2 यूहन्ना 1:2 - काँगड़ी

² सैह़ सच्च जेह्ड़ा अहां च पक्का बणी रैंह्दा ऐ, कने सदा तांई अहां सौगी मजबूत रैंह्गा।

2 यूहन्ना 1:2 Iomraidhean Croise

यूहन्ना 14:16

मैं पिता नैं विणती करगा, कने सैह़ तुहां जो इक्क होर सहायक दिंगा, कि सैह़ हमेसा तुहां सौगी रैंह्।

यूहन्ना 15:7

जे तुहां मिन्जो सौगी जुड़ी रैह़न, कने मेरे वचन तुहां च बणी रैह़न, जेह्ड़ा कुच्छ तुहां चांह़दे हन सैह़ मंगा कने सैह़ तुहां तांई होई जांगा।

1 कुरिन्थियों 9:23

मैं एह़ सब कुच्छ यीशु मसीह दे सुसमाचारे तांई करदा ऐ, तांजे तिन्हां आसीषां दा हिस्सा मिन्जो भी मिल्ली जां, जिसदा वादा सुसमाचारे च कित्या ऐ।

2 कुरिन्थियों 4:5

क्जोकि अहां अपणे बारे च नीं, अपर यीशु मसीह दे बारे च प्रचार करदे हन, कि सैह़ प्रभु ऐ। कने तिसदे बारे च एह़ ग्लांदे हन, कि तिन्हीं अहां जो तुहां दे सेवक होणे तांई घल्लेया।

कुलुस्सियों 3:16

हर बग्त तुहां मसीह दे वचने दे बारे च सोचदे रेह्आ, तांजे जेह्ड़ा कुच्छ करदे कने सोचदे हन, तिसियो काबू च रखा। कने बड़ी समझदारिया नैं इक्की दूये जो सखा कने सलाह देआ, कने अपणे-अपणे मने च धन्यावाद करी नैं परमात्मे तांई भजन कने स्तुति गीत कने आत्मिक गीत गा।

2 तीमुथियुस 1:5

मैं तेरिया माँऊ यूनीके दे तिस सच्चे बसुआसे जो भी याद करदा ऐ। कने तेरिया नानिया लोईसा दा बसुआस भी सैदेया था, मैं इसा गल्ला च पक्का ऐ कि सैई बसुआस तिज्जो च भी ऐ।

2 पतरस 1:12

हलांकि तुहां पैहल्ले ते ई इन्हां गल्लां जो जाणदे हन, कने जेह्ड़ा सच्चाईया दा वचन मसीह दे बारे च तुहां जो मिल्लेया ऐ तिस च मजबूत बणी रैंह्दे हन, तमी मैं तुहां जो इन्हां गल्लां दी लगातार याद करांदा रैंह्गा।

1 यूहन्ना 1:8

जे अहां ग्लान, कि अहां च कुच्छ भी पाप नीं, तां अपणे आप्पे जो धोखा दिंदे हन, कने अहां च कोई सच्चाई नीं।

1 यूहन्ना 2:14

हे पिताओ, मैं तुहां जो इसतांई लिख्या ऐ, कि जेह्ड़ा सुरू ते ऐ तुहां तिसियो जाणी गै हन। हे जुआनो, मैं तुहां जो इसतांई लिख्या ऐ, कि तुहां ताकतवर हन, कने परमात्मे दा वचन तुहां च बणी रैंह्दा ऐ; कने तुहां तिस सैताने पर जय पाई ऐ।

1 यूहन्ना 2:17

संसार कने तिसदियां इच्छां दोयो नास हुंदियां जांदियां हन, अपर जेह्ड़ा परमात्मे दी इच्छा पर चलदा ऐ, सैह़ हमेसा तिस च बणी रैंह्गा।