2 पतरस 1:5 - काँगड़ी

⁵ इसतांई जरूरी एह़ कि तुहां परमात्मे दे सभावे जो अप्पु च बंडन, क्जोकि तुहां जो सिर्फ यीशु मसीह पर बसुआस नीं करणा चाइदा, अपर दूयेयां दी भलाई करणे दी भी कोसस करणी चाइदी, कने तुहां जो सिर्फ भलाई नीं करणी चाइदी, अपर तुहां जो दूयेयां सौगी किंआं अक्ला नैं बर्ताब करणा ऐ, सैह़ भी पता होणा चाइदा,

2 पतरस 1:5 Iomraidhean Croise

लूका 16:26

इन्हां सारियां गल्लां जो छड्डी करी अहां दे कने तुहां दे बिच्च इक्क बड़ा बड्डा खड्डा बणाया ऐ कि जेह्ड़ा ऐत्थु ते तिस पार तुहां अल्ल औणां चां, सैह़ नीं जाई सकदा; कने ना कोई औत्थू ते इस पार अहां अल्ल आई सकदा।’

लूका 24:21

अपर अहां जो आस थी कि एह़ ई इस्राएल देसे जो रोम देसे ते छुटकारा दिंगा। हाँ होर जादा क्या सैह़ सारियां गल्लां जेह्ड़ियां होई चुकियां हन, तिन्हां दा अज्ज त्रीआ दिन ऐ,

यूहन्ना 6:27

तिस खाणे तांई मेहनत मत करा जेह्ड़ा नास होई जांदा ऐ, अपर तिस खाणे तांई मेहनत करा जेह्ड़ा सदा दी ज़िन्दगिया तिकर बणी रैंह्गा, जिसियो मैं माणुये दा पुत्तर तुहां जो दिंगा, क्जोकि पिता परमात्मैं मिन्जो इसियो दैणे दा हक्क दित्या ऐ।”

1 कुरिन्थियों 14:20

हे मेरे प्यारे साथी बसुआसियो, तुहां इन्हां गल्लां जो समझणे तांई बच्चे मत बणा; बुराईया तांई तां बेकसूर बच्चे साइआं बणा, अपर ऐदिआं गल्लां जो समझणे तांई स्याणे बणा।

इफिसियों 5:17

इसतांई बेअक्ले मत बणा, अपर ध्याने नैं समझा कि प्रभु तुहां ते क्या चांह़दा ऐ।

फिलिप्पियों 1:9

मैं एह़ प्रार्थना करदा ऐ, कि तुहां दा इक्की दूये नैं प्यार, ज्ञान कने पूरिया समझा नैं होर भी बधदा जां,

फिलिप्पियों 2:12

इसतांई हे प्यारे साथी बसुआसियो, जिस तरीके नैं तुहां सदा ते हुक्म मनदे आएयो हन, तिंआं ई हुण भी ना सिर्फ मिन्जो सौगी रैंह्दे होये अपर खास करी नैं हुण मेरे दूर रैहणे पर भी डरदे कने कम्मदे होये, लगातार खरे कम्म करदे रेह्आ, जेह्ड़े तुहां दे उद्धारे ते ओंदे हन।

फिलिप्पियों 4:8

इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

कुलुस्सियों 1:9

इसा बज़ाह ते जिस दिन ते एह़ सुणेया ऐ, अहां भी तुहां तांई एह़ प्रार्थना करणा नीं छड्डेया कने एह़ विणती करदे हन कि तुहां पूरे आत्मिक ज्ञान कने समझा च परमात्मे दी इच्छा दे सारे ज्ञाने च भरोंदे जा,

कुलुस्सियों 2:3

जिस च अक्ला दे कने ज्ञाने दे सारे खजाने छुपेयो हन।

इब्रानियों 11:6

सिर्फ बसुआसे दे जरिये अहां परमात्मे जो खुस करी सकदे हन। क्जोकि परमात्मे अल्ल ओणे आल़े जो बसुआस करणा चाइदा, कि सैह़ ऐ, कने जेह्ड़े तिसियो सच्चाईया नैं तोपदे हन, तिन्हां जो सैह़ तिन्हां दा इनाम दिंदा ऐ।

इब्रानियों 12:15

तुहां चौकनै रेह्आ, कोई भी माणु परमात्मे दे अनुग्रह बगैर नीं रेई जां। ध्यान देआ, कि तुहां च बेबसुआसे दी कोड़ी जड़ निकल़ी करी तकलीफ नीं दैं, जिसते कि सैह़ लोक परमात्मे दे सच्चे रस्ते दूर होई जान।

इब्रानियों 6:11

आलसी मत बणा। अपर मेहनत करणे आल़ेआं साइआं बणा, तुहां एह़ प्यारे दे कम्म सबर कने बसुआसे सौगी लगातार अन्त तिकर करदे रेह्आ, कने परमात्मे दे वादेयां जो पाणे तांई पक्की आसा रखा।

1 पतरस 3:7

तिंआं ई हे लाड़ेयो, तुहां भी समझदारिया नैं लाड़ियां सौगी ज़िन्दगी जीआ करा, कने तुहां जो एह़ गल्ल याद रखणा चाइदी कि जणासां तुहां ते कमजोर हन, इसतांई तुहां जो तिन्हां दी इज्जत करणी चाइदी। क्जोकि तुहां दोयो परमात्मे दे तिस वरदाने दे साझी हन, जेह्ड़ा सदा दी ज़िन्दगी ऐ, इआं करदे रेह्आ, तांजे जाह़लू तुहां प्रार्थना करन, ताह़लू परमात्मा तुहां दिया तिसा प्रार्थना जो सुणैं।

2 पतरस 1:10

इसा बज़ाह ते हे प्यारे साथी बसुआसियो, खरा बर्ताब करणे तांई कड़ी मेहनत करदे रेह्आ, जिसते तुहां अपणे आप्पे जो कने दूयेयां लोकां जो एह़ दस्सी सकन, कि सच्च-बिच्च परमात्मे तुहां जो चुणेया, कने तिसदे अपणे लोक होणे तांई सद्देया ऐ। जे तुहां एह़ करदे हन, तां तुहां कदी भी परमात्मे ते दूर नीं हुंगे।

2 पतरस 1:11

कने इस तरीके नैं तुहां अहां दे प्रभु कने उद्धार करणे आल़े यीशु मसीह दे सदा दे राज्जे च बड़े आदरे सौगी दाखल हुंगे।

2 पतरस 3:14

इसतांई, हे मेरे प्यारे साथी बसुआसियो, जाह़लू कि तुहां तिस न्याय आल़े दिने दी आस रखदे हन, तां कोसस करा कि तुहां सांतिया नैं तिस सामणै बेदाग कने बेकसूर ठैह़रन,

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।