2 यूहन्ना 1:4 - काँगड़ी

⁴ मैं बड़ा खुस होएया कि मैं तेरे कुच्छ बच्चेयां जो तिस हुक्मे मताबक, जेह्ड़ा अहां जो पिता दिया तरफा ते मिल्लेया था, सच्चाईया पर चलदे होये पाया।

2 यूहन्ना 1:4 Iomraidhean Croise

1 कुरिन्थियों 13:6

प्यार बुरे कम्मां ते खुस नीं हुंदा अपर सच्चाईया ते खुस हुंदा ऐ।

गलातियों 2:14

अपर जाह़लू मैं दिख्या कि सैह़ सुसमाचारे दी सच्चाईया पर सिध्धी चाल नीं चलदे, तां मैं सारेयां दे सामणै पतरसे नैं ग्लाया, “जाह़लू तू यहूदी होई नैं होरनी जातिआं साइआं चलदा ऐ कने यहूदियां साइआं नीं, तां तू होरनी जातिआं जो यहूदियां साइआं चलणे जो क्जो ग्लांदा ऐ?”

इफिसियों 5:2

कने तुहां इक्की दूये नैं प्यार करा, जिंआं मसीयैं भी तुहां नैं कित्या ऐ, कने अहां दे पापां जो दूर करणे तांई अप्पु जो बलिदान करी दित्ता, कने परमात्मा खुस होएया, क्जोकि एह़ बलिदान तिस तांई मिठ्ठी खुसबुया साइआं होएया।

इफिसियों 5:8

क्जोकि तुहां तिन्हां लोकां साइआं थे, जेह्ड़े नेहरे च रैंह्दे हन, अपर हुण प्रभु च जोतिया दे लोक हन, क्जोकि तुहां प्रभु दे लोक हन, इसतांई जोतिया दे लोकां साइआं ज़िन्दगी जीआ।

फिलिप्पियों 4:10

मैं प्रभु च बड़ा खुस ऐ कि हुण इतणेयां दिनां बाद तुहां दे मने च मेरे बारे च पैसे घल्लणे दी भिरी ते फिकर होई। सच्ची च तुहां जो सुरू च भी इसदे बारे च फिकर थी, अपर तुहां जो मौका नीं मिल्लेया।

1 यूहन्ना 2:6

कने जेह्ड़ा कोई एह़ ग्लांदा ऐ, कि मैं तिस च बणी रैंह्दा ऐ, तां तिसियो चाइदा कि अप्पु भी तिंआं ई जीन जिंआं यीशु मसीह ज़िन्दगी जींदा था।