “चौकन्ने रेह्आ कि भरमाये नीं जान, क्जोकि मते भरी मेरे नांऐ ते आई नैं ग्लांगे, मैं सैई ऐ, कने एह़ भी कि, ‘बग्त आई रेह्आ ऐ।’ तुहां तिसदे पचांह़ मत चली जांदे।

लूका 6:26

हाय, तुहां पर जाह़लू सारे माणु तुहां जो खरा ग्लान, क्जोकि तुहां दे पूर्वज भी झूठे भविष्यवक्तां सौगी इआं ई करदे थे।

रोमियो 16:18

क्जोकि ऐदेय लोक अहां दे प्रभु मसीह दी नीं, अपर अपणे फायदे तांई सेवा करदे हन। एह़ लोक मिठ्ठियां-मिठ्ठियां गल्लां करी नैं सिध्धे सादे लोकां जो भकाई दिंदे हन।

1 कुरिन्थियों 11:19

अपर हाँ एह़ सच्च ऐ कि तुहां च बैर होणा जरूरी भी ऐ, तांजे जेह्ड़े लोक परमात्मे दे जरिये चुणेयो हन, सैह़ प्रगट होई जान।

1 कुरिन्थियों 6:20

क्जोकि परमात्मे यीशु मसीह दे बलिदाने दे जरिये इक्क बड्डा मुल्ल देई नैं खरीदी लेआ ऐ, इसतांई अपणे सरीरे दे जरिये परमात्मे दी महिमा करा।

1 कुरिन्थियों 7:23

परमात्मे तुहां तांई इक्क बड्डा मुल्ल चुकाया ऐ। इसतांई माणुआं दे नीं अपर परमात्मे दे दास बणा।

गलातियों 2:4

एह़ तिन्हां झूठे भाऊआं दिया बज़ाह ते होएया, जेह्ड़े चोरी छिपे अहां दिया मंडल़िया च आईयो थे, कि तिसा अजादिया दा जेह्ड़ी यीशु मसीह च अहां जो मिलियो ऐ, भेत लेई करी अहां जो दास बणान।

गलातियों 3:13

मसीह जेह्ड़ा सूल़िया पर मरने दिया बज़ाह ते अहां तांई श्रापित होएया, कने तिन्हीं अहां जो खरीदी करी मूसा दिया व्यबस्था दे श्राफे ते बचाया, क्जोकि पवित्रशास्त्रे च एह़ लिख्या ऐ, “जेह्ड़ा कोई सूल़िया पर टुंगी करी मारेया जांदा ऐ सैह़ श्रापित ऐ।”

गलातियों 4:17

सैह़ लोक जेह्ड़े यहूदी व्यबस्था पर जोर दिंदे हन, तुहां जो अपणे हक्के च लेयोणे तांई बड़े भरी उतावल़े हन, अपर खरे मकसदे ते नीं। तिन्हां दा मकसद तुहां जो मिन्जो ते लग्ग करणा ऐ, तांजे तुहां तिन्हां दे चेले बणी जान।

गलातियों 5:20

मूर्तिपूजा, जादू टूणा, बैर, झगड़ा, जल़ण, गुस्सा, सवार्थ, कल़ाह्, फूट,

इफिसियों 1:7

मसीयैं अहां दे छुटकारे तांई अपणा खून बहाई नैं अपणी ज़िन्दगी बलिदान करी दित्ती, जिसदा मतलब एह़ ऐ, कि हुण अहां दे पाप ते माफ होई गियो हन। कने परमात्मे दा अनुग्रह कितणा म्हान ऐ, जेह्ड़ा तिन्हीं अहां जो बड़ा भरी दित्या ऐ।

इफिसियों 4:14

तांजे अहां गांह तांई बच्चेयां साइआं नीं रैह़न। अहां जो कदी भी धोखे बाज लोकां दिया झूठिया सिक्षा च नीं फसणा चाइदा, जेह्ड़ियां हौआ साइआं अहां जो इक्की जगाह ते दूईआ जगाह पटकदियां हन।

फिलिप्पियों 3:19

तिन्हां दा अन्त विनाश ऐ, तिन्हां दा ईश्वर तिन्हां दे सरीरे दी इच्छा ऐ, अपणियां सर्मां दियां गल्लां पर घमंड करदे हन, कने संसारे दियां चीज्जां पर मन लगाई रखदे हन।

कुलुस्सियों 2:18

कोई भी माणु, जेह्ड़ा दीनता दे ढोंग कने सुअर्गदूतां दी अराधना च लीन ऐ, तुहां जो तुहां दे इनामे ते दूर नीं करी सकैं। ऐदेया माणु इश्वरे दे दर्शन दिक्खणे च ढींगा मारदा ऐ। अपर एह़ सब बकबास ऐ क्जोकि तिन्हां दे दिमाग मतलबी इच्छां नैं भरोया ऐ।

कुलुस्सियों 2:8

ध्यान रखा कि कोई तुहां लोकां जो तिन्हां बेकार गल्लां ते वेबकूफ ना बणा। एह़ बेकार गल्लां सुणने च तां ज्ञाने दियां लगदियां हन, क्जोकि एह़ गल्लां तां सिर्फ संसारे दे लोकां दे पास्से ते हन, अपर मसीह दे पास्से ते नीं।

1 तीमुथियुस 5:8

अपर जे कोई अपणे रिस्तेदारां दा कने खास करी नैं अपणे परवारे दा ख्याल ना रखे, तां सैह़ बसुआसे ते मुकरी गेआ ऐ कने बेबसुआसिये ते भी बुरा बणी गेआ ऐ।

2 तीमुथियुस 4:3

क्जोकि ऐदेया बग्त भी औणां, कि जाह़लू लोक खरी सिक्षा जो झेली नीं सकगे, अपर जेह्ड़ा तिन्हां जो सुणना खरा लगगा, तिसदे मताबक सैह़ अपणे तांई मते सारे गुरू कठ्ठेरी लैंगे।

तीतुस 1:11

ऐदेयां लोकां जो सिक्षा दैणे दी इजाजत मत देआ, क्जोकि जाह़लू सैह़ ऐदई सिक्षा दिंदे हन, जेह्ड़ी तिन्हां जो नीं दैणी चाइदी, क्जोकि एह़ लोक सारे परवारां दा बसुआस नास करदे हन, सैह़ एह़ तां करदे हन कि पैसा हासल करी सकन।

तीतुस 3:10

कलीसिया च झगड़े करणे आल़े माणुये जो इक्क या दो बरी समझाई दैणे ते बाद तिस पर होर अपणा बग्त बरबाद मत कर।

इब्रानियों 10:29

तां सोची लेआ कि सैह़ कितणी होर भी मती सज़ा जोग्गा हुंगा, जिन्हीं परमात्मे दे पुत्तरे जो पैरां नैं रौल़ेया कने वादे दे खूने जो जिसदे जरिये सैह़ पवित्र बणेया था, अपवित्र जाणेया ऐ, कने अनुग्रह दी आत्मा दा अपमान कित्ता।

1 पतरस 1:8

बेसक तुहां प्रभु जो नीं दिख्या ऐ, भिरी भी तिस नैं प्यार रखदे हन, कने हुण तुहां तिसियो इस बग्त नीं दिक्खा दे हन, अपर तुहां तिस च बसुआस करदे हन, इसतांई तुहां खुसिया नैं बड़े भरी मग्न हुंदे हन, जेह्ड़ा महिमा नैं भरोया ऐ, कने जिसदा सब्दां च बखान करणा मुस्कल ऐ।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

1 यूहन्ना 2:26

मैं एह़ गल्लां तुहां जो तिन्हां दे बारे च लिखियां हन, जेह्ड़े तुहां जो भटकांदे हन;

1 यूहन्ना 4:1

हे मेरे साथी बसुआसियो, हर इक्की पर बसुआस मत करा, जेह्ड़ा आत्मा च होई करी ग्लाणे दा दावा करदा ऐ कने तिसायो परखा कि सैह़ परमात्मे दे पास्से ते ऐ कि नीं; क्जोकि मते झूठे भविष्यवक्ता संसारे च हन।

यहूदा 1:18

सैह़ तुहां नैं ग्लांदे थे, “अहां दे प्रभु यीशु मसीह दे बापस ओणे ते पैहल्ले, ऐदेय लोक हुंगे, प्रभु दा कने तिसदे लोकां दा मजाक डुआंगे। एह़ सैह़ लोक हन, जिन्हां दियां ज़िन्दगियां तिन्हां दियां अपणियां बुरिआं इच्छां दे बसे च हन।”

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।

प्रकाशितवाक्य 2:9

मैं तेरे दुखे कने गरीबिया जो जाणदा ऐ अपर सच्चाई एह़ कि तू अमीर ऐ; कने जेह्ड़े लोक अपणे आप्पे जो यहूदी ग्लांदे हन, अपर सच्चाई ऐ कि सैह़ हन नीं, एह़ लोक दावा करदे हन कि सैह़ परमात्मे पचांह़ चलणे आल़े हन, अपर सच्चाई एह़ ऐ कि सैह़ सैताने पचांह़ चलदे हन, मैं तिन्हां दी इस निंदा जो भी जाणदा ऐ।

प्रकाशितवाक्य 3:8

मैं तेरे कम्मां जो जाणदा ऐ; इसतांई मैं तेरे सामणै इक्क दरवाजा खोली रखेया ऐ, जिसियो कोई बंद नीं करी सकदा; मैं जाणदा ऐ कि तिज्जो अल्ल थोड़ी काबिलियत ऐ, भिरी भी तैं मेरे वचनां दा पालण कित्ता ऐ कने मेरे नांऐ दा इन्कार नीं कित्ता।

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;

प्रकाशितवाक्य 6:10

तिन्हां जोरे-जोरे नैं ग्लाया, “हे पवित्र कने सच्चे प्रभु; तू धरतिया दे तिन्हां बुरे लोकां जो सज़ा दैणे तांई इतणी देर क्जो करा दा ऐ? अहां तिज्जो नैं विणती करदे हन, कि तू तिन्हां लोकां नैं अहां दा बदला लै जिन्हां अहां दा खून कित्या ऐ।”