2 पतरस 1:13 - काँगड़ी

¹³ कने मैं अप्पु तांई एह़ ठीक समझदा ऐ, कि जाह़लू तिकर मैं इस संसारे च ऐ, ताह़लू तिकर तुहां जो इन्हां गल्लां दी याद करांदा रैंह्।

2 पतरस 1:13 Iomraidhean Croise

2 कुरिन्थियों 5:8

इसतांई अहां भरोसा रखदे हन, कने मरने दे बाद अहां प्रभु सौगी रैहणा होर भी खरा समझदे हन।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 3:10

मैं एह़ चांह़दा ऐ कि मसीह जो जाणी लैं। कने तिसदे दुवारी जिन्दे होणे दिया सामर्थी जो मसूस करी सकैं, कने तिसदे दुख झेलणे च साझी होई नैं, कने मौत्ती च तिस साइआं बणी जां।

2 तीमुथियुस 1:6

इसा बज़ाह ते मैं तिज्जो याद करांदा ऐ कि परमात्मे दे तिस वरदाने जो भिरी ते इस्तेमाल कर, जेह्ड़ा तिज्जो मेरे हत्थ रखणे पर मिल्लेया था।

इब्रानियों 13:3

कैदियां दा भी इन्हीं साह्भें हाल चाल पुछदे रेह्आ, कि समझा तुहां भी तिन्हां सौगी कैद हन। कने जेह्ड़े लोक दुखी कित्ते जांदे हन, तिन्हां दा भी एह़ समझी करी हाल चाल पुछा करा, जिंआं कि तुहां तिन्हां दे दुखे च साझी हन।

2 पतरस 1:12

हलांकि तुहां पैहल्ले ते ई इन्हां गल्लां जो जाणदे हन, कने जेह्ड़ा सच्चाईया दा वचन मसीह दे बारे च तुहां जो मिल्लेया ऐ तिस च मजबूत बणी रैंह्दे हन, तमी मैं तुहां जो इन्हां गल्लां दी लगातार याद करांदा रैंह्गा।

2 पतरस 1:14

क्जोकि मैं एह़ जाणदा ऐ कि यीशु मसीह दे वचने मताबक मेरा इस संसारे ते जाणे दा बग्त तौल़ी ओणे आल़ा ऐ, जिसदे बारे च अहां दे प्रभु यीशु मसीयैं मिन्जो साफ-साफ दस्सेया ऐ।

2 पतरस 3:1

हे मेरे प्यारे साथी बसुआसियो, हुण मैं तुहां जो एह़ दूई चिठ्ठी लिखा दा ऐ, कने दून्नी चिठ्ठियां च मैं तुहां जो तिन्हां गल्लां दी जेह्ड़ियां तुहां पैहल्ले ते सिखियां हन, याद करवाणे दी कोसस करी नैं हौंसला दिंदा ऐ, तांजे तुहां तिन्हां गल्लां दे बारे च खरे कित्ते सोचन,