2 यूहन्ना 1:1 - काँगड़ी

¹ मैं यूहन्ना जेह्ड़ा कलीसिया दा अगुआ ऐ, मैं एह़ चिठ्ठी तिसा जणासा दे कने तिसादे बच्चेयां दे नांऐ पर लिखा दा ऐ, जिसा जो परमात्मे चुणेया ऐ। मैं सच्च-बिच्च तुहां सारेयां नैं प्यार रखदा ऐ कने सिर्फ मैंई नीं; अपर सैह़ सारे भी जेह्ड़े सच्चाईया जो जाणदे हन, तुहां नैं प्यार रखदे हन।

2 यूहन्ना 1:1 Iomraidhean Croise

लूका 1:3

तां मिन्जो भी एह़ ठीक लग्गा कि तिन्हां सारियां गल्लां दा पूरा हाल सुरू ते ठीक-ठीक जांच परख करणे दे बाद ई तिन्हां जो इक्क-इक्क करी नैं तुहां तांई लिखें।

यूहन्ना 8:32

तुहां सच्च जो जाणना, कने सच्च तुहां जो अजाद करगा।”

प्रेरितां दे कम्म 11:30

तिन्हां इआं ई कित्ता; कने बरनबास कने शाऊल दे हत्थ स्याणेयां अल्ल कुच्छ पैसे घल्ली दित्ते।

रोमियो 16:13

रूफुस जिस जो परमात्मे खास कम्मे तांई चुणेया ऐ कने तिसदिया माँऊ जो, जेह्ड़ी मेरिया माँऊ साइआं ऐ, दून्नी जो मेरा नमस्कार।

गलातियों 2:14

अपर जाह़लू मैं दिख्या कि सैह़ सुसमाचारे दी सच्चाईया पर सिध्धी चाल नीं चलदे, तां मैं सारेयां दे सामणै पतरसे नैं ग्लाया, “जाह़लू तू यहूदी होई नैं होरनी जातिआं साइआं चलदा ऐ कने यहूदियां साइआं नीं, तां तू होरनी जातिआं जो यहूदियां साइआं चलणे जो क्जो ग्लांदा ऐ?”

गलातियों 2:5

इक्क बग्त भी तिन्हां नैं सेहमत होणा अहां नीं मन्नेया, इसतांई कि सुसमाचार जेह्ड़ा सच्च ऐ, तुहां च बणी रैंह्।

गलातियों 3:1

हे नासमझ गलातिया दे बसुआसियो कुणी तुहां दियां अखीं पर पड़दा पाई दित्या ऐ? अहां तां तुहां जो खरे कित्ते समझाया कि क्जो यीशु मसीह सूल़िया पर मरेया।

गलातियों 5:7

तुहां मसीह सौगी गांह बधणे च खरी तरक्की करा दे थे। हुण तुहां जो मसीह दी सच्चाईया जो नीं मन्नणे ते कुणी रोकी दित्ता?

कुलुस्सियों 1:5

तुहां एह़ इसतांई करदे हन, क्जोकि बसुआस कने प्यारे दी बुनियाद सैह़ आसा ऐ, जेह्ड़ी तुहां तांई सुअर्गे च रखियो ऐ, जिसदे बारे च तुहां पैहल्ले ते ई तिस सुसमाचारे दे सच्चे वचने च सुणी चुकेयो हन,

1 तीमुथियुस 2:4

कने परमात्मा चांह़दा ऐ कि सारे लोक उद्धार पान, कने सच्चाईया जो जाणन,

इब्रानियों 10:26

क्जोकि सच्चाईया दे ज्ञाने जो जाणने ते बाद भी जे अहां जाणी बुझी करी पाप करदे रैह़न, तां पापां तांई भिरी कोई बलिदान बाक्कि नीं ऐ।

1 पतरस 1:2

पिता परमात्मे बड़ी पैहल्ले ते तुहां जो अपणे लोक होणे तांई कने पवित्र आत्मा दे जरिये पवित्र करणे तांई फैसला लेई लेआ था, तिन्हीं एह़ तां कित्ता कि तुहां यीशु मसीह जो मनन कने तिसदे खूने दे जरिये सुद्ध होन। मैं प्रार्थना करदा ऐ, कि परमात्मा तुहां जो बड़ा जादा अनुग्रह कने सांति दिंदा रैंह्।

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

1 पतरस 5:13

जेह्ड़े बेबीलोन देसे च तुहां साइआं चुणेयो लोक हन, सैह़ कने मरकुस जेह्ड़ा मेरे जागते साइआं ऐ, तुहां जो नमस्कार ग्लांदे हन।

1 यूहन्ना 2:21

मैं तुहां जो इसतांई नीं लिख्या, कि तुहां सच्चाईया जो नीं जाणदे, अपर इसतांई कि तुहां तिसा जो जाणदे हन, कने इसतांई कि कोई भी झूठ, सच्चाईया दिया तरफा ते नीं।

1 यूहन्ना 3:18

हे मेरे प्यारे बच्चो, अहां वचने ते कने गल्लां-बातां ते ई नीं, अपर कम्मे कने सच्चाईया दे जरिये भी प्यार करन।

2 यूहन्ना 1:13

तेरी बैह्णी दे बच्चे जिन्हां जो परमात्मे चुणेया ऐ, सैह़ ऐत्थु हन, कने तिज्जो नमस्कार ग्ला दे हन।

2 यूहन्ना 1:5

हुण हे नारी, मैं तिज्जो कोई नौआं हुक्म नीं, अपर सैई जेह्ड़ा सुरू ते अहां अल्ल ऐ, लिखदा ऐ। कने तिज्जो नैं विणती करदा ऐ कि अहां इक्की दूये नैं प्यार रखन।

3 यूहन्ना 1:1

मैं यूहन्ना जेह्ड़ा कलीसिया दा अगुआ ऐ, मैं एह़ चिठ्ठी गयुसे दे नांऐ पर लिखा दा ऐ, जिस नैं मैं सच्ची च प्यार रखदा ऐ।