2 पतरस 1:6 - काँगड़ी

⁶ क्जोकि तुहां जो एह़ नीं पता होणा चाइदा कि दूयेयां नैं किंआं बर्ताब करणा ऐ, अपर तुहां जो अपणे आप्पे पर काबू भी करणा चाइदा, कने तुहां जो सिर्फ अपणे आप्पे पर काबू ई नीं करणा चाइदा, अपर दुखां च सबर भी रखणा चाइदा, कने तुहां जो सिर्फ सबर ई नीं रखणा चाइदा, अपर तुहां जो ऐदई ज़िन्दगी जीणा चाइदी, जेह्ड़ी परमात्मे जो खुस करदी ऐ,

2 पतरस 1:6 Iomraidhean Croise

लूका 21:19

अपणे सबरे नैं तुहां अपणे प्राणा जो बचाई रखगे।

लूका 8:15

अपर जेह्ड़े बीई खरिया जमीना दे सैह़ माणु हन, जेह्ड़े वचनां जो सुणी करी भले कने खरे मने च सम्भाल़ी करी पक्के बसुआसी बणदे हन।

प्रेरितां दे कम्म 24:25

जाह़लू पौलुस धार्मिकता कने सांति, कने ओणे आल़े न्याय दी चर्चा करा दा था, तां फेलिक्से डरी करी जवाब दित्ता, “हुण तां तू जा; जाह़लू मिन्जो अल्ल बग्त हुंगा, मैं तिज्जो अप्पु सद्दी लैंगा।”

रोमियो 15:4

पवित्रशास्त्रे च जेह्ड़ा कुच्छ लिख्या था, सैह़ अहां जो सिक्षा दैणे तांई लिख्या गेआ था, तांजे अहां जो तिसा सिक्षा नैं सबर कने हौंसला मिलदा रैंह्, कने इस तरीके नैं अहां अपणी आसा बणाई रखन।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

रोमियो 8:25

अपर जिसा चीज्जा जो अहां नीं दिक्खदे, जे तिसा दी उम्मीद रखदे हन, तां सबर करी नैं तिसादा इन्तजार भी करदे हन।

1 कुरिन्थियों 9:25

हर इक्क पैहलवाण जेह्ड़ा कुश्तिया च हिस्सा लैंदा ऐ; सैह़ सबर रखदा ऐ। सैह़ तां नास होणे आल़े मुकटे जो हासल करणे तांई एह़ सब कुच्छ करदा ऐ, अपर अहां तां तिस मुकटे जो हासल करणे तांई करदे हन जेह्ड़ा नास नीं हुंदा ऐ।

2 कुरिन्थियों 6:4

अपर हर गल्ला च अहां एह़ साबित करदे हन, कि अहां परमात्मे दे सच्चे सेवक हन। अहां अपणे खरे गुण दस्सी करी बड़िया हिम्मता सौगी दुखां झेलणे च, मुसीबतां च, खतरेयां च,

गलातियों 5:23

नम्रता, कने अप्पु जो काबू रखणा। इन्हां कम्मां करणे आल़ेआं दे खलाफ कोई व्यबस्था नीं ऐ।

कुलुस्सियों 1:11

तां मैं प्रार्थना करदा ऐ, कि परमात्मा अपणी महिमा दी सामर्थी दा इस्तेमाल करी नैं तुहां जो मजबूत करैं। इसतांई तुहां बड़े हौंसले कने खुसिया सौगी अपणियां मुसीबतां जो झेली सकन।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

2 थिस्सलुनीकियों 1:4

इसतांई अहां परमात्मे दी कलीसिया दे बसुआसी तुहां दे बारे च घमंड करदे हन, बेसक तुहां दुखां कने मुसीबतां च होई नैं जा दे हन, भिरी भी तुहां इन्हां जो बड़े सबरे नैं लगातार झेलदे हन, कने मसीह पर बसुआस करदे हन।

2 थिस्सलुनीकियों 3:5

अहां प्रार्थना करदे हन, कि प्रभु यीशु मसीह तुहां जो एह़ दस्सें, कि परमात्मा तुहां नैं कितणा प्यार करदा ऐ, कने मुसीबतां च किंआं मजबूत रैहणा ऐ, जिंआं यीशु मसीह था।

1 तीमुथियुस 2:10

अपर इन्हां चीज्जां जो करणे दे बजाये तिन्हां जो दूये लोकां तांई भलाई दे कम्म करी नैं अप्पु छैल़ बणाणा चाइदा क्जोकि मसीह जणासां जो इआं करणा सजदा।

1 तीमुथियुस 2:2

सारे राजेयां कने अधिकारी लोकां तांई प्रार्थना करेया करा तांजे अहां सुख-चैन सौगी रेई सकन तांजे अहां परमात्मे दी अराधना करन कने दूये लोकां सौगी खरा बर्ताब रखन।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

1 तीमुथियुस 6:3

जे कोई झूठी सिक्षा दिंदा ऐ कने अहां दे प्रभु यीशु मसीह दे खरे संदेस, यानकि परमात्मे दी भक्ति दिया सिक्षा ते सेहमत नीं हुंदा,

1 तीमुथियुस 6:6

अपर ऐई सेवा अहां तांई खरी ऐ, कि अहां सैई करन, जेह्ड़ा परमात्मे जो खुस करदा ऐ कने परमात्मा अहां जो जेह्ड़ा कुच्छ दिंदा ऐ, तिस च अहां खुस रैह़न।

2 तीमुथियुस 3:5

सैह़ एह़ दखावा करगे कि सैह़ परमात्मे दी भक्ति करदे हन, अपर सैह़ परमात्मे दिया सामर्थी जो नीं मनगे। ऐदेयां लोकां सौगी मेल-जोल मत रखा।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 1:8

अपर घरैं आएयो परोणेयां दी इज्जत करणे आल़ा, दूयेयां सौगी भलाईया करणे आल़ा, हर हालता च अपणे आप्पे पर काबू करणे आल़ा, सच्चा न्याय करणे आल़ा, पवित्र कने अपणिया इच्छा पर काबू करणे आल़ा होणा चाइदा।

तीतुस 2:2

स्याणे माणुआं जो अपणे आप्पे पर काबू रखणा, इज्जतदार बणना, कने अक्लमंदिया नैं जीणा सखा। तिन्हां अल्ल मजबूत बसुआस, प्यार कने सबर होणा चाइदा।

इब्रानियों 10:36

ऐदेय बग्ते च तुहां जो सबर रखणा जरूरी ऐ, तांजे परमात्मे दी इच्छा जो पूरी करी नैं जेह्ड़ा तुहां तांई वादा कित्या ऐ, सैह़ मिल्लैं।

इब्रानियों 12:1

अहां दे चौंन्नी पास्से मते सारे लोकां दियां ज़िन्दगिया दे ऐदेय उदारण हन, जेह्ड़े अहां जो दस्सदे हन कि बसुआस क्या ऐ। इसतांई ओआ, हर इक्क रोकणे आल़ी चीज्ज कने उलझाणे आल़े पापे जो दूर करी नैं, सैह़ दौड़ जिस च अहां जो दौड़णा ऐ अहां सबर रखी नैं दौड़न।

इब्रानियों 6:15

कने अब्राहमे मते साल्लां तिकर सबर रखी करी परमात्मे दे वादे दिया आसीषां जो पाया।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

2 पतरस 3:11

क्जोकि परमात्मा जरूर इन्हां सारियां चीज्जां जो नास करगा, ठीक तिंआं ई जिंआं मैं दस्सेया ऐ, तां तुहां जो अपणा चाल-चलण सैदेया रखणा चाइदा, जेह्ड़ा परमात्मे जो खुस करदा ऐ।

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 13:10

जिसदे हिस्से च कैद लिखियो ऐ, सैह़ जेला च जांगा; जेह्ड़ा तलवारा नैं मारगा, जरूरी ऐ कि सैह़ तलवारा नैं मारेया जांगा। परमात्मे दे लोकां दा सबर कने बसुआस इसी च ऐ।

प्रकाशितवाक्य 14:12

परमात्मे दे लोकां दा सबर इसी च ऐ, जेह्ड़े परमात्मे दे हुक्मां जो मनदे कने यीशु पर बसुआस रखदे हन।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।