2 पतरस 1:11 - काँगड़ी

¹¹ कने इस तरीके नैं तुहां अहां दे प्रभु कने उद्धार करणे आल़े यीशु मसीह दे सदा दे राज्जे च बड़े आदरे सौगी दाखल हुंगे।

2 पतरस 1:11 Iomraidhean Croise

मत्ती 25:34

ताह़लू मैं जेह्ड़ा राजा ऐ, अपणे सज्जे पास्से आल़ेआं नैं ग्लांगा, ‘हे मेरे पिता दे धन लोको, ओआ, तिस राज्जे दे अधिकारी होई जा, जेह्ड़ा संसारे दे सुरू ते लेई नैं तुहां तांई त्यार कित्या ऐ।

यूहन्ना 10:10

चोर कुसी होर कम्मे तांई नीं अपर सिर्फ चोरी करणा, मारणा कने खत्म करणा ओंदा ऐ; मैं इसतांई आया कि सैह़ ज़िन्दगी पान, कने मती सारी पान।

रोमियो 2:4

क्या तू परमात्मे दी भलाई, कने सबर, कने दया जो तुच्छ जाणदा ऐ? क्या एह़ नीं समझदा कि परमात्मे दी भलाई तिज्जो पापां ते मन बदलणे दे बारे च सखांदी ऐ?

1 कुरिन्थियों 15:24

इसते बाद इस संसारे दा अन्त होई जांगा। तिस बग्त सैह़ सारी हकुमत, सारा अधिकार, कने सामर्थी दा अन्त करी नैं राज्जे जो परमात्मा पिता दे हत्थे च देई दिंगा।

2 कुरिन्थियों 5:1

अहां दे सरीर इसा धरतिया पर अहां दे घरां साइआं हन, जिन्हां च अहां रैंह्दे हन। जाह़लू अहां मरन तां परमात्मे दी तरफा ते सुअर्गे पर इक्क देहया घर मिलगा जेह्ड़ा हत्थां नैं बणेया घर नीं, अपर सदा काल तिकर बणी रैंह्दा ऐ।

इफिसियों 3:20

जितणा अहां परमात्मे ते मंगदे कने सोचदे हन, तिसते भी जादा करी सकदा ऐ, क्जोकि तिसदी सामर्थ अहां च कम्म करदी ऐ। कलीसिया च कने यीशु मसीह च तिसदी महिमा पीढ़ी ते पीढ़ी तिकर जुगा-जुग हुंदी रैंह्। आमीन।

1 तीमुथियुस 6:17

इस संसारे दे अमीरां माणुआं जो हुक्म दे कि सैह़ घमंडी ना होन कने सैह़ धन-दौलता पर आस ना रखन, जेह्ड़ी कुच्छ बग्ते तांई ऐ, अपर सैह़ परमात्मे पर आस रखन, जेह्ड़ा अहां दे सुखे तांई सब कुच्छ इमानदारिया नैं अहां जो दिंदा ऐ।

2 तीमुथियुस 4:18

कने प्रभु मिन्जो हर इक्क बुरे कम्मां ते छड्डांदा ऐ, कने अपणे सुअर्गीय राज्जे च मिन्जो सम्भाल़ी नैं पज्जांगा। तिसदी महिमा जुगा-जुग हुंदी रैंह्। आमीन।

2 तीमुथियुस 4:8

प्रभु मिन्जो इक्क मुकट दिंगा, जेह्ड़ा धार्मिकता दा मुकट ऐ। सैह़ सच्चा न्याय करणे आल़ा अपणे बापस ओणे आल़े दिन च मिन्जो तिस इनामे जो दिंगा। सैह़ मिन्जो नीं अपर तिन्हां सबना जो भी जेह्ड़े तिसदे बापस ओणे दे इन्तजारे च हन।

इब्रानियों 6:17

इसतांई परमात्मैं भी कसम खादी। इआं करणे ते सैह़ लोकां जो जिन्हां सौगी वादा कित्या था, तिन्हां जो दस्सणा चांह़दा था, जेह्ड़ा वादा तिन्हीं तिन्हां नैं कित्या था, तिसियो पूरा करगा।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

2 पतरस 1:5

इसतांई जरूरी एह़ कि तुहां परमात्मे दे सभावे जो अप्पु च बंडन, क्जोकि तुहां जो सिर्फ यीशु मसीह पर बसुआस नीं करणा चाइदा, अपर दूयेयां दी भलाई करणे दी भी कोसस करणी चाइदी, कने तुहां जो सिर्फ भलाई नीं करणी चाइदी, अपर तुहां जो दूयेयां सौगी किंआं अक्ला नैं बर्ताब करणा ऐ, सैह़ भी पता होणा चाइदा,

2 पतरस 2:20

जाह़लू लोक प्रभु यीशु मसीह जो अपणा प्रभु कने उद्धारकर्ता मन्नेया था, ताह़लू तिन्हीं तिन्हां जो इस संसारे दिया बुराईया ते बचाई लेआ था। अपर हुण भिरी दुवारी सैह़ तिन्हां बुरे कम्मां च फंसी गियो हन, जेह्ड़े तिन्हां जो अपणे बसे च रखदे हन, इसतांई हुण तिन्हां दी हालत पैहल्ले ते भी बड़ी बुरी होई गियो ऐ।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।

प्रकाशितवाक्य 3:21

जेह्ड़ा बुरिआं ताकतां जो हराई दिंदा ऐ, मैं तिसियो अपणे सौगी अपणे सिंहासणे पर बठाल़गा, जिंआं मैं भी बुरिआं ताकतां जो हराई करी अपणे पिता सौगी तिसदे सिंहासणे पर बेई गेआ।

प्रकाशितवाक्य 5:10

कने तिन्हां जो अहां दे परमात्मे तांई इक्क राजे कने याजक बणाया; कने सैह़ धरतिया पर राजे साइआं राज्ज करगे।”