1 तीमुथियुस 6:4 - काँगड़ी

⁴ तां सैह़ घमंडी होई गेआ ऐ, कने सैह़ कुच्छ भी नीं जाणदा। ऐदेय माणु बैंह्सबाजी कने बेकार दियां गल्लां कने सब्दां दे बारे च झगड़ा करणा चांह़दे हन, जिसदा नतीजा जल़ण, झगड़े, निंदा दी गल्लां कने बुरे-बुरे शक,

1 तीमुथियुस 6:4 Iomraidhean Croise

प्रेरितां दे कम्म 15:2

जाह़लू पौलुसे कने बरनबासे दी तिन्हां सौगी बड़ी लड़ाई कने बैंह्सबाजी होई तां एह़ ठैहराया गेआ कि पौलुस कने बरनबास कने तिन्हां ते कुच्छ माणु इन्हां गल्लां दे बारे च चर्चा करणे तांई प्रेरितां कने स्याणेयां अल्ल यरूशलेम सैहरे जो जान।

प्रेरितां दे कम्म 18:15

अपर जे एह़ बैंह्स बसाई दे सब्दां च, कने नां दे बारे च कने तुहां दिया व्यबस्था दे बारे च ऐ, तां तुहां ई जाणन; क्जोकि मैं इन्हां गल्लां दा न्यायी नीं बणना चांह़दा।”

प्रेरितां दे कम्म 8:9

तिसी सैहरे च शमौन नांऐ दा इक्क माणु था, जेह्ड़ा जादू -टूणा करी नैं सामरिया प्रदेसे दे लोकां जो हरान करदा था कने अपणे आप्पे जो इक्क म्हान माणु ग्लांदा था।

रोमियो 12:16

तुहां जिंआं अपणी परवाह करदे हन, तिंआं ई इक्की दूये दी परवाह करदे रेह्आ। घमंडी मत बणा, अपर जेह्ड़े गरीब हन, तिन्हां सौगी संगति रखणे तांई हमेसा त्यार रेह्आ। अपणे आप्पे जो अक्लमंद मत समझा।

रोमियो 13:13

अहां दा सभाव बग्ते दे मताबक कने दिने साइआं खरा होणा चाइदा, ना कि लीला क्रीड़ा, पियक्कड़पण च, ना ब्यभिचार च, कने ना लुचपण च, कने ना झगड़े कने ना जल़निया च।

रोमियो 14:1

जे कोई बसुआसे च कमजोर ऐ, तां तिसियो अपणिया संगतिया च लेई लेआ, अपर तिसदे कम्मां दे बारे च तिसदी नुक्ता-चीनी मत करा।

रोमियो 2:8

अपर जेह्ड़े लोक सुवार्थी हन कने सच्च जो नीं मनदे अपर बुरे कम्मां जो करदे हन, तिन्हां पर परमात्मा अपणा गुस्सा कने कोप दस्सगा।

1 कुरिन्थियों 11:16

अपर जे कोई मिन्जो नैं इसा गल्ला च सेहमत नीं ऐ, तां एह़ जाणी लैं कि ना अहां दी कने ना परमात्मे दियां कलीसियां च अहां अल्ल इसियो छड्डी करी होर कोई रवाज नीं ऐ।

1 कुरिन्थियों 11:18

सबना ते पैहल्लैं तां एह़: कि जाह़लू तुहां कलीसिया च किठ्ठे हुंदे हन, तां एह़ सुणने जो मिलदा ऐ कि तुहां च बैर हुंदा ऐ, कने मैं कुच्छ हद तिकर बसुआस भी करदा ऐ।

1 कुरिन्थियों 3:18

जे तुहां च कोई सोचैं कि तुहां इस संसारे दे लोकां च बड़े भरी ज्ञानी हन, तुहां जो इस संसारे दे लोकां च मूर्ख बणी जाणा चाइदा, इसतांई तुहां परमात्मे दिया नजरा च अपणे आप्पे जो ज्ञानी बणाई सकन।

1 कुरिन्थियों 3:3

क्जोकि तुहां अह्ल्ली भी इन्हां संसारिक लोकां साइआं जीआ दे हन। इसतांई कि जाह़लू तुहां च जल़ण कने लड़ाई झगड़े हुंदे हन, तां क्या सैह़ एह़ साबित नीं करदा? कि तुहां संसारे दे हन, क्या तुहां इन्हां संसारिक लोकां साइआं नीं जीआ दे हन?

2 कुरिन्थियों 11:20

क्जोकि जाह़लू तुहां जो कोई दास बणाई लैंदा ऐ, या तुहां अल्ल जेह्ड़ा कुच्छ ऐ, तिसियो भी लेई लैंदा ऐ, या धोखा देई नैं फायदा चुक्की लैंदा ऐ, या अपणे आप्पे जो तुहां ते बड्डा बणांदा ऐ, या तुहां दे मुँऐ पर चपेड़ मारदा ऐ, तां तुहां तिसदी झेली लैंदे हन।

गलातियों 5:15

अपर जे तुहां इक्क दूये जो जंगली जानवरां साइआं दंदे नैं कटदे कने फाड़दे हन, तां चौकन्ने रेह्आ कि इक्की दूये दा नास नीं करी दैंन।

गलातियों 5:26

अहां घमंडी होई नैं ना इक्की दूये जो छेड़न, कने ना इक्की दूये सौगी कपट रखन।

गलातियों 6:3

क्जोकि जे कोई कुच्छ ना होणे पर भी अपणे आप्पे जो कुच्छ खास समझदा ऐ, तां अपणे आप्पे जो धोखा दिंदा ऐ।

फिलिप्पियों 1:15

एह़ सच्च ऐ कि कुच्छ लोक तां जल़ण कने झगड़े दिया बज़ाह ते मसीह दे सुसमाचारे दा प्रचार करदे हन, कने कुच्छ लोक अच्छे नेक इरादे नैं।

फिलिप्पियों 2:14

सारा कम्म बगैर बुड़बुड़ाये कने बगैर झगड़े दे करदे रेह्आ,

फिलिप्पियों 2:3

अपणे फायदे तांई कने घमंड नैं कुच्छ भी मत करा, अपर दीनता नैं इक्की दूये जो अपणे ते जादा अच्छा समझा।

कुलुस्सियों 2:18

कोई भी माणु, जेह्ड़ा दीनता दे ढोंग कने सुअर्गदूतां दी अराधना च लीन ऐ, तुहां जो तुहां दे इनामे ते दूर नीं करी सकैं। ऐदेया माणु इश्वरे दे दर्शन दिक्खणे च ढींगा मारदा ऐ। अपर एह़ सब बकबास ऐ क्जोकि तिन्हां दे दिमाग मतलबी इच्छां नैं भरोया ऐ।

2 थिस्सलुनीकियों 2:4

सैह़ परमात्मे दा कने तिन्हां सारियां चीज्जां दा बरोध करगा जिन्हां दी लोक अराधना करदे हन, कने सैह़ एह़ दावा करदा ऐ कि सैह़ तिन्हां सारेयां ते खास ऐ। ऐत्थु तिकर कि सैह़ दुष्ट माणु परमात्मे दे मंदरे च बेई नैं अपणे आप्पे जो परमात्मा दस्सदा ऐ।

1 तीमुथियुस 1:4

कने तिन्हां बेकार काहणियां कने पूर्वजां दियां मनगढ़ंत काहणियां पर मन मत लगा, जिन्हां ते लड़ाई झगड़े हुंदे हन, एह़ चीज्जां परमात्मे दा कम्म करणे च मदत नीं करदियां। क्जोकि परमात्मे दा कम्म तांई होई सकदा ऐ, जे कोई तिस पर बसुआस करैं।

1 तीमुथियुस 1:7

एह़ मूसा दिया व्यबस्था जो सखाणे आल़े तां बणना चांह़दे हन, अपर जेह्ड़ियां गल्लां बड़िया हिम्मता नैं दूये लोकां जो सखांदे हन कने तिन्हां जो नीं जाणदे कि सैह़ क्या सखा दे हन।

1 तीमुथियुस 3:6

भिरी एह़ कि सैह़ अगुआ नौआं बसुआसी नीं होणा चाइदी, क्जोकि सैह़ घमंडी होई सकदा ऐ कने सैह़ सैताने साइआं सज़ा पांगा।

2 तीमुथियुस 2:14

जेह्ड़ियां गल्लां मैं तिज्जो दस्सियां हन, तिन्हां जो अपणे लोकां जो भुलणा मत दिंदा, कने प्रभु दी मौजूदगिया च जेह्ड़ा इक्क गवाह ऐ। तिज्जो तिन्हां जो चतौणी दैणी चाइदी, कि सब्दां दे मतलबां जो लेई करी बैंह्सबाजी नीं करणी चाइदी, जिसा जो करणे ते कुच्छ फायदा नीं हुंदा, अपर सुणने आल़े लोकां तांई बड़ा बड्डा नकसान ई हुंदा ऐ।

2 तीमुथियुस 2:23

अपर बेअक्ली कने उटपटांग दी बैंह्सबाजी ते दूर रैह्, क्जोकि तू जाणदा ऐ कि इन्हां ते झगड़े पैदा हुंदे हन।

2 तीमुथियुस 3:4

ढीठ, घमंडी, परमात्मे नैं प्यार रखणे आल़े नीं कने बसुआसे जोग्गे नीं अपर सरीरे दियां इच्छां नैं प्यार रखणे आल़े हुंगे।

तीतुस 3:9

अपर मूर्खता दिया बैंह्सबाजिया ते, कने पूर्वजां दियां मनगढ़ंत काहणिया ते, दुश्मणी ते, कने तिन्हां झगड़ेयां ते जेह्ड़े मूसा दिया व्यबस्था दे बारे च होन, बची करी रेह्आ, क्जोकि तिन्हां गल्लां दा कोई फायदा नीं कने मतलब दियां नीं हन।

याकूब 1:19

हे प्यारे साथी बसुआसियो, एह़ गल्ल तुहां जाणी लेआ; हर इक्क माणु सुणने तांई तौल़ करणे आल़ा कने ग्लाणे च सबर रखणे आल़ा कने गुस्से च देर करणे आल़ा होयैं,

2 पतरस 2:12

अपर एह़ झूठे सिक्षक जंगली जानवरां साइआं हन, जेह्ड़े पकड़णे तांई कने नास होणे तांई पैदा होएयो हन। जिन्हां गल्लां जो जाणदे ई नीं हन, तिन्हां दे बारे च दूयेयां जो बुरा भला ग्लांदे हन, सैह़ जरूर इन्हां जंगली जानवरां साइआं नास कित्ते जांगे।

2 पतरस 2:18

एह़ घमंडे नैं भरोईयां बेकार दियां गल्लां नैं तिन्हां लोकां जो लुचपण दे कम्मां दे जरिये सरीरे दियां इच्छां च फंसाई लैंदे हन, जेह्ड़े रस्ते ते भटकेयां लोकां ते बाल-बाल बची करी निकल़ी आएयो हन।

यहूदा 1:10

अपर एह़ लोक जिन्हां गल्लां जो नीं समझदे, तिन्हां दे खलाफ बुरा भला ग्लांदे हन, कने जिन्हां गल्लां जो सैह़ समझदे हन, तिन्हां जो बगैर सोचे समझे जंगली जानवरां साइआं करदे हन, परमात्मा तिन्हां जो सज़ा दिंगा।

यहूदा 1:16

एह़ लोक हमेसा परमात्मे दे खलाफ ग्लांदे हन, कने दूयेयां लोकां च खोट कड्डदे हन, सैह़ हमेसा तिन्हां बुरे कम्मां जो करदे हन, जिन्हां जो सैह़ करणा चांह़दे हन। कने सैह़ अपणे फायदे तांई दूयेयां लोकां सौगी चापलूसियां दियां गल्लां करदे हन।

प्रकाशितवाक्य 3:17

तू ग्लांदा ऐ कि मैं अमीर ऐ कने दौलतमंद होई गेआ ऐ कने मिन्जो कुसा भी चीज्जा दी कमी नीं ऐ; अपर सच्च एह़ नीं ऐ कि तू अह्ल्ली भी अभागा, नीच, गरीब, अन्ना कने भुखा नंगा ऐ।