1 तीमुथियुस 6:3 - काँगड़ी

³ जे कोई झूठी सिक्षा दिंदा ऐ कने अहां दे प्रभु यीशु मसीह दे खरे संदेस, यानकि परमात्मे दी भक्ति दिया सिक्षा ते सेहमत नीं हुंदा,

1 तीमुथियुस 6:3 Iomraidhean Croise

मत्ती 22:21

तिन्हां तिस नैं ग्लाया, “कैसर राजे दा।” ताह़लू तिन्हीं तिन्हां नैं ग्लाया, “जेह्ड़ा कैसर दा ऐ, सैह़ कैसर जो; कने जेह्ड़ा परमात्मे दा ऐ, सैह़ परमात्मे जो देआ।”

मत्ती 28:20

कने तिन्हां जो सारे हुक्म जेह्ड़े मैं तुहां जो दित्यो हन, तिन्हां जो मन्नणा सखा कने सुणा मैं संसारे दे अन्त तिकर सदा तुहां सौगी ऐ।”

रोमियो 16:17

हुण हे प्यारे साथी बसुआसियो, मैं तुहां नैं विणती करदा ऐ, कि तुहां तिन्हां लोकां ते चौकन्ने कने दूर रेह्आ, जेह्ड़े तिसा सिक्षा दे खलाफ हन जेह्ड़ी तुहां जो मिलियो ऐ कने जेह्ड़े दूयेयां लोकां दे बसुआसे च कमजोर होणे दी कने झगड़े दी बज़ाह बणदे हन।

1 थिस्सलुनीकियों 4:8

इसतांई जेह्ड़ा इन्हां नियमां मताबक ज़िन्दगी जीणे ते इन्कार करदा ऐ, सैह़ माणुये दा नीं अपर परमात्मे दा इन्कार करदा ऐ, जेह्ड़ा अपणा पवित्र आत्मा तुहां जो दिंदा ऐ।

1 तीमुथियुस 1:10

ब्यभिचारियां, दूये मर्दां सौगी गलत कम्म करणे आल़े तांई, गुलामी तांई माणुआं जो बेचणे आल़े लोकां तांई, झूठ ग्लाणे आल़े कने झूठी कसम खाणे आल़े लोकां तांई, कने खरिया सिक्षा दे खलाफ कुसी भी तरीके दा कम्म करणे आल़े तांई ऐ।

1 तीमुथियुस 1:3

मैं तिज्जो भिरी ग्ला दा ऐ, जेह्ड़ा तिज्जो नैं इफिसुस सैहरे जो छड्डी करी मकिदुनिया प्रदेसे जो जाणे ते पैहल्लैं करणे जो दस्सेया था, कि तिन्हां झूठे सिक्षकां जो हुक्म देई नैं रोका कि झूठी सिक्षा मत देआ,

1 तीमुथियुस 1:6

झूठे सिक्षकां तां इन्हां जो छड्डी दित्या ऐ, कने लोक फ़ालतू दियां गल्लां दी बैंह्सबाजी च पेई गियो हन।

2 तीमुथियुस 1:13

भरोसा रख कि जेह्ड़ी सच्ची सिक्षा तैं मिन्जो ते सुणी ऐ, सैह़ तिज्जो तांई उदारणे साइआं ऐ। तिसा जो बसुआसे कने प्यारे सौगी कर, क्जोकि जेह्ड़ा तू यीशु मसीह च इक्क ऐ।

2 तीमुथियुस 4:3

क्जोकि ऐदेया बग्त भी औणां, कि जाह़लू लोक खरी सिक्षा जो झेली नीं सकगे, अपर जेह्ड़ा तिन्हां जो सुणना खरा लगगा, तिसदे मताबक सैह़ अपणे तांई मते सारे गुरू कठ्ठेरी लैंगे।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 1:9

तिसियो यीशु मसीह दे बसुआसे आल़े वचनां पर मजबूतिया सौगी भरोसा करणा चाइदा, जेह्ड़ा अहां सखाया था। तांजे सैह़ दूयेयां जो ठीक सिक्षा मन्नणे तांई हिम्मत देई सकैं, कने दूयेयां दिया गलतिया जो ठीक करी सकैं।

तीतुस 3:8

एह़ गल्लां सच्चियां हन, कने मैं चांह़दा ऐ कि तू इन्हां गल्लां दे बारे च मजबूतिया नैं सखा। इसतांई कि जिन्हां परमात्मे दे रस्ते जो दिख्या कने बसुआस कित्या ऐ, सैह़ खरे-खरे कम्मां च लग्गी रैहणे दा ध्यान रखन। एह़ गल्लां खरियां कने लोकां दे फायदे दियां हन।