1 तीमुथियुस 6:5 - काँगड़ी

⁵ कने इक्की दूये सौगी नीं मुकणे आल़े झगड़े, जिन्हां दी अक्ल भरष्ठ होई गेई ऐ, कने सैह़ सच्चाईया जो नीं समझी सकदे हन, कने समझदे हन कि परमात्मे दी सेवा करणा ई अमीर होणे दा जरिया ऐ।

1 तीमुथियुस 6:5 Iomraidhean Croise

मत्ती 12:33

“जे रूखे जो खरा ग्लांदे हन, तां तिसदे फल़े जो भी खरा ग्ला, या रूखे जो नकम्मा ग्लांदे हन, तां तिसदे फल़े जो भी नकम्मा ग्ला; क्जोकि रूखे दी पणछैण तिसदे फल़े ते ई हुंदी ऐ।

मत्ती 21:13

कने तिन्हां नैं ग्लाणा लग्गा, “पवित्रशास्त्रे च लिख्या ऐ, ‘मेरा मंदर प्रार्थना दे मंदरे दे नांऐ जाणेयां जांगा।’ अपर तुहां तां इसियो डाकुआं दा अड्डा बणा दे हन।”

मत्ती 23:13

“हे पाखंडी सास्त्री कने फरीसी माणुओ, तुहां पर हाय। तुहां माणुआं तांई सुअर्गे दे राज्जे दा रस्ता बंद करदे हन, ना तां तुहां अप्पु तिस च जांदे हन कने ना तिस च जाणे आल़ेआं जो जाणा दिंदे।

1 कुरिन्थियों 11:16

अपर जे कोई मिन्जो नैं इसा गल्ला च सेहमत नीं ऐ, तां एह़ जाणी लैं कि ना अहां दी कने ना परमात्मे दियां कलीसियां च अहां अल्ल इसियो छड्डी करी होर कोई रवाज नीं ऐ।

2 थिस्सलुनीकियों 3:6

हे मेरे प्यारे साथी बसुआसियो, अहां तुहां जो अपणे प्रभु यीशु मसीह दे नांऐ ते हुक्म दिंदे हन कि तुहां हर इक्क ऐदेय बसुआसी भाऊये ते लग्ग रेह्आ, जेह्ड़ा अपणे आप्पे जो आलसी बणांदा ऐ कने जेह्ड़ी सिक्षा तिन्हीं अहां ते पाई तिसा मताबक नीं करदा ऐ।

1 तीमुथियुस 1:6

झूठे सिक्षकां तां इन्हां जो छड्डी दित्या ऐ, कने लोक फ़ालतू दियां गल्लां दी बैंह्सबाजी च पेई गियो हन।

1 तीमुथियुस 3:3

सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

1 तीमुथियुस 4:7

अपर तिन्हां बेकार कने पूर्वजां दियां मनगढ़ंत काहणियां ते दूर रैह्, जिन्हां ते परमात्मे दी इज्जत नीं हुंदी, बल्कि अपणे आप्पे जो सारियां गल्लां च परमात्मे जो मन्नणा सीख।

1 तीमुथियुस 4:8

क्जोकि सरीरे दिया वरजिसा ते घट फायदा मिलदा ऐ, अपर आत्मिक वरजिस सारियां गल्लां तांई फायदेमंद ऐ, क्जोकि एह़ माणुये दे जिन्दे रैंह्दे भी कने मरने दे बाद भी मदत करदी ऐ।

1 तीमुथियुस 6:6

अपर ऐई सेवा अहां तांई खरी ऐ, कि अहां सैई करन, जेह्ड़ा परमात्मे जो खुस करदा ऐ कने परमात्मा अहां जो जेह्ड़ा कुच्छ दिंदा ऐ, तिस च अहां खुस रैह़न।

2 तीमुथियुस 3:5

सैह़ एह़ दखावा करगे कि सैह़ परमात्मे दी भक्ति करदे हन, अपर सैह़ परमात्मे दिया सामर्थी जो नीं मनगे। ऐदेयां लोकां सौगी मेल-जोल मत रखा।

2 तीमुथियुस 3:8

कने एह़ झूठे सिक्षक मसीह दी सच्चाईया दा बरोध करदे हन, ठीक तिंआं ई जिंआं ई यन्नेस कने यम्ब्रेसे मूसा दा बरोध कित्या था, इन्हां लोकां दी अक्ल भरष्ठ होई गियो, कने सैह़ सच्च बिच्च मसीह पर बसुआस नीं करदे हन।

तीतुस 1:11

ऐदेयां लोकां जो सिक्षा दैणे दी इजाजत मत देआ, क्जोकि जाह़लू सैह़ ऐदई सिक्षा दिंदे हन, जेह्ड़ी तिन्हां जो नीं दैणी चाइदी, क्जोकि एह़ लोक सारे परवारां दा बसुआस नास करदे हन, सैह़ एह़ तां करदे हन कि पैसा हासल करी सकन।

2 पतरस 2:15

तिन्हां खरे कम्म करणा छड्डी दित्यो हन, कने तिन्हां बिओरे दे जागते बिलामे साइआं बुरे कम्म करणा सुरू करी दित्ते, क्जोकि तिसियो बुरे कम्म करी नैं धन-दौलत कम्माणा बड़ी खरी लगदी थी।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

यहूदा 1:11

तिन्हां लोकां पर हाय। क्जोकि तिन्हां दा बर्ताब आदमे दे जागते केने साइआं बुरा ऐ, धन-दौलता दे लालचे तांई तिन्हां सैई गलती कित्ती, जेह्ड़ी बिलामे कित्तियो थी। कने तिन्हां परमात्मे दे खलाफ भी बगावत कित्ती जिंआं कोरेह कित्तियो थी, इसा बज़ाह ते परमात्मा तिन्हां जो सज़ा दिंगा।

प्रकाशितवाक्य 18:13

कने दाल चीनी, मसाले, धूप, इत्तर, लोबान, मदिरा, तेल, मैदा, कणक, गाय-दांद, भेड्ड-बकरियां, घोड़े, रथ, दास, कने माणुआं दे प्राण।

प्रकाशितवाक्य 18:3

क्जोकि तिसादे ब्यभिचार दे खतरनाक मदिरा दिया बज़ाह ते सारियां जातिआं नास होई गियां हन, कने धरतिया दे राजेयां तिसा सौगी ब्यभिचार कित्या ऐ, कने धरतिया दे बपारी तिसादे सुख विलासे दिया बज़ाह ते बड़े अमीर होये हन।”