2 पतरस 1:4 - काँगड़ी

⁴ क्जोकि तिसदिया महिमा कने भलाईया दे जरिये तिन्हीं अहां जो बड़े म्हान कने कीमती वादे दित्यो हन, तांजे जेह्ड़ा भ्रष्टाचार इस संसारे च बुरिआं इच्छां दिया बज़ाह ते हुंदा ऐ, तिसते छुटी करी परमात्मे दे सभावे च साझीदार होई जान।

2 पतरस 1:4 Iomraidhean Croise

रोमियो 9:4

सैह़ इस्राएली लोक हन, कने परमात्मे दे बच्चे होणे दा हक्क कने महिमा, वादे, व्यबस्था, परमात्मे दी भक्ति कने करार तिन्हां दे हन।

2 कुरिन्थियों 1:20

क्जोकि परमात्मे दे सारे वादे मसीह च “हाँ” सौगी हन। कने इसतांई अहां ग्लांदे हन, “आमीन” जिसते अहां दे जरिये परमात्मे दी महिमा होयैं।

2 कुरिन्थियों 3:18

कने अहां, जेह्ड़े खुले चेहरे नैं प्रभु दी महिमा जो दिक्खदे हन, तिन्हां साइआं आस्ते-आस्ते बधदी होई महिमा सौगी बदलदे जा दे हन। एह़ महिमा प्रभु ते ऐ, कने तिसदी आत्मा अहां च कम्म करदी ऐ।

2 कुरिन्थियों 6:17

इसतांई प्रभु पवित्रशास्त्रे च ग्लांदा ऐ, “तिन्हां लोकां ते लग्ग होई जा, जेह्ड़े परमात्मे जो नीं मनदे; कने बुरिआं चीज्जां ते दूर रेह्आ, तां मैं तुहां जो अपनांगा।

गलातियों 3:16

ठीक तिंआं ई परमात्मैं अपणे वादे अब्राहमे जो कने तिसदे वंशे जो दित्ते। पवित्रशास्त्र एह़ नीं ग्लांदा ऐ, कि “तेरे वंशा जो,” जिंआं मतेआं दे बारे च ग्लाया; अपर एह़ इक्की माणुये दे बारे च ग्लांदा ऐ, कि “तेरे वंशे जो,” कने सैह़ मसीह ऐ।

गलातियों 6:8

क्जोकि जेह्ड़ा माणु अपणे पापी सभावे जो खुस करणे तांई बांदा ऐ, तिस सभावे दे जरिये सैह़ बरबादी दी फसल बड्डगा; कने जेह्ड़ा परमात्मे दिया आत्मा जो खुस करणे तांई बांदा ऐ, तां तिसा आत्मा दे जरिये सैह़ सदा दी ज़िन्दगिया दी फसल बड्डगा।

इफिसियों 4:13

एह़ लगातार हुंदा रैंह्गा, कि जाह़लू तिकर अहां सारे अहां दे बसुआसे कने परमात्मे दे पुत्तरे दे ज्ञाने दे जरिये इक्क मन नीं होई जान। तां अहां मसीह साइआं सिद्ध बणगे कने पूरे तरीके नैं तिस साइआं हुंगे।

कुलुस्सियों 3:10

कने हुण तुहां नौये सभावे जो अपनाई लेआ ऐ, एह़ नौआं सभाव जादा ते जादा अपणे बणाणे आल़े साइआं बणदा जांदा ऐ, कने तिसियो खरे कित्ते समझगा।

इब्रानियों 12:10

अहां दा संसारिक बुढ़ा तां अपणिया-अपणिया समझा दे मताबक थोड़े दिनां तिकर अहां जो झिड़कदा था, अपर परमात्मा अहां दी भलाईया तांई झिड़कदा ऐ, तांजे अहां भी तिसदी पवित्रता दे हक्कदार बणी जान।

इब्रानियों 9:15

कने इसा बज़ाह ते मसीह नौये वादे दा बचौला ऐ, तांजे जेह्ड़े लोक सद्देयो हन, सैह़ वादे दिया जायदाता दे हक्कदार बणी जान। हुण मसीह तिन्हां लोकां जो बचाणे तांई मरेया ऐ, जिन्हां पाप कित्या था, कने पराणे वादे जो तोड़ी दित्ता।

याकूब 1:27

अहां दे पिता परमात्मे दे सामणै सुद्ध कने सच्ची भक्ति एह़ ऐ कि अनाथां कने बिधवां दे दुखां च तिन्हां दा ख्याल रखन, कने अपणे आप्पे जो संसारे दे बुरे कम्मां ते बचाई करी रखन।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

2 पतरस 3:13

अपर अहां बसुआसी लोक परमात्मे दे वादे मताबक इक्क नौये सुअर्गे कने नौईआ धरतिया दी आस रखदे हन जित्थु सिर्फ धार्मिक लोक ई रैंह्दे हन।

2 पतरस 3:9

कुच्छ लोक समझदे हन कि प्रभु अपणे बापस ओणे दे वादे च देर करा दा ऐ! नीं अपर सैह़ तुहां तांई सबर रखा दा ऐ, क्जोकि सैह़ नीं चांह़दा कि कोई भी नास होयैं, अपर सैह़ चांह़दा कि सारेयां जो मन बदलणे दा मौका मिल्लैं।

1 यूहन्ना 2:25

कने जिसदा परमात्मैं अहां नैं वादा कित्या सैई सदा दी ज़िन्दगी ऐ।

1 यूहन्ना 3:2

हे मेरे प्यारे साथी बसुआसियो, हुण अहां परमात्मे दी औलाद हन, कने अह्ल्ली तिकर एह़ प्रगट नीं होएया कि अहां क्या कुच्छ हुंगे। बस इतणा जाणदे हन, कि जाह़लू यीशु मसीह प्रगट हुंगा तां तिस साइआं हुंगे, क्जोकि तिसियो तिंआं ई दिक्खगे जिंआं सैह़ ऐ।