2 पतरस 1:1 - काँगड़ी

¹ मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

2 पतरस 1:1 Iomraidhean Croise

मत्ती 10:2

इन्हां बाराह प्रेरितां दे नां एह़ हन पैहल्ला शमौन, जेह्ड़ा पतरस नांऐ ते जाणेयां जांदा ऐ, कने तिसदा भाऊ अन्द्रियास कने जबदिये दा पुत्तर याकूब, कने तिसदा लोक्का भाऊ यूहन्ना,

मत्ती 4:18

ताह़लू गलील प्रदेसे दिया झीला दे कनारे चलदे-चलदे यीशुयैं दूँ भाऊआं जो झीला च जाल़ पांदे मच्छियां पकड़दे दिख्या, जिन्हां च इक्की दा नां शमौन जिसियो पतरस ग्लांदे थे, कने तिसदे लोक्के भाऊये दा नां अन्द्रियास था, क्जोकि सैह़ मछुवारे थे।

लूका 1:47

कने मैं, मेरा उद्धार करणे आल़े परमात्मे च खुस ऐ,

लूका 11:49

इसतांई परमात्मे दी अक्ल भी दस्सदी ऐ, मैं तिन्हां अल्ल भविष्यवक्तां जो कने प्रेरितां जो घल्लगी, कने सैह़ तिन्हां च कुच्छना जो मारी दिंदा ऐ, कने कुच्छना जो सतांगे।

यूहन्ना 1:42

अन्द्रियास अपणे भाऊ शमौने जो यीशु अल्ल लेई आया। यीशुयैं तिस पर नजर करी नैं ग्लाया, “तू यूहन्ने दा पुत्तर शमौन ऐ। अज्जे तू कैफा नांऐ ते जाणेया जांगा,” या पतरस दून्नी नां दा मतलब चट्टान ऐ।

यूहन्ना 12:26

जे कोई मेरी सेवा करणा चां, तां सैह़ मेरा चेला बणैं; कने जित्थु मैं ऐ, तित्थु मेरा चेला भी हुंगा। जे कोई मेरी सेवा करैं, तां पिता तिसदा आदर करगा।

यूहन्ना 20:21

यीशु भिरी तिन्हां नैं ग्लाणा लग्गा, “तुहां जो सांति मिल्ले; जिंआं पितैं मिन्जो घल्लेया ऐ, तिंआं ई मैं भी तुहां जो इस संसारे च घल्लदा ऐ।”

प्रेरितां दे कम्म 15:14

शमौन पतरसैं समझाया, कि परमात्मैं होरनी जाति ते कुच्छ लोकां जो अपणी सेवा तांई चुणी करी, सबते पैहल्ले किंआं तिन्हां पर दया कित्ती।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 1:12

मेरा मतलब एह़ ऐ कि मैं तुहां बिच्च होई नैं तुहां सौगी तिस बसुआसे दे जरिये जेह्ड़ा मिन्जो च ऐ, कने तिस बसुआसे दे जरिये जेह्ड़ा तुहां च ऐ, इक्की दूये जो बसुआसे च मजबूत करदे रैह़न।

रोमियो 1:17

क्जोकि तिस सुसमाचारे च परमात्मे दी धार्मिकता बसुआसे ते कने बसुआसे तांई प्रगट हुंदी ऐ, जिंआं पवित्रशास्त्रे च लिख्या ऐ, “सैह़ माणु जेह्ड़ा बसुआसे दे जरिये धर्मी बणेया ऐ, जिन्दा रैंह्गा।”

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

1 कुरिन्थियों 15:9

क्जोकि मैं सारे प्रेरितां च जादा खास नीं ऐ, अपर प्रेरित कैहलाणे जोग्गा भी नीं ऐ, क्जोकि मैं परमात्मे दिया कलीसिया च बसुआसी लोकां जो बड़ा सताया था।

1 कुरिन्थियों 9:1

जेह्ड़ा कुच्छ मैं चुणदा ऐ, क्या मैं तिसियो खाणे तांई अजाद नीं ऐ? क्या मैं प्रेरित नीं ऐ? क्या मैं यीशुये जो जेह्ड़ा अहां दा प्रभु ऐ, नीं दिख्या ऐ? क्या तुहां प्रभु च मेरिया सेवा दा प्रतिफल़ नीं हन।

2 कुरिन्थियों 4:13

पवित्रशास्त्रे च लिख्या ऐ, “मैं बसुआस कित्ता, इसतांई मैं ग्लाया।” अहां अल्ल सैई बसुआस ऐ, इसतांई ग्लांदे हन।

2 कुरिन्थियों 5:21

मसीह जेह्ड़ा पापे ते अणजाण था, परमात्मे अहां तांई तिस नैं पापिये साइआं बर्ताब कित्ता, कि अहां तिस च होई नैं परमात्मे दे धर्मी माणु बणी जान।

गलातियों 2:8

क्जोकि परमात्मैं पतरसे जो प्रेरित होणे तांई चुणेया कने यहूदी लोकां बिच्च बड़े सामर्थी दे कम्म करवाये, तिंआं ई तिन्हीं मिन्जो ते भी होरनी जातिआं दे लोकां बिच्च सैदेय सामर्थी दे कम्म करवाये,

इफिसियों 3:5

पराणे जमाने च परमात्मे एह़ भेत लोकां पर प्रगट नीं कित्ता, जिंआं कि आत्मा दिया बज़ाह ते हुण तिसदे पवित्र प्रेरितां कने भविष्यवक्तां पर प्रगट कित्या ऐ।

इफिसियों 4:11

तिन्हीं कुच्छ लोकां जो प्रेरित, कुच्छ भविष्यवक्ता, कुच्छ सुसमाचार सणाणे आल़े, कुच्छ रखवाल़े कने सिक्षक होणे दा वरदान देई दित्ता,

इफिसियों 4:5

अहां सारेयां अल्ल इक्क ई प्रभु यीशु मसीह ऐ, अहां सारे सिर्फ प्रभु यीशु मसीह पर ई बसुआस करदे हन, कने अहां दा सिर्फ यीशु मसीह दे नांऐ पर बपतिस्मा होएया ऐ,

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

फिलिप्पियों 1:29

क्जोकि मसीह दिया बज़ाह ते तुहां पर ऐदेया अनुग्रह होएया कि ना सिर्फ तिस पर बसुआस करा अपर तिस तांई दुख भी झेला,

फिलिप्पियों 3:9

तांजे मैं तिस सौगी एकता च जी सकैं; ना कि अपणी तिसा धार्मिकता दे सौगी, जेह्ड़ी मूसा दिया व्यबस्था ते ऐ, अपर तिसा धार्मिकता दे सौगी जेह्ड़ा मसीह पर बसुआस करणे दिया बज़ाह ते ऐ, कने परमात्मे दे पास्से ते बसुआस करणे पर मिन्जो मिलदी ऐ,

2 तीमुथियुस 1:5

मैं तेरिया माँऊ यूनीके दे तिस सच्चे बसुआसे जो भी याद करदा ऐ। कने तेरिया नानिया लोईसा दा बसुआस भी सैदेया था, मैं इसा गल्ला च पक्का ऐ कि सैई बसुआस तिज्जो च भी ऐ।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 1:4

तीतुसे दे नां जेह्ड़ा बसुआसे च मेरा सच्चा पुत्तर ऐ; मैं प्रार्थना करदा ऐ, कि पिता परमात्मे कने अहां दे उद्धार करणे आल़े यीशु मसीह दे पास्से ते तिज्जो अनुग्रह कने सांति मिलदी रैंह्।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

याकूब 1:1

मैं याकूब जेह्ड़ा परमात्मे दा कने प्रभु यीशु मसीह दा दास एह़ चिठ्ठी तिन्हां बारांह गोत्रां जो लिखदा ऐ, जेह्ड़े संसारे च तितर-बितर होई नैं रैंह्दे हन, मेरा तिन्हां जो नमस्कार।

1 पतरस 1:1

मैं शमौन पतरस जेह्ड़ा यीशु मसीह दा प्रेरित ऐ। मैं एह़ चिठ्ठी तिन्हां परदेसियां दे नांऐ पर लिखा दा ऐ, जेह्ड़े पुन्तुस, गलातिया, कप्पदूकिया, आसिया प्रदेस कने बितुनिया प्रदेसे च तितर-बितर होई नैं रैंह्दे हन,

1 पतरस 1:7

इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

1 पतरस 2:7

एह़ पत्थर तुहां तांई जेह्ड़े यीशु मसीह पर बसुआस करदे हन बड़ा भरी कीमती ऐ, अपर पवित्रशास्त्र तिन्हां लोकां दे बारे च जेह्ड़े बसुआस नीं करदे एह़ ग्लांदा ऐ: “जिस पत्थरे जो राजमिस्त्रियां बेकार समझेया था, सैई कुणे दा सिरा बणी गेआ,”

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

2 पतरस 1:4

क्जोकि तिसदिया महिमा कने भलाईया दे जरिये तिन्हीं अहां जो बड़े म्हान कने कीमती वादे दित्यो हन, तांजे जेह्ड़ा भ्रष्टाचार इस संसारे च बुरिआं इच्छां दिया बज़ाह ते हुंदा ऐ, तिसते छुटी करी परमात्मे दे सभावे च साझीदार होई जान।

यहूदा 1:1

मैं यहूदा जेह्ड़ा यीशु मसीह दा दास कने याकूबे दा लोक्का भाऊ ऐ, मैं एह़ चिठ्ठी तिन्हां लोकां दे नांऐ पर लिखा दा ऐ, जेह्ड़े परमात्मे दे जरिये तिस च बसुआस करणे तांई सद्देयो हन। अहां दा पिता परमात्मा तुहां नैं प्यार करदा ऐ कने यीशु मसीह दे जरिये तुहां जो बचांदा ऐ।