2 पतरस 1:10 - काँगड़ी

¹⁰ इसा बज़ाह ते हे प्यारे साथी बसुआसियो, खरा बर्ताब करणे तांई कड़ी मेहनत करदे रेह्आ, जिसते तुहां अपणे आप्पे जो कने दूयेयां लोकां जो एह़ दस्सी सकन, कि सच्च-बिच्च परमात्मे तुहां जो चुणेया, कने तिसदे अपणे लोक होणे तांई सद्देया ऐ। जे तुहां एह़ करदे हन, तां तुहां कदी भी परमात्मे ते दूर नीं हुंगे।

2 पतरस 1:10 Iomraidhean Croise

मत्ती 22:14

क्जोकि सद्देयो तां मत्ते हन अपर चुणेयो थोड़े हन।”

रोमियो 11:29

क्जोकि परमात्मा ना तां अपणे वरदान बापस लैंदा कने ना बुलाहटा ते अपणे मने बदलदा ऐ।

2 तीमुथियुस 2:19

तमी परमात्मे दे लोकां दा बसुआस पक्किया नीआ साइआं मजबूत बणी रैंह्दा ऐ, कने तिसा नीआ पर एह़ सब्द लखुयो हन, “प्रभु जाणदा ऐ कि तिसदे अपणे लोक कुण हन,” कने एह़ भी “जेह्ड़ा प्रभु दी अराधना करदा ऐ, तिसियो बुरे कम्म करणा छड्डी दैणे चाइदे।”

इब्रानियों 6:11

आलसी मत बणा। अपर मेहनत करणे आल़ेआं साइआं बणा, तुहां एह़ प्यारे दे कम्म सबर कने बसुआसे सौगी लगातार अन्त तिकर करदे रेह्आ, कने परमात्मे दे वादेयां जो पाणे तांई पक्की आसा रखा।

इब्रानियों 6:19

सैह़ आसा अहां दे प्राणा तांई समुंदरी जाह्जां दे लंगरा साइआं मजबूत कने पक्की ऐ। जेह्ड़ी अहां जो परमात्मे दी बड़ी पवित्र जगाह तिकर लेई करी जांदी ऐ जेह्ड़ी पड़दे पचांह़ ऐ,

याकूब 2:10

क्जोकि जेह्ड़ा कोई पूरिया व्यबस्था दा पालण करदा ऐ अपर इक्की भी हुक्मे जो नीं मनदा ऐ तां सैह़ सारियां गल्लां च दोसी बणदा ऐ।

1 पतरस 1:2

पिता परमात्मे बड़ी पैहल्ले ते तुहां जो अपणे लोक होणे तांई कने पवित्र आत्मा दे जरिये पवित्र करणे तांई फैसला लेई लेआ था, तिन्हीं एह़ तां कित्ता कि तुहां यीशु मसीह जो मनन कने तिसदे खूने दे जरिये सुद्ध होन। मैं प्रार्थना करदा ऐ, कि परमात्मा तुहां जो बड़ा जादा अनुग्रह कने सांति दिंदा रैंह्।

1 पतरस 1:5

कने तुहां दे बसुआसे दिया बज़ाह ते परमात्मा तुहां जो अपणी सामर्थी दे जरिये ताह़लू तिकर बचा दा ऐ, जाह़लू तिकर तुहां तिस उद्धारे जो हासल नीं करी लैन, जेह्ड़ा तिस आखरी दिने जो प्रगट होणे तांई त्यार ऐ, तांजे सारे तिसियो दिक्खी सकन।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

2 पतरस 1:5

इसतांई जरूरी एह़ कि तुहां परमात्मे दे सभावे जो अप्पु च बंडन, क्जोकि तुहां जो सिर्फ यीशु मसीह पर बसुआस नीं करणा चाइदा, अपर दूयेयां दी भलाई करणे दी भी कोसस करणी चाइदी, कने तुहां जो सिर्फ भलाई नीं करणी चाइदी, अपर तुहां जो दूयेयां सौगी किंआं अक्ला नैं बर्ताब करणा ऐ, सैह़ भी पता होणा चाइदा,

2 पतरस 3:14

इसतांई, हे मेरे प्यारे साथी बसुआसियो, जाह़लू कि तुहां तिस न्याय आल़े दिने दी आस रखदे हन, तां कोसस करा कि तुहां सांतिया नैं तिस सामणै बेदाग कने बेकसूर ठैह़रन,

2 पतरस 3:17

इसतांई हे मेरे प्यारे साथी बसुआसियो, तुहां लोक पैहल्ले ते ई जाणदे हन कि एह़ सारियां गल्लां हुंगियां, इसतांई चौकन्ने रेह्आ, तांजे सैह़ लोक जेह्ड़े व्यबस्था जो नीं मनदे झूठ ग्लाई नैं तुहां जो रस्ते ते नीं भटकाई दैंन, कुत्थी इआं ना होयैं कि तुहां तिन्हां पचांह़ चलदे-चलदे तिसा सच्चाईया पर बसुआस करणा छड्डी दैंन।

यहूदा 1:24

कने हुण परमात्मा तिस धोखे ते बचाई सकदा ऐ, जेह्ड़ा तुहां जो पापी ज़िन्दगिया ते मिलदा ऐ। सैह़ तुहां जो जेह्ड़ा महिमा नैं भरोया ऐ खुसिया नैं कने बेकसूर करी नैं अप्पु सामणै खरेड़ी सकदा ऐ,

प्रकाशितवाक्य 22:14

धन सैह़ हन, जेह्ड़े अपणे आप्पे जो पवित्र बणाई लैंदे हन, क्जोकि तिन्हां जो ज़िन्दगिया दे रूखे अल्ल ओणे दा हक्क मिलगा, कने सैह़ फाटकां च होई करी अंदर जांगे।