1 तीमुथियुस 6:6 - काँगड़ी

⁶ अपर ऐई सेवा अहां तांई खरी ऐ, कि अहां सैई करन, जेह्ड़ा परमात्मे जो खुस करदा ऐ कने परमात्मा अहां जो जेह्ड़ा कुच्छ दिंदा ऐ, तिस च अहां खुस रैह़न।

1 तीमुथियुस 6:6 Iomraidhean Croise

लूका 12:15

कने तिन्हीं तिन्हां नैं ग्लाया, “चौकन्ने रेह्आ, कने हर किस्मां दे लालचे ते अपणे आप्पे जो बचाई रखा; क्जोकि कुसी दी ज़िन्दगी तिसदिया धन-दौलता दिया बढ़तिया नैं नीं हुंदा।”

लूका 3:14

भिरी सपाई भी तिसते पुछणा लग्गे, “अहां क्या करन?” तिन्हीं तिन्हां नैं ग्लाया, “कुसी ते रिश्वत मत लैंदे कने ना ई कुसी पर झूठा दोस लगाणा, कने जितणी तणखाह तुहां जो मिलदी ऐ तिस च ई खुस रेह्आ।”

रोमियो 8:28

अहां जाणदे हन, कि जेह्ड़े लोक परमात्मे नैं प्यार रखदे हन, तिन्हां तांई सारियां गल्लां मिल्ली नैं भलाई ई पैदा करदियां हन, मतलब तिन्हां ई तांई जेह्ड़े तिसदिया इच्छा दे मताबक चुणेयो हन।

2 कुरिन्थियों 4:17

अहां दा अज्जे दा दुख छोटा कने जादा बग्ते तिकर रैहणे आल़ा नीं ऐ। क्जोकि तिसदा नतीजा सदा दी महिमा ऐ, कने सैह़ तिन्हां सारियां गल्लां ते जेह्ड़ियां अहां सोची सकदे हन, बड़ियां म्हान हन।

फिलिप्पियों 1:21

क्जोकि मेरा जिन्दा रैहणा मसीह तांई ऐ, कने मेरा मरी जाणा भी फायदा ऐ, क्जोकि मैं मरने ते बाद भी मसीह सौगी रैंह्गा।

1 तीमुथियुस 4:8

क्जोकि सरीरे दिया वरजिसा ते घट फायदा मिलदा ऐ, अपर आत्मिक वरजिस सारियां गल्लां तांई फायदेमंद ऐ, क्जोकि एह़ माणुये दे जिन्दे रैंह्दे भी कने मरने दे बाद भी मदत करदी ऐ।

1 तीमुथियुस 6:8

जे अहां अल्ल खाणे तांई रोटी कने पैहनणे तांई कपड़े होन, तां इन्हीं पर खुस रैहणा चाइदा।

इब्रानियों 13:5

तुहां अपणिया ज़िन्दगिया जो धन-दौलता दे लालचे ते दूर रखा, कने जेह्ड़ा तुहां अल्ल ऐ, तिस च खुस रेह्आ। क्जोकि परमात्मे अप्पु ई ग्लाया ऐ, “मैं तिज्जो कदी नीं छड्डगा, कने कदी नीं भुलगा।”