2 पतरस 1:16 - काँगड़ी

¹⁶ क्जोकि जाह़लू अहां प्रेरितां तुहां जो अपणे प्रभु यीशु मसीह दी सामर्थी दा, कने बापस ओणे दा समाचार दित्या था, तां अहां तुहां जो चलाकियां नैं मनगढ़ंत काहणियां जो नीं दस्सदे थे, अपर अहां अपणियां अखीं नैं यीशु मसीह दिया महिमा जो दिख्या था।

2 पतरस 1:16 Iomraidhean Croise

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

मत्ती 16:28

मैं तुहां नैं सच्च ग्लांदा ऐ, कि जेह्ड़े ऐत्थु खड़ोत्यो हन, इन्हां च कुच्छ-कुच्छ ऐदेय हन, कि जाह़लू तिकर माणुये दे पुत्तरे जो परमात्मे दे राज्जे च ओंदे नीं दिक्खी लैंगे, ताह़लू तिकर मौत्त तिन्हां पर कदी नीं ओंगी।”

मत्ती 17:1

छिं दिनां दे बाद यीशुयैं पतरस कने याकूब कने तिसदे भाऊ यूहन्ने जो सौगी लेआ, कने तिन्हां जो सुनसाण च कुसी ऊचे प्हाड़े पर लेई गेआ।

मत्ती 24:27

“क्जोकि जिंआं बिजल़ी पूरब ते निकल़ी नैं पशिचमे तिकर चमकदी ऐ, तिंआं ई माणुये दे पुत्तरे दा भी औणां हुंगा।

मत्ती 24:3

जाह़लू सैह़ जैतून प्हाड़े पर बैठेया था, तां चेलेयां पड़दे नैं तिस अल्ल आई नैं ग्लाया, “अहां जो दस्सा कि एह़ गल्लां काह़लू हुंगियां? तेरे ओणे दा कने संसारे दे अन्त दा क्या नसाण हुंगा?”

मत्ती 28:18

यीशुयैं तिन्हां अल्ल आई नैं ग्लाया, “सुअर्ग कने धरतिया दा सारा हक्क मिन्जो दित्या ऐ।

मरकुस 13:26

“ताह़लू लोक मिन्जो माणु दे पुत्तरे जो बड़िया सामर्था कने महिमा सौगी बदल़ां पर ओंदेया दिक्खगे।

मरकुस 14:62

यीशुयैं ग्लाया, “हाँ मैं ऐ: कने तुहां मिन्जो माणु दे पुत्तरे जो सर्वशक्तिमान परमात्मे दे सज्जे पास्से बैठेयो, कने सुअर्गे ते अम्बरे दे बदल़ां सौगी ओंदे दिक्खगे।”

लूका 1:2

जिंआं कि सैह़ माणु पैहल्ले ते ई इन्हां गल्लां जो अपणिया अखीं नैं दिक्खणे आल़े कने वचनां दे दास थे, तिन्हां एह़ गल्लां अहां तिकर पज्जाईयां।

लूका 9:43

ताह़लू सारे माणु परमात्मे दी महासामर्थ ते हरान होये। अपर जाह़लू सारे माणु तिसदेयां कम्मां ते जेह्ड़ा सैह़ करदा था, हरान थे, तां तिन्हीं अपणे चेलेयां नैं ग्लाया,

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

यूहन्ना 17:2

क्जोकि तैं तिसियो सारे लोकां पर हक्क दित्या, कि जिन्हां जो तैं तिसियो दित्या ऐ तिन्हां सारेयां जो सैह़ सदा दी ज़िन्दगी दैं।

रोमियो 1:4

कने पवित्र आत्मा दिया सामर्थी नैं सैह़ मरेयां ते जिन्दा होई गेआ। इसते एह़ साबित होएया कि सैह़ परमात्मे दा पुत्तर ऐ, कने सैई यीशु मसीह अहां दा प्रभु ऐ।

1 कुरिन्थियों 1:17

क्जोकि मसीयैं मिन्जो बपतिस्मा दैणे जो नीं, अपर सुसमाचार सणाणे तांई घल्लेया ऐ, कने जाह़लू मैं सुसमाचार सणांदा, तां मैं अपणिया काबलियता दे मताबक नीं सणांदा, नीं तां लोक सिर्फ मेरी काबलियता पर ई बसुआस करदे, कने सैह़ यीशु मसीह दिया मौत्ती दिया सामर्थी जो नीं जाणदे, जेह्ड़ी सूल़िया पर होईयो थी।

1 कुरिन्थियों 1:23

अपर अहां एह़ प्रचार करदे हन कि मसीह सूल़िया पर टूंगेया गेआ, कने मते यहूदी लोकां जो इसा गल्ला ते दिक्कत थी, कने होरनी जातिआं दे लोकां तांई एह़ मूर्खता दी गल्ल ऐ;

1 कुरिन्थियों 1:7

ऐई बज़ाह ऐ कि जाह़लू तुहां अहां दे प्रभु यीशु मसीह दा बापस ओणे दा बेसबरिया नैं इन्तजार करा दे हन, तां हुण तुहां अल्ल सैह़ सारे आत्मिक वरदान हन, जिन्हां दी तुहां जो जरूरत ऐ।

1 कुरिन्थियों 2:1

हे प्यारे साथी बसुआसियो, मैं तुहां अल्ल ना तां घमंडे दियां गल्लां करणा आया कने ना ई अपणे आप्पे जो अक्लमंद दस्सणे तांई, अपर मैं तुहां अल्ल परमात्मे दा भेत दस्सणे तांई आया ऐ।

1 कुरिन्थियों 2:4

कने मेरी सिक्षा कने मेरा प्रचार जेह्ड़ा ऐ, सैह़ माणुआं दे ज्ञाने नैं भरोयो सब्दां मताबक नीं था, अपर पवित्र आत्मा कने सामर्थी दा सबूत था,

1 कुरिन्थियों 5:4

जाह़लू तुहां अहां दे प्रभु यीशुये दे नांऐ च किठ्ठे हुंदे हन तां मैं आत्मा च तुहां सौगी हुंदा ऐ कने अहां दे प्रभु यीशु मसीह दी सामर्थ भी तुहां सौगी हुंदी ऐ।

2 कुरिन्थियों 2:17

क्जोकि अहां तिन्हां मतेआं साइआं नीं हन, जेह्ड़े परमात्मे दे वचने जो अपणे फायदे तांई प्रचार करदे हन। अपर अहां परमात्मे दे वचने जो सच्चाईया नैं कने मसीह दे हक्के नैं प्रचार करदे हन, एह़ जाणदे होये कि परमात्मा अहां जो दिक्खा दा ऐ।

2 कुरिन्थियों 4:2

अपर अहां सर्मा दे गुप्त कम्मां जो छड्डी दित्या ऐ, कने ना चलाकी करदे, कने ना परमात्मे दे वचने जो अपणे फायदे तांई सणांदे हन। अपर अहां परमात्मे सामणै सिर्फ सच्चाई दस्सदे हन, तांजे हर इक्क माणु एह़ गवाही दैं, कि अहां सच्च ग्लांदे हन।

इफिसियों 4:14

तांजे अहां गांह तांई बच्चेयां साइआं नीं रैह़न। अहां जो कदी भी धोखे बाज लोकां दिया झूठिया सिक्षा च नीं फसणा चाइदा, जेह्ड़ियां हौआ साइआं अहां जो इक्की जगाह ते दूईआ जगाह पटकदियां हन।

फिलिप्पियों 3:21

सैह़ अपणिया ताकता दे तिस असरे मताबक जिसदिया बज़ाह ते सैह़ सारियां चीज्जां जो अपणे बसे च करी सकदा ऐ। अहां दे कमजोर सरीरे दा रूप बदली नैं, अपणी महिमा दे सरीरे साइआं बणाई दिंगा।

1 थिस्सलुनीकियों 2:19

अहां दिया आसा, खुसिया कने बड़ेयाई दा मुकट कुण ऐ? क्या अहां दे प्रभु यीशुये दे सामणै तिसदे ओणे दे बग्त तुहां नीं हुंगे?

2 थिस्सलुनीकियों 2:9

सैह़ दुष्ट माणु सैताने दिया ताकता सौगी ओंगा, कने सैह़ हर किस्मां दे झूठे चमत्कार कने अनोखे कम्म करगा, जिसते माणु सोचगे कि ऐई परमात्मा ऐ,

1 तीमुथियुस 1:4

कने तिन्हां बेकार काहणियां कने पूर्वजां दियां मनगढ़ंत काहणियां पर मन मत लगा, जिन्हां ते लड़ाई झगड़े हुंदे हन, एह़ चीज्जां परमात्मे दा कम्म करणे च मदत नीं करदियां। क्जोकि परमात्मे दा कम्म तांई होई सकदा ऐ, जे कोई तिस पर बसुआस करैं।

1 तीमुथियुस 4:7

अपर तिन्हां बेकार कने पूर्वजां दियां मनगढ़ंत काहणियां ते दूर रैह्, जिन्हां ते परमात्मे दी इज्जत नीं हुंदी, बल्कि अपणे आप्पे जो सारियां गल्लां च परमात्मे जो मन्नणा सीख।

तीतुस 1:14

तुहां यहूदियां दी मनगढ़ंत काहणियां कने तिन्हां माणुआं दे हुक्मां पर मन नीं लगाणा, जेह्ड़े सच्चाईया ते भटकी गियो हन।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

1 यूहन्ना 4:14

अहां पुत्तरे जो दिक्खी भी लेआ कने गवाही दिंदे हन कि पिता परमात्मैं पुत्तरे जो संसारे दे लोकां जो पापां ते छुटकारा दैणे तांई घल्लेया ऐ।

यहूदा 1:14

कने हनोके भी, जेह्ड़ा आदमे दी सतमी पीढ़िया ते था, जाह़लू तिन्हीं इन्हां लोकां दे बारे च एह़ भविष्यवाणी करी नैं ग्लाया, कि “दिक्खा, प्रभु जरूर अपणे मते सारे पवित्र दूतां दिया इक्क बड्डी भीड़ा सौगी ओआ दा ऐ।

प्रकाशितवाक्य 1:7

दिक्खा, सैह़ बदल़ां सौगी ओणे आल़ा ऐ, कने हर कोई तिसियो दिक्खगा, अपर जिन्हां तिसियो सूल़िया पर मारेया था सैह़ भी तिसियो दिक्खगे, कने धरतिया दे सारे लोक तिसदिया बज़ाह ते जोरे नैं रोंगे। हाँ, एह़ जरूर हुंगा! आमीन।