2 पतरस 1:9 - काँगड़ी

⁹ जिस माणुये च एह़ गल्लां नीं हन, सैह़ तिस माणुये साइआं ऐ जेह्ड़ा अन्ना ऐ, कने सैह़ भुल्ली गिया ऐ कि परमात्मे तिसदे पाप माफ करी दित्यो हन, जेह्ड़े तिन्हीं प्रभु यीशु पर बसुआस करणे ते पैहल्ले कित्यो थे।

2 पतरस 1:9 Iomraidhean Croise

मरकुस 10:21

यीशुयैं तिसियो दिक्खी करी तिस नैं प्यार कित्ता, कने ग्लाया, “तिज्जो च इक्की गल्ला दी कमी ऐ। जा, जेह्ड़ा कुच्छ तिज्जो अल्ल ऐ तिसियो बेची नैं गरीबां जो देई दे, कने तिज्जो सुअर्गे च सच्ची धन-दौलत मिलगी, कने आई नैं मिन्जो पचांह़ चली पौ।”

लूका 18:22

एह़ सुणी नैं यीशु तिस नैं ग्लाणा लग्गा, “तिज्जो च हुण भी इक्की गल्ला दी कमी ऐ, अपणा सब कुच्छ बेची करी गरीबां जो बंडी दे; कने तिज्जो सुअर्गे च धन दौलत मिलगी, कने आई नैं मिन्जो पचांह़ चली पौ।”

रोमियो 6:11

तुहां लोक भी इआं ई अप्पु जो पापे तांई मरेया समझा, कने परमात्मे तांई यीशु मसीह च जिन्दा।

गलातियों 5:13

हे प्यारे साथी बसुआसियो, तुहां अजाद होणे तांई सद्देयो हन; अपर इसा अजादिया जो अपणी सरीरे दी इच्छा जो पूरी करणे दा मौका मत बणा, अपर प्यारे नैं इक्की दूये दी सेवा करा।

गलातियों 5:6

जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।

इफिसियों 5:26

तांजे तिसदे वचने जो कलीसिया पर प्रगट करी नैं तिसियो तिसदे पापां ते सुद्ध करी सकैं, ठीक तिंआं ई जिंआं लोक कुसी चीज्जा जो धोई करी साफ करदे हन।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

इब्रानियों 9:14

तां मसीह दा खून, जिन्हीं अपणे आप्पे जो सदा जिन्दा रैहणे आल़ी आत्मा दे जरिये परमात्मे सामणै बेकसूर बल़िया दे रूपे च चढ़ाई दित्ता, जिन्दे परमात्मे दी सेवा करणे तांई अहां दे जमीरे जो पापी कम्मां ते क्जो नीं सुद्ध करगा?

1 पतरस 3:21

पराणे बग्ते च तिन्हां दा उद्धार अहां दे इस बग्ते दे उद्धारे दा उदारण ऐ, जाह़लू अहां बपतिस्मा लेआ था। जिस पांणिये च अहां बपतिस्मा लेआ था, अहां दे सरीरां दे मैल्ले जो दूर नीं करदा, अपर एह़ इसा गल्ला जो दस्सदा ऐ, कि अहां परमात्मे ते माफी मंगियो ऐ, तांजे गांह तांई अहां दा मन दुखी नीं रैंह्। अहां जो माफी मिल्ली सकदी ऐ, क्जोकि यीशु मसीह दुवारी भिरी जिन्दा होई गेआ ऐ।

1 यूहन्ना 1:7

अपर जिंआं परमात्मा जोतिया च ऐ, तिंआं ई अहां भी जोतिया च चलण, तां इक्की दूये नैं संगति रखदे हन, कने तिसदे पुत्तर यीशु मसीह दा खून अहां जो सारे पापां ते सुद्ध करदा ऐ।

प्रकाशितवाक्य 3:17

तू ग्लांदा ऐ कि मैं अमीर ऐ कने दौलतमंद होई गेआ ऐ कने मिन्जो कुसा भी चीज्जा दी कमी नीं ऐ; अपर सच्च एह़ नीं ऐ कि तू अह्ल्ली भी अभागा, नीच, गरीब, अन्ना कने भुखा नंगा ऐ।