1 तीमुथियुस 6:9 - काँगड़ी

⁹ अपर जेह्ड़े लोक अमीर होणा चांह़दे हन, सैह़ ऐदई परीक्षा कने फंदे कने बड़ियां नकसान करणे आल़िआं इच्छां च जानवरां साइआं फंसदे हन, जेह्ड़ियां माणुआं जो बिगाड़ी कने पूरे तरीके नैं नास करी दिंदियां हन।

1 तीमुथियुस 6:9 Iomraidhean Croise

मत्ती 13:22

जेह्ड़ा बीई झुड़ां बसुन्टां च बाया, एह़ सैह़ माणु ऐ, जेह्ड़ा वचन तां सुणदा ऐ, अपर इस संसारे दी फिकर कने धन दौलता दा धोखा वचने जो दब्बी दिंदा ऐ, कने सैह़ फल़दा नीं।

मत्ती 19:22

अपर सैह़ जुआन एह़ गल्ल सुणी नैं उदास होई नैं चली गेआ, क्जोकि सैह़ बड़ा अमीर था।

मत्ती 26:15

“जे मैं तिसियो तुहां दे हुआलैं करी दैं तां मिन्जो क्या दिंगे?” तिन्हां तिसियो तीई चाँदी दे सिक्के तौल़ी नैं देई दित्ते।

मत्ती 6:19

“अपणे तांई धरतिया पर धन दौलत मत कठ्ठेरा, जित्थु कीड़ा कने भुत्थी खराब करदी ऐ, कने जित्थु चोर टक लगाई नैं चोरी लैंदे हन।

मरकुस 4:19

अपर संसार दी फिकर, कने धन दौलत कने दूईआं चीज्जां दा लालच वचने जो दबाई दिंदा ऐ। कने सैह़ आत्मिक फल़ पाणे च नाकामयाब होई जांदे हन।

लूका 12:21

ऐई हालत तिन्हां माणुआं दी हुंदी ऐ, जेह्ड़े अपणे तांई धन दौलत किठ्ठा करदे हन, अपर सैह़ परमात्मे दिया नजरा च अमीर नीं।”

लूका 21:35

क्जोकि सैह़ सारे धरतिया पर रैहणे आल़ेआं पर इस तरीके नैं आई पोंगा।

प्रेरितां दे कम्म 8:20

पतरस तिस नैं ग्लाणा लग्गा, “तू कने तेरे पैसे नास होन, क्जोकि तैं परमात्मे दा दान पैसेयां नैं खरीदणे दा बचार कित्ता।

इफिसियों 4:22

अपणे पराणे पापी सभावे जो छड्डी देआ, कने अपणी पराणी ज़िन्दगी जीणे दे तरीके जो जेह्ड़ी सरीरे दियां इच्छां कने धोखेबाजिया नैं भरोईयो ऐ।

1 तीमुथियुस 1:9

अहां जाणदे हन कि मूसा दी व्यबस्था धार्मिक लोकां तांई नीं ऐ, अपर अपवित्र लोकां तांई कने परमात्मे दे बरोध करणे आल़े तांई ऐ, कने परमात्मे जो नीं मन्नणे आल़े कने हमेसा पाप करणे आल़े लोकां तांई, बुरे लोकां कने परमात्मे दी बेइज्जती करणे आल़े लोकां तांई, अपणे माँ-बुढ़े कने दूये लोकां दे हत्यारेयां तांई ऐ,

1 तीमुथियुस 3:7

कने कलीसिया दे बाहरे आल़े लोकां च भी तिसदी इज्जत होणी चाइदी, तांजे सैह़ बेइज्जत होई नैं सैताने दे फंदे च नीं फंसी जां।

1 तीमुथियुस 6:10

क्जोकि धन-दौलता दा लालच सारियां बुराईआं दी जड़ ऐ, जिसा जो पाणे तांई कोसस करदे-करदे कुच्छ लोक बसुआसे ते भटकी नैं अपणे आप्पे जो हर किस्मां दे दुखां च पाई दित्या ऐ।

1 तीमुथियुस 6:17

इस संसारे दे अमीरां माणुआं जो हुक्म दे कि सैह़ घमंडी ना होन कने सैह़ धन-दौलता पर आस ना रखन, जेह्ड़ी कुच्छ बग्ते तांई ऐ, अपर सैह़ परमात्मे पर आस रखन, जेह्ड़ा अहां दे सुखे तांई सब कुच्छ इमानदारिया नैं अहां जो दिंदा ऐ।

2 तीमुथियुस 2:26

कने एह़ लोक दुवारी भिरी खरे कित्ते सोचणे काबल होई जांगे, कने सैताने जो मन्नणे ते कने तिसदिया चलाकिया ते जेह्ड़ी इक्क फंदे साइआं ऐ, छुटी जांगे।

तीतुस 2:12

इस अनुग्रह दे जरिये परमात्मा अहां जो चतौणी दिंदा ऐ, कि अहां तिस सभावे जो छड्डणा सीखन, जेह्ड़ा परमात्मे दी बेइज्जती करदा ऐ, कने अहां जो सारियां संसारिक चीज्जां दियां इच्छां जो भी छड्डणा चाइदा। अपर इसदिया जगाह इस बग्ते च अहां जो सबर कने पवित्र ज़िन्दगी जीणी चाइदी, जेह्ड़ी साबित करैं कि अहां परमात्मे दी इज्जत करदे हन।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

यहूदा 1:11

तिन्हां लोकां पर हाय। क्जोकि तिन्हां दा बर्ताब आदमे दे जागते केने साइआं बुरा ऐ, धन-दौलता दे लालचे तांई तिन्हां सैई गलती कित्ती, जेह्ड़ी बिलामे कित्तियो थी। कने तिन्हां परमात्मे दे खलाफ भी बगावत कित्ती जिंआं कोरेह कित्तियो थी, इसा बज़ाह ते परमात्मा तिन्हां जो सज़ा दिंगा।