2 पतरस 1:3 - काँगड़ी

³ क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

2 पतरस 1:3 Iomraidhean Croise

मत्ती 28:18

यीशुयैं तिन्हां अल्ल आई नैं ग्लाया, “सुअर्ग कने धरतिया दा सारा हक्क मिन्जो दित्या ऐ।

रोमियो 8:32

जिन्हीं अपणे इकलौते पुत्तरे जो भी नीं रखी छड्डेया, अपर अहां पर दया करी नैं तिसियो भी अहां सबना तांई देई दित्ता। तां इतणा कुच्छ दैणे ते बाद भी सैह़ अहां जो अपणे पुत्तरे सौगी सब कुच्छ क्जो नीं दिंगा?

रोमियो 9:24

मतलब दया दे भांडे अहां लोक हन, जिन्हां जो तिन्हीं ना सिर्फ यहूदियां ते, अपर होरनी जातिआं ते भी चुणेया।

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

2 कुरिन्थियों 12:9

अपर प्रभुयैं मिन्जो नैं ग्लाया, “मेरा अनुग्रह तेरे तांई काफी ऐ। क्जोकि मेरी सामर्थ कमजोरिया च खरे कित्ते कम्म करदी ऐ।” इसतांई मैं बड़ी खुसिया नैं अपणी कमजोरियां पर घमंड करगा, कि मसीह दी सामर्थ मिन्जो पर छौं करदी रैंह्।

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

इफिसियों 4:4

अहां सारे बसुआसी इक्क सरीरे दे अंगा साइआं हन, कने अहां सारेयां इक्क ई पवित्र आत्मा पाया ऐ, ठीक तिंआं सैह़ आसा भी इक्क ई ऐ, जिसा च तुहां परमात्मे दे लोक होणे तांई सद्देयो थे।

फिलिप्पियों 3:8

अपर तिसते भी बधी करी मैं अपणे प्रभु यीशु मसीह जो जाणने दी जरूरता दे सामणै सारियां गल्लां जो बेकार समझदा ऐ। जिसदिया बज़ाह ते मैं सारियां चीज्जां दा नकसान झेलेया, कने तिन्हां जो कूड़ा समझदा ऐ, जिसते मैं मसीह जो जाणी सकैं।

फिलिप्पियों 4:8

इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

कुलुस्सियों 1:16

क्जोकि एह़ सैई मसीह ऐ, जिन्हीं सारी सृष्टिया दियां चीज्जां जो बणाणे तांई परमात्मे सौगी कम्म कित्या था, चां सुअर्गे दियां होन, या धरती दियां, दिक्खियां या अणदिखियां, क्या सिंहासण क्या राज्ज, क्या राज्ज करणे आल़े कने क्या हक्क, सारियां चीज्जां तिसदे जरिये तिसदिया सेवा तांई बणाईयां हन।

1 थिस्सलुनीकियों 2:12

कि तुहां दे चाल-चलण ते परमात्मे जो आदर मिल्लैं, जेह्ड़ा तुहां जो अपणे राज्जे च कने महिमा च सददा ऐ।

1 थिस्सलुनीकियों 4:7

क्जोकि परमात्मैं अहां जो असुद्ध ज़िन्दगी जीणे तांई नीं, अपर पवित्र ज़िन्दगी जीणे तांई सद्देया ऐ।

2 थिस्सलुनीकियों 2:14

जिस तांई तिन्हीं तुहां जो अहां दे सुसमाचारे दे जरिये सद्देया, कि तुहां अहां दे प्रभु यीशु मसीह दी महिमा जो हासल करी लैन।

1 तीमुथियुस 4:8

क्जोकि सरीरे दिया वरजिसा ते घट फायदा मिलदा ऐ, अपर आत्मिक वरजिस सारियां गल्लां तांई फायदेमंद ऐ, क्जोकि एह़ माणुये दे जिन्दे रैंह्दे भी कने मरने दे बाद भी मदत करदी ऐ।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

इब्रानियों 1:3

पुत्तर ई परमात्मे दिया महिमा दी चमक ऐ, कने सैह़ हर किस्मां ते तिस साइआं ऐ। कने सैह़ अपणे सामर्थी दे वचनां ते सारिया सृष्टिया जो मजबूत बणाई रखदा ऐ। सैह़ लोकां दे सारे पापां जो धोई करी सबते ऊची पदविया पर परमात्मे दे सज्जे बक्खे जाई बैठा ऐ।

1 पतरस 1:15

अपर परमात्मा जिन्हीं तुहां जो सद्देया ऐ, सैह़ पवित्र ऐ, तिंआं ई तुहां भी तिन्हां सारियां गल्लां च जेह्ड़ियां तुहां करदे हन, पवित्र बणा।

1 पतरस 1:5

कने तुहां दे बसुआसे दिया बज़ाह ते परमात्मा तुहां जो अपणी सामर्थी दे जरिये ताह़लू तिकर बचा दा ऐ, जाह़लू तिकर तुहां तिस उद्धारे जो हासल नीं करी लैन, जेह्ड़ा तिस आखरी दिने जो प्रगट होणे तांई त्यार ऐ, तांजे सारे तिसियो दिक्खी सकन।

1 पतरस 2:21

कने परमात्मे दी तुहां जो सदणे दी बज़ाह एह़ ऐ, कि तुहां तिस तांई दुख झेलन, मसीह भी जिन्हीं तुहां तांई दुख झेलेया, सैह़ तुहां तांई इक्क उदारण ऐ, इसतांई जेह्ड़ा तिन्हीं कित्ता, तुहां जो भी तिंआं ई करणा चाइदा।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।

1 पतरस 3:9

बुराईया दे बदले बुराई मत करा कने ना गाल़ी दे बदले गाल़ी देआ; अपर इसदे बदले आसीष ई देआ, क्जोकि परमात्मे तुहां जो इसतांई सद्देया ऐ, कि तुहां दूयेयां जो आसीष देई सकन, जे तुहां इआं करदे हन, तां परमात्मा तुहां जो आसीष दिंगा।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

2 पतरस 1:10

इसा बज़ाह ते हे प्यारे साथी बसुआसियो, खरा बर्ताब करणे तांई कड़ी मेहनत करदे रेह्आ, जिसते तुहां अपणे आप्पे जो कने दूयेयां लोकां जो एह़ दस्सी सकन, कि सच्च-बिच्च परमात्मे तुहां जो चुणेया, कने तिसदे अपणे लोक होणे तांई सद्देया ऐ। जे तुहां एह़ करदे हन, तां तुहां कदी भी परमात्मे ते दूर नीं हुंगे।

2 पतरस 1:2

मैं प्रार्थना करदा ऐ, कि जिंआं तुहां परमात्मे दे ज्ञाने च कने अहां दे प्रभु यीशु मसीह च बधा दे हन, तां परमात्मे ते तुहां जो जादा ते जादा अनुग्रह कने सांति मिलदी रैंह्।

2 पतरस 1:5

इसतांई जरूरी एह़ कि तुहां परमात्मे दे सभावे जो अप्पु च बंडन, क्जोकि तुहां जो सिर्फ यीशु मसीह पर बसुआस नीं करणा चाइदा, अपर दूयेयां दी भलाई करणे दी भी कोसस करणी चाइदी, कने तुहां जो सिर्फ भलाई नीं करणी चाइदी, अपर तुहां जो दूयेयां सौगी किंआं अक्ला नैं बर्ताब करणा ऐ, सैह़ भी पता होणा चाइदा,

2 पतरस 1:6

क्जोकि तुहां जो एह़ नीं पता होणा चाइदा कि दूयेयां नैं किंआं बर्ताब करणा ऐ, अपर तुहां जो अपणे आप्पे पर काबू भी करणा चाइदा, कने तुहां जो सिर्फ अपणे आप्पे पर काबू ई नीं करणा चाइदा, अपर दुखां च सबर भी रखणा चाइदा, कने तुहां जो सिर्फ सबर ई नीं रखणा चाइदा, अपर तुहां जो ऐदई ज़िन्दगी जीणा चाइदी, जेह्ड़ी परमात्मे जो खुस करदी ऐ,

2 पतरस 1:8

क्जोकि जे एह़ सारियां गल्लां तुहां च हन, तां सैह़ तुहां दे फायदे तांई हन, कने एह़ तुहां जो प्रभु यीशु मसीह दे ज्ञाने च बधणे तांई मदत करगियां।

2 पतरस 2:20

जाह़लू लोक प्रभु यीशु मसीह जो अपणा प्रभु कने उद्धारकर्ता मन्नेया था, ताह़लू तिन्हीं तिन्हां जो इस संसारे दिया बुराईया ते बचाई लेआ था। अपर हुण भिरी दुवारी सैह़ तिन्हां बुरे कम्मां च फंसी गियो हन, जेह्ड़े तिन्हां जो अपणे बसे च रखदे हन, इसतांई हुण तिन्हां दी हालत पैहल्ले ते भी बड़ी बुरी होई गियो ऐ।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।