2 पतरस 1:8 - काँगड़ी

⁸ क्जोकि जे एह़ सारियां गल्लां तुहां च हन, तां सैह़ तुहां दे फायदे तांई हन, कने एह़ तुहां जो प्रभु यीशु मसीह दे ज्ञाने च बधणे तांई मदत करगियां।

2 पतरस 1:8 Iomraidhean Croise

मत्ती 13:22

जेह्ड़ा बीई झुड़ां बसुन्टां च बाया, एह़ सैह़ माणु ऐ, जेह्ड़ा वचन तां सुणदा ऐ, अपर इस संसारे दी फिकर कने धन दौलता दा धोखा वचने जो दब्बी दिंदा ऐ, कने सैह़ फल़दा नीं।

मत्ती 20:3

भिरी भ्यागा नौ बजे तिन्हीं निकल़ी नैं होरनी लोकां जो बजारे च बेल्ले खड़ोत्यो दिख्या,

मत्ती 20:6

तिसते बाद कोई संझा दे पंज बजे तिन्हीं भिरी निकल़ी नैं होरनी लोकां जो खड़ोत्या दिख्या, कने तिन्हां नैं ग्लाया, ‘तुहां क्जो ऐत्थु दिन भर बेल्ले खड़ोत्यो रैह्?’ तिन्हां तिस नैं ग्लाया, इसतांई कि कुणी भी अहां जो दिहाड़िया पर नीं लगाया।

मत्ती 25:26

तिसदे मालकैं तिसियो जवाब दित्ता, हे दुष्ट कने आलसी दास, जाह़लू तू एह़ जाणदा था कि जित्थु मैं नीं बाया औत्थू ते बड्डदा, कने जित्थु मैं बीई नीं छिड़केया औत्थू ते बटीणदा ऐ;

यूहन्ना 15:2

जेह्ड़ी डाल़ी मिन्जो नैं जुड़ियो ऐ कने फल़दी नीं ऐ, तिसा जो सैह़ बड्डी दिंदा ऐ, कने जेह्ड़ी फल़दी ऐ तिसा जो छांगदा ऐ तांजे होर जादा फल़ें।

यूहन्ना 17:3

कने सदा दी ज़िन्दगी एह़ ऐ कि सैह़ तिज्जो इकमात्र सच्चे परमात्मे जो कने यीशु मसीह जो, जिसियो तैं घल्लेया ऐ, जाणन।

यूहन्ना 5:42

अपर मैं तुहां जो जाणदा ऐ, कि तुहां च परमात्मे तांई प्यार नीं ऐ।

रोमियो 12:11

मेहनत करा कने आलसी मत बणा। अपणे पूरे दिले नैं प्रभु दी सेवा करदे रेह्आ।

1 कुरिन्थियों 15:58

इसतांई हे मेरे प्यारे साथी बसुआसियो, अपणे बसुआसे मजबूत च बणी रेह्आ, कने प्रभु दे कम्मां च हमेसा बधदे जा, क्जोकि एह़ जाणदे हन कि जेह्ड़ा कुच्छ तुहां प्रभु तांई करदे हन तिसदा इनाम तुहां जो जरूर मिलगा।

2 कुरिन्थियों 13:5

अपणे आप्पे जो परखा, कि बसुआसे च हन कि नीं। अपणे आप्पे जो जांचा, क्या तुहां अपणे बारे च एह़ नीं जाणदे, कि यीशु मसीह तुहां च ऐ? नीं तां तुहां परखणे च नकम्मे निकल़े हन।

2 कुरिन्थियों 8:2

जाह़लू बड़ियां मुसीबतां दे जरिये तिन्हां दी परीक्षा होई, तां तिन्हां बड़ी खुसी मनाई, कने बेसक सैह़ बड़े भारी गरीब थे, तमी तिन्हां दूयेयां बसुआसियां दी खुले दिले नैं मदत कित्ती।

2 कुरिन्थियों 8:7

ठीक जिंआं तुहां हर गल्ला च मतलब बसुआस, वचन, ज्ञान कने हर तरीके दियां कोससां च, कने तिस प्यारे च जेह्ड़ा अहां रखदे हन, बधदे जांदे हन, तिंआं ई तुहां भी हुण गरीब बसुआसियां बिच्च दान दैणे दिया सेवा च बधदे जा।

2 कुरिन्थियों 9:14

कने सैह़ तुहां तांई प्रार्थना करदे हन। इसतांई कि तुहां पर परमात्मे दा बड़ा ई अनुग्रह ऐ, कने तुहां नैं मिलणे दी आसा करदे रैंह्दे हन।

फिलिप्पियों 1:9

मैं एह़ प्रार्थना करदा ऐ, कि तुहां दा इक्की दूये नैं प्यार, ज्ञान कने पूरिया समझा नैं होर भी बधदा जां,

फिलिप्पियों 2:5

जिंआं यीशु मसीह दा सभाव था तिंआं ई तुहां दा सभाव भी इक्की दूये नैं होयैं;

फिलिप्पियों 3:8

अपर तिसते भी बधी करी मैं अपणे प्रभु यीशु मसीह जो जाणने दी जरूरता दे सामणै सारियां गल्लां जो बेकार समझदा ऐ। जिसदिया बज़ाह ते मैं सारियां चीज्जां दा नकसान झेलेया, कने तिन्हां जो कूड़ा समझदा ऐ, जिसते मैं मसीह जो जाणी सकैं।

कुलुस्सियों 1:10

इस तरीके नैं तुहां प्रभु दे मताबक ज़िन्दगी जी करी सारियां गल्लां च तिसियो खुस करगे। कने हर किस्मां दे खरे कम्म करदे रैंह्गे कने परमात्मे दे ज्ञाने च फल़दे कने बधदे जांगे।

कुलुस्सियों 2:7

कने तिस च जड़ पकड़दे कने बधदे भी जा। कने जिंआं तुहां सखाऐयो हन, तिंआं ई बसुआसे च मजबूत हुंदे जा, कने जादा ते जादा परमात्मे दा धन्यावाद करदे रेह्आ।

कुलुस्सियों 3:16

हर बग्त तुहां मसीह दे वचने दे बारे च सोचदे रेह्आ, तांजे जेह्ड़ा कुच्छ करदे कने सोचदे हन, तिसियो काबू च रखा। कने बड़ी समझदारिया नैं इक्की दूये जो सखा कने सलाह देआ, कने अपणे-अपणे मने च धन्यावाद करी नैं परमात्मे तांई भजन कने स्तुति गीत कने आत्मिक गीत गा।

1 थिस्सलुनीकियों 3:12

कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

1 तीमुथियुस 5:13

कने इसदे अलावा तिन्हां जो घर-घर जाई नैं आलसी होणे दी आदत पेई जांदी ऐ, कने सिर्फ आलसी नीं, अपर बक-बक करदियां रैंह्दियां कने दूयेयां दे कम्मे च दखल अंदाजी करदियां हन कने बेकार दियां गल्लां ग्लांदियां हन, जेह्ड़ा तिन्हां जो ग्लाणा नीं चाइदा।

तीतुस 3:14

कने अहां दे लोक भी जरूरतां जो पूरियां करणे तांई खरेयां कम्मां च लग्गी रैहणा सीखन, तांजे कुच्छ कम्माई सकन।

फिलेमोन 1:6

मैं प्रार्थना करदा ऐ कि बसुआसे च तेरा साझी होणा, हर इक्क खरिया गल्ला दे ज्ञाने तांई असरदार होयैं, जेह्ड़ी यीशु मसीह च अहां अल्ल ऐ ।

2 पतरस 1:2

मैं प्रार्थना करदा ऐ, कि जिंआं तुहां परमात्मे दे ज्ञाने च कने अहां दे प्रभु यीशु मसीह च बधा दे हन, तां परमात्मे ते तुहां जो जादा ते जादा अनुग्रह कने सांति मिलदी रैंह्।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

2 पतरस 2:20

जाह़लू लोक प्रभु यीशु मसीह जो अपणा प्रभु कने उद्धारकर्ता मन्नेया था, ताह़लू तिन्हीं तिन्हां जो इस संसारे दिया बुराईया ते बचाई लेआ था। अपर हुण भिरी दुवारी सैह़ तिन्हां बुरे कम्मां च फंसी गियो हन, जेह्ड़े तिन्हां जो अपणे बसे च रखदे हन, इसतांई हुण तिन्हां दी हालत पैहल्ले ते भी बड़ी बुरी होई गियो ऐ।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।